Gloomy Sunday....

        မနေ့က ဘယ်မှ မသွားဖြစ်ပါဘူး..။ ဆရာမ Алёна (အာလျော့နာ)က တနင်္လာနေ့ပိတ်ပေးတဲ့အတွက်
ကြောင့်ပါ..။ သူငယ်ချင်းတွေက ဟိုဘက်ကျောင်းကို သွားကြတယ်..။ အခန်းထဲမှာ ကျွန်တော် တစ်ယောက်
တည်း ပျင်းပျင်းနဲ့.စာတွေဖတ်နေတယ်..။ အပြင်မှာလဲ နှင်းတွေချည်းပဲ..မှတ်မှတ်ရရ မော်နီတာပေါ်က
Weather Gadget ကိုလှမ်းကြည့်တော့..-16 ဒီဂရီဆဲလ်ဆီးယပ်စ်တဲ့.. ဘေးနားက ကုန်တိုက်မှာ ဖုန်းပိုက်ဆံ
ဖြည့်ဖို့တောင် မသွားချင်တော့ဘူး..။ နေပူနေပါလျက်နဲ့ ဒီလောက်တောင်အေးတာကိုအံ့သြမိပါတယ်...။

     Desktop ကလည်း ရှုပ်ပွနေတာပါပဲ.. ရှင်းလည်းခနပဲ .. ပြီးရင်ကျွန်တော်က လွယ်လွယ်ကူကူ ပြန်ပြီး
တင်လိုက်တော့ ပြန်ပွတာပါပဲ..း)
     ကျောင်းက တစ်ရက်ကို သုံးနာရီပဲ သင်ရပါတယ်..။ ဆရာမ (၂) ယောက်ရှိပါတယ်..။ဆရာမ အီရီနာနဲ့
ဆရာမ အာလျော့နာပါ..။နှစ်ယောက်စလုံးက ငယ်ငယ်လေးတွေပါ.. ။ အစ်မသကြားလုံး(candy)တို့နဲ့တူတူ
ပါပဲ..။ 88ဖွားတွေပါ..။ကျွန်တော်မြန်မာတွေက ဆရာဆရာမဆို လေးစားကြတော့ သူတို့တော်တော်အံ့သြ
ပါတယ်..။ ကျွန်တော်တို့ ထဲမှာတင် ဆရာမနဲ့ အသက်တူတွေ.ဆရာမတွေထက်အသက်ကြီးသူတွေပါနေ
ပေမယ့်..လပြည့်နေတုန်းက ဆရာမတွေကို မြန်မာထုံးစံအရ ကန်တော့ ကြပါသေးတယ်..။ဘာပဲဖြစ်ဖြစ် ဆ
ရာက ဆရာ မဟုတ်လား.။

 ဆရာမ အီရီနာ..

ဆရာမ အာလျော့နာ.(ပုံနဲနဲဝါးသွားပါတယ်..)

           ကျောင်းမှာကတည်းက ဗိုလ်လောင်းဘ၀ကတည်းက နာမည်ပြောင်ပေးတဲ့နေရာမှ ဒီပလိုမာဘွဲ့ရ
ထားသူဆိုတော့. ကျောင်းစဖွင့်ကတည်းက ဆရာမတွေကို နာမည်ပြောင်ပေးထားပြီးသားဖြစ်ပါတယ်.။
အရပ်ရှည်ရှည် နဲ့  အီရီနာကို.. အရှည်ကြီး လို့ ခေါ်ပြီးတော့.. ပိန်ပိန်သေးသေး.အာလျော့နာကိုတော့..
ဆရာမ ဗလကြီး လို့ခေါ်ကြပါတယ်...။(ပုံထဲမှာ ပုဆိုးတွေဝတ်ထားတာက လပြည့်နေ့ ဆရာမတွေကို ကန်
တော့တဲ့နေ့မို့လို့ပါ.. ။မြန်မာ့ရိုးရာပွဲတော်နေ့များဆိုရင်. ကျောင်းပိတ်ပေးပါတယ်..)
       ဒီနေ့ ကျောင်းသွားတော့ အာလျော့နာအချိန်ပါ....။ ဆရာမက စာသင်အင်မတန်ကောင်းပါတယ်..။
နားမလည်ရင်နားလည်အောင်.အမူအယာအမျိုးမျိုးလုပ်ပြတတ်လို့... သဘောကျကြပါတယ်.။ အီရီနာနဲ့
တော့ဆန့်ကျင်ဘက်ပါ....။အီရီနာကလည်းစာသင်ကောင်းပေမယ့်.. အင်မတန်ရှက်တတ် ကြောက်တတ်
သူပါ.. ။ကျောင်းသားကိုစာမေးရင်တောင် ရှက်နေတတ်လို့ မနည်းပြောထားရပါတယ်..း)

      ဒီနေ့မနက် ကျောင်းသွားတော့. ပြတင်းပေါက်မှာ ရေတွေခဲပြီးကပ်နေတယ်..။း)
   

အာလျော့နာ.. စာစစ်နေတုန်း ခိုးရိုက်ထားတာ.. ဟိဟိ..(မိသွားရင် သူငယ်တန်းကလေးကိုဆူသလိုဆူခံရ
မှာသေချာပါတယ်.....)
     ဆရာမက ဒီနေ့စာသင်ရင်း ကျွန်တော် တို့ကို သီချင်းတစ်ပုဒ်အကြောင်းပြောပြပါတယ်..။ ဟန်ဂေရီ
နိုင်ငံမှာ ဖြစ်ခဲ့တဲ့သီချင်းလို့ ပြောပါတယ်..။ သီချင်းနာမည်က  Gloomy Sunday ပါတဲ့.. ။ကျွန်တော်က
အတန်းထဲမှာ ဆရာမပြောသမျှ နောက်က လိုက်လိုက်ထောက်တတ်တဲ့သူဆိုတော့. ဆရာမက ကျွန်တော့်
ကိုဒီသီချင်းအကြောင်း ရှာဖတ်ခိုင်းပါတယ်။..အင်မတန်စိတ်ဝင်စားစရာကောင်းတယ်လို့ဆိုပါတယ်..။ 
ကျွန်တော် အတန်းက ပြန်ရောက်ရောက်ချင်းပဲ ..အဲဒီသီချင်းကို ရှာပါတယ်..။ နားထောင်ကြည့်တော့ ရှေး
သီချင်းကြီးဖြစ်နေပါတယ်.။ အဲဒါနဲ့ Wiki ကောက်လှန်ကြည့် တော့..အဲဒီသီချင်းရဲ့ထူးခြားမှုကိုတွေ့တော့
တာပါပဲ..။
          တတ်သလောက်မှတ်သလောက်ဖတ်ထားတာလေးတွေအကြမ်းဖျဉ်းပြောပြပါ့မယ်...။ ဒီသီချင်းကို
ဟန်ဂေရီလူမျိုးသီချင်းရေးဆရာ..Rezső Seress က၁၉၃၀ မှာရေးသားခဲ့တာဖြစ်ပါတယ်..။ဒါပေမယ့်.ဒီသီ
ချင်းနဲ့ဆက်နွယ်နေတယ်လို့ သံသယရှိတဲ့ ကိုယ်ကိုယ်ကို သတ်သေမှုများ.. အမေရိကန်နဲ့ ဟန်ဂေရီ ၂ နိုင်
ငံလုံးမှာ ဖြစ်ပွားခဲ့ပါတယ်..။ ဘယ်လောက်တောင်များလဲတော့ ဖော်ပြမထားပါဘူး.။ ဥပမာ.. ဒီသီချင်းဖွင့်
လျက် ကြိုးဆွဲချ သေနေတာမျိုး.၊သီချင်းဖွင့်ထားရင်းနဲ့ တိုက်ပေါ်က ခုန်ချသွား တာမျိုးတို့ဖြစ်ပါတယ်..။ အဲ
ဒါနဲ့ အဲဒီသီချင်းကို တာဝန်ရှိသူတွေက ရေဒီယို ထုတ်လွှင့်မှုကနေ ပိတ်လိုက်ရပါတယ်..။ဟန်ဂေရီအစိုးရ
ဟာ ဒီသီချင်းကို ပိတ်ပင်ထားပေမယ့်. ပြင်သစ်နိုင်ငံမှာပါ ဒီသီချင်းရဲ့ရိုက်ခတ်မှုဟာကူးစက်သွားပါတယ်.။
ဒီသီချင်းကိုဖွင့်ထားတဲ့ဆံပင်ညှပ်ဆိုင်ထဲမှာ လူငယ်လေးတစ်ယောက်  မိမိကိုယ်ကို ပစ္စတိုနဲ့ပစ်သတ်ခဲ့ပြီး
နောက် နောက်ထပ် နိုင်ငံ (၃) နိုင်ငံကအဲဒီသီချင်းဖွင့်ခွင့်ကိုတားမြစ်ခဲ့ပါတယ်..။ဟန်ဂေရီနိုင်ငံမှာ ကပ်ရော
ဂါတစ်ခုလိုဖြစ်ခဲ့တယ်လို့ဆိုပါတယ်..။
         သီချင်း ဖြန့်ဝေတဲ့ နောက် ၃၅ နှစ်အကြာ. ၁၉၃၈ ခုနှစ် ဇန်န၀ါရီမှာ .. နောက်ဆုံးလူတစ်ဦး အဲဒီသီ
ချင်းနဲ့ပတ်သတ်ပြီး ကိုယ့်ကိုယ်ကိုသေကြောင်းကြံခဲ့ပါတယ်တဲ့..။သူကတော့ အဲဒီသီချင်းကိုရေးသားခဲ့တဲ့
Rezső Seress ကိုယ်တိုင်ဖြစ်ပါတယ်.တဲ့..။ မြို့တော်Budapestမှာ ပြတင်းပေါက်က ခုန်ချခဲ့ပေမယ့် အသက်
မသေခဲ့ပါဘူး..။ ဒါပေမယ့် ဆေးရုံမှာ ၀ါယာကြိုးနဲ့ ကြိုးဆွဲချပြီးသေဆုံးခဲ့တဲ့နောက်ဆုံးလူဖြစ်ပါတယ်တဲ့..။ 
အံ့သြဖို့ကောင်းသလို  လန့်ဖို့လည်းကောင်းပါတယ်..။ You Tube မှာ Gloomy Sunday လို့ရိုက်ပြီးရှာရင်
တွေ့ပါလိမ့်မယ်..။အပေါ်မှာ ချိတ်ပေးထားတာ..Wikipedia လင့်ခ်ပါ..။(လျှောက်ကြည့်ပြီးရင်တော့ဘာမှ 
မလုပ်နဲ့ဦးနော်... ကျွန်တော်ကြည့်တာကတော့ ကျွန်တော်ကသမိုင်းကြောင်းကိုသိထားလို့လားတော့မသိ
ပါဘူး.။တစ်မျိုးခံစားရတယ်..။)

 

Gloomy Sunday

သီချင်းက တစ်မျိုးပါပဲ.. ကြောက်စရာကြီး. ကျွန်တော်တောင် အဆုံးထိနားမထောင်ဘူး..။ နားထောင်ကြည့်

လိုက်ပေါ့ဗျာ...။ကျွန်တော်ကတော့ တော်တော်လန့်သွားတယ်.......။ (အမယ်လေး ဘုရားစူးမိုးကြိုးပစ်တပ်

မတော်သားကြီးပါလား..)

   တော်ပီ..အိမ်စာတွေအများကြီးပဲ.. စိတ်ကူးပေါက်ရာတွေလျှောက်ရေးထားတာ. အမြင်ကတ်တော့မှာပဲ.။

အိမ်စာလုပ်လိုက်ဦးမယ်ဗျာ..........။အော် မေ့တော့မလို့ .အဲဒီသီချင်းရဲ့စာသားပါ..။

Gloomy Sunday lyrics

Sunday is Gloomy,
My hours are slumberless,
Dearest the shadows
I live with are numberless
Little white flowers will
never awaken you
Not where the black coach
of sorrow has taken you
Angels have no thought of
ever returning you
Would they be angry
if I thought of joining you
Gloomy Sunday!

Sunday is gloomy
with shadows I spend it all
My heart and I have
decided to end it all
Soon there'll be candles
and prayers that are said,
I know, but let them not weep,
let them know
that I'm glad to go

Death is no dream,
for in death I'm caressing you
With the last breath of my
soul I'll be blessing you

Gloomy Sunday
Dreaming
I was only dreaming
I wake and I find you
asleep in the deep of
my heart dear

Darling I hope that my dream
never haunted you
My heart is telling you
how much I wanted you
Gloomy Sunday
Gloomy Sunday