သူ့အတွက်လက်ဆောင်...

         ဘာလိုလိုနဲ့ Valentine ကိုရောက်တော့မယ်နော်.။ လက်ဆောင်ပေးကိုကိုတွေလည်း ပေးဖို့ကြံနေ
မှာဖြစ်သလို.. မမတွေလည်း ဘာရမလဲ စဉ်းစားနေတဲ့အချိန်ဖြစ်မှာပေါ့ဗျား.။ ဒီတော့ လက်ဆောင်လေးတွေ
ပေးတဲ့အခါမှာ ကိုယ်ပေးတဲ့လက်ဆောင်လေးရဲ့ အဓိပ္ပာယ်လေးကို သိထားရင်ပိုကောင်းမယ်ထင်တယ်.။
ကောင်မလေးက မေးရင်ပြန်ပြောလို့ရတယ်လေ.။ ဟုတ်တယ်ဟုတ်.။
        အရင်ဆုံးသိထားသင့်တာက Floral Dictionary ပါ.။ တည့်တည့်ပြန်ရင် ပန်းအဘိဓါန်ပေါ့.။ပန်းကြိုက်
တဲ့ကောင်မလေးတွေ သိထားသင့်တာပေါ့.။ ဘယ်ပန်းက ဘာအဓိပ္ပာယ်ဆိုတာကိုပေါ့.။ သိသလောက်
ဘာသာပြန်ပေးချင်ပေမယ့် . သိပ်များလွန်းတော့ လက်ရှောင်လိုက်တယ်.။ ကိုယ့်ဖာသာကြည့်ကြည့်ပေါ့ဗျာ.။
ဒီနေရာမှာသွားကြည့်ပါ.။
        ပြီးခဲ့တဲ့နှစ် Valentine အထိ ဖာသိဖာသာပဲ.။ကိုယ့်အလုပ်နဲ့ကိုယ်ရှုပ်လို့ကောင်းတုန်းပါ.။လက်ဆောင်
ပေးဖို့ကို သူ့မွေးနေ့ ရောက်ခါနီးမှ သတိရတယ်.။အဲဒီမှာ စဉ်းစားရတယ်...။ သူ့နာမည်နဲ့ပဲဘုရားကိုလှူပြီး
ဘောက်ချာကို ပလတ်စတစ်လေးလောင်းပြီး သွားပေးလိုက်ရင် ရို ဆန်သွားမှာပဲ လို့တွေးမိတယ်.။ ဒါပေမယ့်
ဘုရားအထိသွားဖို့ လူက သင်တန်းသားဖြစ်နေတော့ မအားဘူး..။ လက်ဆောင်ကလည်း သူများနဲ့တူမှာ
ကြောက်တယ်.။ မတူအောင်ထူးထူးခြားခြားလေးတွေပေးချင်တာကိုး.။
      ပထမဆုံး ဂစ်တာဆိုင်ကိုသွားစုံစမ်းသေးတယ်.။ ပန်းနုရောင်ဆိုတာနဲ့ခေါင်းခါတယ်.။ အော်ဒါမှာရင်
လည်းကြာဦးမှာဆိုတာကို စပြောတယ်.။ မန္တလေးထိ ဖုန်းဆက်တာကို မရဘူးဖြစ်နေတယ်.။ ဂစ်တာပန်းနု
ရောင်လေးကို တော်တော် စိတ်စွဲနေတာ ..။ နောက်တော့ မှ မရနိုင်မှန်းသိပြီးလက်လျှော့လိုက်တယ်.။
လောလောဆယ် ကိုယ့်လခနဲ့ကိုယ် သုံးနေရတာဆိုတော့ သိန်းကျော်တန်လည်းဝယ်မပေးနိုင်တော့အလယ်
အလတ်စားထဲက ပဲ အဓိပ္ပာယ်ရှိတာလေးတွေဝယ်ပေးဖို့လိုလာပြီ.။ အဲဒီမှာစဉ်းစားစရာတွေတွေ့တယ်.။
ဘာတွေပေးရမလဲ.။ ???
       နောက်ရက်မနက် Outpass ရတယ်.။ အဘိုးကြီး၊ အဘွားကြီးစုံတွဲရုပ်ကလေး ကိုလိုက်ရှာတယ်.။
ပြင်ဦးလွင်မှာ နှံ့နေတာပဲ.။ အဘိုးကြီး၊ အဘွားကြီးတစ်စုံလုံးမတွေ့ဘူး.။တစ်ယောက်ချင်းစီတွေဖြစ်နေတယ်။
Valentine တုန်းကခွဲဝယ်ကုန်ကြတာလို့ ဆိုင်တွေကပြောပါတယ်.။ အဓိပ္ပာယ်က အဘိုးကြီးဖြစ်တဲ့အထိချစ်ပါ့
မယ် ၊ အဘွားကြီးဖြစ်တဲ့အချိန်အထိ ချစ်ပါ့မယ် ပေါ့ဗျာ.။ ကျွန်တော်ကလည်း အဘိုးကြီးအဘွားကြီးတွေဖြစ်
တဲ့အချိန်အထိ ငါတို့ချစ်ကြမယ် ဆိုတဲ့အဓိပ္ပာယ်နဲ့ လိုက်ရှာတာပါ..။

 

ပုံကို Google မှာရှာတာ ခေါင်းပြတ်လေးတွေပဲတွေ့တယ်.။ တကယ်တမ်းက ထိုင်ခုံလေးပေါ်မှာ.

        နောက်ဆုံးတွေ့မယ့်တွေ့တော့ ဟိုးကြားထဲက ဖန်စီဆိုင်သေးသေးလေးမှာသွားတွေ့ပါတယ်.။အဲဒီ
တော့ အဘိုးကြီးအဘွားကြီးက တစ်တွဲ.။ နောက်ထပ် သွားပွတ်တံ ပန်းရောင်လေး တစ်ချောင်းထပ်ဝယ်
တယ်.။သွားပွတ်တံရဲ့ အဓိပ္ပာယ် က မရှိမဖြစ်တဲ့..။

  

မရှိမဖြစ်.. တဲ့

 နောက်ထပ် အဖုံးဖွင့်လိုက်ရင်အသံမည်တဲ့. ဘူးလေးတစ်ဘူးပါသေးတယ်.။အဖုံးလေးကိုဖွင့်လိုက်ရင် အထဲ
က အရုပ်လေးက ငေါက်ကနဲ ထလာပြီးကတော့တာပဲ.။အဲဒီဘူးလေးကိုတော့..အချိန်တိုင်းအသင့်လို့ အဓိပ္ပာယ်ဖွင့်ထားတယ်.။

                                         အချိန်တိုင်းအသင့် ပါပဲ..
     နောက်ထပ် မထည့်လိုက်ရတဲ့ လက်ဆောင်တွေရှိသေးတယ်..။ အိပ်ရာထတိုင်းသတိရအောင်..မျက်နှာ
သုတ်ပ၀ါတို့..။ တစ်နေကုန် တမ်းတမိနေအောင် .ရေမွှေးတို့.. အစရှိသဖြင့်ပေါ့ဗျာ.။
       အဲဒါလေးတွေကိုကျွန်တော့်လိုဂိုလေးကို ပရင့်ထုတ်ပြီး ပါကင်စက္ကူနဲ့ကျကျနနပိတ်..။ ပြီးမှသူ့မွေးနေ့
မှာပေးလိုက်ပါတယ်.။ ကျွန်တော်လိုဂိုလေးဆိုတာ အခု ဒီဘလော့ရဲ့ Favicon လေးနဲ့တူတူပဲလေ..။
ကျွန်တော်အရင် က Programs သေးသေးလေးတွေ..။ Tools သေးသေးလေးတွေစမ်းရေးတုန်းကလည်း။
အဲဒီအိုင်ကွန်လေးကိုပဲသုံးခဲ့တာပါ.။ကိုယ့်ဖာသာ ဒီဇိုင်းထုတ်ပြီး.ဘယ်သူမှမကြိုက်တော့ ကိုယ့်ဖာသာသုံး
လေ၏ .။ ကောင်းရော.။

(ဘာကြီးမှန်းလည်းမသိဘူးနော်.။ ဟိဟိ)
          ဒီနေ့ခုနက အစ်မ သရဲချိုချဉ်..(ဟုတ်ပေါင်..ငယ်ငယ်တုန်းက စားတာတွေနဲ့မှားကုန်ပြီ...)အစ်မ
ချိုချဉ်ရဲ့.. တဂ်ပို့စ်လေးကို သွားဖတ်မှ. အမှတ်တရတစ်ခု ကျန်ခဲ့မှန်းသိတယ်.။ခုပြောပြမယ်နော်.။
          ၅ တန်းနှစ်ကကျွန်တော်တို့အတန်းနဲ့တစ်ခန်းကျော်မှာ..ဆံပင်ကြွက်မြီးလေးနဲ့ကောင်မလေး
တစ်ယောက်ရှိတယ်.။ရေသန့်စက်နဲ့တွဲထားတဲ့ရေကန်မှာ ရေသွားခပ်ရင်းအဲဒီကောင်မလေး ဘုရားပန်းအိုး
လာလဲတာနဲ့ကြုံရော..။ အဲဒါ ကျွန်တော်နဲ့အတူတူရေလာခပ်တဲ့ အိုက်စိုင်းဆိုတဲ့သူငယ်ချင်း ကအဲဒီကောင်
မလေးရဲ့ဆံပင်ကြွက်မြီးလေးကိုဆွဲရဲလားဆိုတော့. ကလေးပီပီ..ဆွဲရဲတာပေါ့ကွ ဆိုပြီး နောက်ကနေဆောင့်
ဆွဲလိုက်တာ.. အတန်းမှူးဆီခေါ်ပြီး မြှောက်ပေးတဲ့သူရော.။ အဟုတ်မှတ်ပြီး ဆွဲ တဲ့လူရော နှစ်ယောက်
လုံးဆော်ပလော်တီးခံရတာပေါ့ဗျာ. ။ဟိုကောင်မလေးကလည်း ငိုလိုက်တာ ကျွတ်ကျွတ်ကိုညံနေတာပဲ.။
အဲဒီတုန်းကတော့ အဲဒီကောင်မလေးကို မကျေနပ်ဘူးပေါ့ဗျာ.။ သိပ်မနာပဲနဲ့ဘာညာပေါ့ဗျာ.။ အဲဒီအချိန်
တုန်းက အဲဒီကောင်မလေးဟာ. တစ်ချိန်ချိန်မှာ..ကျွန်တော့် အတွက် ရင်နှင့်အမျှ ချစ်ရမယ့်သူဖြစ်လာလိမ့်
မယ် ဆိုတာထင်မထား ဘူးပေါ့ဗျာ.။(နောက်ဆုံးတော့ လည်းဒီဘူတာပါပဲ..ဟိဟိ.။)ခုတောင် သူ့ကို ပြန်ပြော
ပြီး ရယ်နေရတုန်း...။
           ဒီနေ့ပြည်ထောင်စုနေ့ မို့ ပြည်ထောင်စုနေ့နဲ့ပတ်သတ်တာ တင်ချင်ပေမယ့် . အဆင်သင့်ရေးပြီး
သား မရှိလိုက်လို့ မတင်ဖြစ်လိုက်ဘူး..။ဗိုလ်ချုပ်မွေးနေ့အတွက် တစ်ခုခုရေးတင်ဖို့ ရေးဖော်ရေးဖက်
သူငယ်ချင်းတစ်ယောက်နဲ့အဖော်စပ်ပါသေးတယ်.။ သူ့ ကလောင်နာမည်က မုန်းမောင်မောင်တဲ့..။
ဂျီတော့က နေလှမ်းပြောဖို့ဖွင့်လိုက်တော့.. သူ့ Custom Message မှာဘာတင်ထားလဲဆိုတော့..“ မူးမှ
မေ့မှာမို့ မုန်းမောင်မောင် မော့မယ်မေ.. ” တဲ့..။ လူတောင်ပြုံးချင်ချင်ဖြစ်သွားတယ်.။ အဲဒါနဲ့ သူ့ကိုရယ်ရယ်
မောမောနဲ့ မင်းကွာ ကြံကြံဖန်ဖန်..၊ခေါင်းကလည်းထွက်ပါ့ ဆိုတော့.. သကောင့်သားက ထပ်ပြောသေး
တယ်.။ရှိသေးတယ်တဲ့. “ မောင် မုန်းမောင်မောင် မင်းမိန်းမ မေမြို့မှာ မိုးမိမယ် မြန်မြန်မောင်း..” ဆိုတာ
ကြားဖူးလား.တဲ့..။ ဘာပြောလို့ပြောရမှန်းမသိအောင်ဖြစ်သွားတယ်.။ခုထိ ပြန်တွေးရင်ရယ်ချင်နေတုန်း.။
ကျောင်းမှာတုန်းက ကျွန်တော်တို့ အပတ်စဉ်က ကလောင်တွေက..ကျွန်တော် -မုတ်သုံ(ပြင်ဦးလွင်) ၊မင်းဝေ
အောင်-မုန်းမောင်မောင် ၊ သက်နောင် -လွမ်းစစ်နိုင်(ပုလော) ၊၀င်းမြင့်သန်း-မောင်ဝင်းမြင့်သန်း (မကွေး)
တို့ဖြစ်ပါတယ်.။အပြင်မှာလဲ ရေးတဲ့ကလောင်တွေပေါ့.။မုန်းမောင်မောင်နဲ့သက်နောင် ကစာသမားသပ်သပ်
ပေါ့.။ ၀င်းမြင့်သန်းက ကဗျာသမား.၊(တျာချင်း ၊ လေးချိုးကြီး၊ ကာချင်း ၊ ပိုဒ်စုံရတု..၊ အစုံပဲ..ကျွန်တော်လေး
စားတဲ့ သူငယ်ချင်းတစ်ဦးပေါ့.။ ၂၀၀၉ ခုနှစ်က နံရံကပ်စာစောင်မှာ ကျွန်တော်တို့ နိုင်ခါနီးမှ.ကျွန်တော့်တျာ
ချင်းကို တစ်နေရာမြှုပ်ထားတာ သူဖော်သွားလို့ ကျွန်တော်တို့ ရှုံးသွားတာ..။)ကျွန်တော်ကတော့တောင်မ
ရောက်၊ မြောက်မရောက်..။ ကဗျာရော.၊စာရော..ဖီလင်လာတဲ့ဥစ္စာ အကုန်ရေးတယ်...:P။ မော်စကိုထိပါ
လာတာကတော့..ကျွန်တော်နဲ့မုန်းမောင်မောင် ၂ ယောက်တည်းပါ.။
      ကဲပြောရင်းနဲ့လဲ မဆိုင်တဲ့လမ်းကြောင်းတွေလွဲကုန်ပြီ.။ကိုယ့်ခေါင်းစဉ်ကိုပြန်ကြည့်ပြီးရယ်ချင်သွားသေး
တယ်.။ ရေးတဲ့စာနဲ့ တော်တော်ဝေးသွားပြီ.။ ကဲ ..အမျိုးသားဖခင်ကြီးမွေးနေ့ အတွက် စဉ်းစားရဦးမှာမို့.
ဒီလောက်နဲ့ပဲ ကျေနပ်ကြပါလို့..။