အရင်ကဇာတ်လမ်းလေး...

(၁)

သို့

            မိုးသက်

            ငါစာရေးလိုက်တယ် ၊ ရေးရမှာပျင်းလို့ဟာ.. နဲနဲပဲရေးလိုက်တယ်..။နင်ထည့်ပေးလိုက်တဲ့ဓါတ်ပုံရတယ်.။

နင်ကလည်းဟာ..။ အသားအရောင်နဲ့ဟပ်နေတာပဲ..။အင်္ကျီအရောင်ကအနီရောင်ဆိုတော့..။ရုတ်တရက်ကြည့်ရင်

ကျီးကန်းက ငရုတ်သီးကိုက်ထားသလိုပဲ..။ဟီ ဟိ..ဒါနဲ့နင်တောင်ကြီးလာမယ်ဆို..။လာမယ့်ရက်ကြိုပြောလေ..ငါ

ရှောင်နေမလို့..ဟဲဟဲ အလကားစတာပါ..နင်လာရင်မုန့်ဝယ်ခဲ့..။ဒါပဲနော် ညနက်နေပြီ.. မနက်စောစောဂျူတီဝင်ရ

မှာမို့..

                                                                                    နင့်ရဲ့

                                                                                                            နန်းမိုဟွမ်

            မစားရ၀ခမန်းချစ်သ၀ဏ်လွှာကိုကြည့်၍ကျွန်တော်သက်ပြင်းတစ်ချက်ချလိုက်မိသည်…။ ကြည့်  ဒါလား

ချစ်သူကိုရေးတဲ့စာ…။ ချစ် ဆိုလို့ မီးခြစ်ပင်မပါ..။

            သူနဲ့ပတ်သတ်၍ ကျွန်တော့်ရင်ထဲတွင်စွဲစွဲမြဲမြဲ မှတ်မိနေသောအကြောင်းအရာများစွာရှိပါသည်..။ ထိုအ

ကြောင်းအရာများမှာ ဘာမှပင်မထူးခြားသော်လည်း လွန်စွာ ဆွတ်ပျံ့ကြည်နူးဖွယ်ကောင်းလှသည်ဟု ဇွတ်အတင်း

ခံစား၍စာဖတ်သူတို့ကိုပြောပြပါမည်..။

                ကျွန်တော့်အနေဖြင့် မိန်းကလေးများနှင့်ကြုံပေါင်းများပါပြီ(တစ်မျိုးမထင်ပါနှင့် ယခုထိ ရေမရောသော

“အော်” စစ်စစ်ဖြစ်ကြောင်းပါ)ကြုံဖူးသမျှ မိန်းကလေးထဲတွင် သူမလောက် ဂဂျီဂဂျောင်၊ ဂျစ်တီးဂျစ်ကန်၊ ကိုးလိုး

ကန့်လန့်၊ ပေါက်တိပေါက်ရှာ၊ ပေတိပေစောင်း၊ ဂဂျိုးဂဂျောင်၊ ကတ်သီးကတ်သတ် နိုင်သူကိုမတွေ့ဖူးပါ..။

            “ဟင် သူလုပ်သမျှခံနေရအောင် မင်းက ပိန်းတာကိုး” ဟုဆိုလျှင်ကား မှားပါလိမ့်မည်။ ကျွန်တော်ကား ခေ

သူမဟုတ်ပါ..။ဂျူနီယာဗိုလ်လောင်းဘ၀က နယ်သား စီနီယာကစနောက်သည့်သဘောဖြင့် အပြစ်ပေးနေရင်း

“ရည်းစားဓါတ်ပုံပြနိုင်တဲ့သူ တန်းထ” ဟုဆိုလျှင်ထိပ်ဆုံး ကရင်ကော့ပြီးထနိုင်သူ ဖြစ်ပါသည်..။(ကျန်သည့်နယ်သား

များကိုမစွံဟုမဆိုလိုပါ.။ကျန်သူများမှာလည်းတစ်မျိုးစီ “ဖြောင့်”သူများဖြစ်ကြသည်.။)ဆိုလိုသည်မှာ ကျွန်တော်

လည်းအချစ်ရေးတွင်“အူရိုင်း”မဟုတ်ပါ။ အထိုက်အလျောက်တော့“၀ါ”နဲ့“သမ္ဘာ”နဲ့ဖြစ်ပါသည်။ မိန်းမမာယာ၊သဲကိုး

ဖြာပေါ်တွင် ဖျာခင်း၍အိပ်ပစ်မည်ဟု ကြုံးဝါးခဲ့ဖူးသူဖြစ်ပါသည်..။

            ကဲ..။မိမိအကြောင်းတွေနိဒါန်းချီနေရတာများလှပါပြီ..။ကျွန်တော်နှင့်သူ(သရဲမ)တို့၏ဇာတ်လမ်းက ဘယ်

လောက်ထို ရိုမန်းတစ်ဆန်ကြောင်းပြောပြပါမည်..။

            အဲဒီနေ့က…

++++++++++++++++++++++++++++++++++++++++++++++++++++++++++++

(၂)

            ၅.၆.၂၀၁၀..။

            မှတ်မှတ်ရရ အဲဒီနေ့ကစနေနေ့..။

            ကျွန်တော်တို့ခြေလျင်တပ်စုမှူးသင်တန်း ဆင်းပြီး၍တပ်ပြန်ရန် တောင်ကြီးရောက်နေခြင်းဖြစ်ပါသည်..။

“တပ်ပြန်တာနဲ့တောင်ကြီးဘာဆိုင်လို့လဲ” ဟုမေးစရာရှိပါသည်။  နေပြည်တော်-တောင်ကြီးပြေးဆွဲသောကားများ

သည် တောင်ကြီးမှထွက်သောကြောင့် ၊ ဗထူးမှတောင်ကြီး၊ တောင်ကြီးမှ နေပြည်တော်သို့ကားစီးရန်ဖြစ်သည်။

            ကျွန်တော်ယခုရောက်နေတဲ့နေရာက တောင်ကြီးမြို့အ၀င်နား ရှမ်းကျောင်းအနီးက မြို့ပတ်ကားများရပ်

လေ့ရှိသည့်“ဇွဲ”ကားဂိတ်..။

            မနေ့ညက ဗထူးမှာနှုတ်ဆက်ပွဲအတွက်ဂစ်တာတီးရင်းအိပ်ရေးပျက်သွားသောကြောင့်ခေါင်းက မူးချင်နေ

သည်.။ဖုန်းနံပါတ်များကမှိန်နေသဖြင့်ဝိုးတိုးဝါးတား..။

            “ယော်ပူစေယော်”

ကျွန်တော်တစ်ခါတစ်လေ ကိုရီးယားလိုဟောင်တတ်သည်။

            “မိုးသက်လား“

သူ့အသံကိုကြားရသည်..။ရှမ်းသံခပ်ဝဲ၀ဲလေးကနားထဲမှမထွက်..။

“အေး..မိုဟွမ် ငါအခုတောင်ကြီးကိုရောက်နေပြီ..ဟိုဟာ..အင်း ရှမ်းကျောင်းနားက ဇွဲ ကားဂိတ်မှာ..အဲဒါနင်လာခဲ့ပါ

လား..”

            “ဟာ..ငါမအားဘူး.. နောက်နာရီဝက်လောက်မှအားမှာ အခုအိမ်မှာ ညီမလေးတစ်ယောက်ထဲရှိတယ်..”

            ညီမလေးပါခေါ်ခဲ့ပါလား ဟုပြောမည်ကြံပြီးမှ ဘရိတ်အုပ်လိုက်ရသည်။ ညီမလေးက သူနှင့်အသက်သိပ်

မကွာဟု မိုဟွမ်ပြောတာကြားဖူးသည်။

            သူကညီအစ်မသုံးယောက်မှာအကြီးဆုံးဖြစ်ပါသည်။ ကျွန်တော်မှာ ဆရာသောင်းဝေဦး၏ စာထဲကလိုပင်

“ထုနှင့်အရန်အင်အားတောင့်တင်းမှုကြောင့်ထိုးစစ်အပြုအမူအတွက် သင့်လျော်သည်” ဟုစစ်ရေးသုံးသပ်ရမည်

လား..။ကျွန်တော်ကတော့ထိုသို့တစ်ခါမှ မတွေးခဲ့ဖူးပါ..။(တကယ်ပါ)

            နောက်နာရီဝက်ဆိုတော့…။

            ကျွန်တော်အမုန်းဆုံးအလုပ်က သူများကိုစောင့်ရသည့်အလုပ်ဖြစ်ပါသည်။ တိုက်ဆိုင်စွာပင် ..သရဲမ(ခ)

မိုဟွမ်၏ ၀ါသနာအပါဆုံးအလုပ်မှာလည်း..အခြားသူကိုစောင့်ခိုင်း၍ စိမ်ပြေနပြေအလုပ်လုပ်တတ်ခြင်းဖြစ်နေ

သည်။ သူနာရီဝက် ဟုပြောလိုက်သည်နှင့် ကျွန်တော်က တစ်နာရီခွဲလောက်တော့အနည်းဆုံးတွက်ပြီးသားဖြစ်ပါ

သည်။

လက်ကနာရီကိုကြည့်လိုက်သည်။ ၁၀၃၀ ဆိုတော့ နေ့လည်စာစားချိန်နီးပါပြီ..။သေချာတာတစ်ခုတော့

ထမင်းမစားပဲ စောင့်လျှင် ကျွန်တော်သေချာပေါက်ငတ်ပါတော့မည်..။

            ဒီလိုဆိုတော့တစ်ခုခုစားကြမည်ပြုသည်..။သိပ်မခဲယဉ်းပါ..ကားဂိတ်က အန်တီကြီး၏လမ်းညွှန်မှုဖြင့် အနီး

ကစားသောက်ဆိုင်တစ်ဆိုင်ဆိုင်ကိုသွားစားဖြစ်ကြသည်။ ထိုအထိဘာမှ ပြဿနာမရှိ..။ သို့သော် ပြဿနာက အ

ပြန်မှာ..။

            ကားဂိတ်ကိုပြန်ရောက်တော့ အန်တီကြီးက ဆီးပြောသည်..။

            “သားရေ ရှမ်းမချောချောလေးတစ်ယောက်လာသွားတယ်.. အချိန်မရလို့လားမသိဘူး.ချက်ချင်းပြန်သွား

တယ်..”

            ဟင်..သူလာသွားပြီပဲ..။

ကျွန်တော်အံ့သြသွားပါသည်။

            စာဖတ်သူတို့ကိုအရေးကြီးသော အချက်တစ်ချက်ကြိုပြောရန်မေ့သွားပါသည်။ အကြောင်းမှာထိုအချိန်ထိ

သရဲမ နှင့် ကျွန်တော်မှာ “နင်” “ငါ” “သယ်ရင်း” စသည်ဖြင့် ခင်မင်ရင်းနှီးနေလင့်ကစား တစ်ယောက်နှင့်တစ်

ယောက် ကိုဓါတ်ပုံထဲမှလွဲ၍မြင်ဖူးခြင်းမရှိကြပါ..။ သူနှင့်ခင်မင်နေသည်မှာ သူငယ်ချင်းတစ်ဦးဖြစ်သူ အောင်ဟိန်း

၏မိတ်ဆက်ပေးမှုကြောင့်  ဒုတိယနှစ်ကတည်းကဖြစ်ပြီး ယခုမှတိုက်ဆိုင်စွာဆုံတွေ့ခြင်းဖြစ်သည်။(သကောင့်သား

ကြီးသက်တော်ရာကျော်ရှည်ပါစေဗျာ)

            ကျွန်တော်၏ရုပ်ရည်မှာ စာဖတ်သူတို့သိကြသည့်အတိုင်း ‘Prison Break ‘ဇာတ်ကားမှ Micheal Scofield

ကဲ့သို့ ခန့်ညားယောက်ျားပီသပြီးဖြစ်သော်လည်း ..Photoshop နည်းပညာတိုးတက်လှသောခေတ်ထဲတွင်  သရဲမ

၏ဓါတ်ပုံကို သံသယရှိဖူးပါသည်။ သို့ရာတွင်ကားဂိတ်မှအန်တီကြီး၏ပြောစကားအရမူ သူမချောမောလှပမည်ဆို

သည်မှာ သံသယဖြစ်ဖွယ်မရှိတော့ပါ..။

            “အောင်အောင်ရေ..”

ဘေးကကျွန်တော့်သူငယ်ချင်းကိုခေါ်လိုက်ခြင်းဖြစ်ပါသည်.။ အောင်အောင့်ကို ၀တ္ထုအစတွင် မပါဘဲခုမှ မိုးကျရွှေ

ကိုပမာ(မိုးဟေကိုမဟုတ်ပါ)ရောက်လာခြင်းမဟုတ်ပါ..။ကျွန်တော်နှင့်အတူ ဗထူးမှသင်တန်းဆင်းလာခဲ့ခြင်းဖြစ်ပါ

သည်..။သူနှင့်ကျွန်တော် စကားပြောခြင်း၊ရယ်စရာပြောခြင်းတို့ကို ကျွန်တော်ထည့်ရေးလျှင်လည်း စာဖတ်သူငြီး

ငွေ့သွားနိုင်ပါသည်။ စိတ်လည်းဝင်စားမည်မဟုတ်ပါ..။ကျွန်တော်ကိုယ်တိုင်လည်း သင်း ၏အကြောင်းများဖြင့် စာ

မျက်နှာမဖြုန်းလိုခြင်းကြောင့်ဖြစ်ပါသည်။

            ဒါဖြင့်ရင် အောင်အောင်က မနက်ခင်းကတည်းကစကားတစ်လုံးမှမပြောဘဲ အသေကောင်လိုငြိမ်နေသ

လားဟုမေးစရာရှိပါသည်။ ဒီလိုမဟုတ်ပါ..။သူ၏မုန်းစရာကောင်းလှသောဝသီအတိုင်း ပြင်းထန်စွာရှုံ့ချခြင်း၊ ကိုးလိုး

ကန့်လန့်လုပ်ခြင်းနှင့် ရံဖန်ရံခါကျွန်တော့်ကိုဂျီကျခြင်းတို့ကို မနက်ကတည်းကလုပ်လာသူဖြစ်ပါသည်။ သို့ရာတွင်

သင်း ၏အရည်မရ အဖတ်မရများကို ကျွန်တော်က အမြင်ကတ်စွာဖြင့်ထည့်မရေးဘဲ “ဆင်ဆာ”ဖြတ်ထားခြင်းဖြစ်ပါ

သည်။

            “အောင်အောင်ရေ..အောင်အောင်..”

            “ဘာလဲကွ..”

            “ငါတို့ဘယ်လိုလုပ်ကြမလဲ..မိုဟွမ်ပြန်သွားပြီကွ”

            “ အဲဒါငါနဲ့ဘာဆိုင်လဲ..လာပြန်ပြီ ..မင်းကအမှတ်မရှိတဲ့ကောင်ပဲ..”

ငအောင်ပြောမှကျွန်တော်ဆွေးချင်ချင်ဖြစ်သွားသည်..။အသည်းကွဲထားတာနှစ်လတောင်မပြည့်သေး..။

ဆိုလိုသည်မှာအရမ်းကိုနုနေသည်..(ဟုတ်ကဲ့ခင်ဗျာ..ကိုယ်လုပ်ချင်ရာလုပ်ဖို့ အဲလို ဆွဲတွေးလို့လဲရပါတယ်)

ထိတာနဲ့ကွဲသွားမည့်ဆပ်ပြာပူဖောင်းလို..။

            ဖုန်းနံပါတ်တွေပေါ်မှာလက်ချောင်းတွေထပ်ကစား….။

            “ယော်ပူစေယော်”

            “ ဟဲလို”

            “မိုဟွမ်ရှိလားခင်ဗျ..”

            “ သြော် သူကားဂိတ်ကိုသွားတယ်ရှင့် ..”

            “သြော် ..”

ဒါခယ်မလေးအသံဖြစ်မည်ထင်သည်။

“ဟုတ်ကဲ့..ကျေးဇူးပါပဲခင်ဗျာ..”

မိန်းကလေးတွေနဲ့စကားပြောရင် ကျွန်တော့်အသံကချိုပြီးသားဆိုတာပြောနေရန်ပင်မလို..။

ဒါဆိုသူအိမ်ပြန်မရောက်သေးဘူးပဲ..။အွန်လိုင်းမှာမှာရှိနေမလားမသိ..။

            “အောင်အောင်ရေ..”

            “ဟေ..ဘာလဲ”

            “အင်တာနက်ဆိုင်သွားရအောင်..”

မှေးစင်းသောမျက်လုံးများကိုပွတ်သပ်၍ သကောင့်သားကြီးထလာပါသည်။

            “မင်းဆိုင်သိလား..”

            “ အာ..မင်းရောငါရောခုမှ ရောက်ဖူးတဲ့ဟာ.. မေးစမ်းပြီး သွားကြတာပေါ့..”

            ကျွန်တော်ဦးဆောင်ပြီးတောင်မေး မြောက်မေးနှင့်သွားကြသည်..။သိပ်တော့မဝေးပါ..။Cyber Café တွေက

ပေါပါသည်။ သို့ရာတွင်လူပြည့်နေသည်ကများသည်။  ထပ်သွားပေါ့..။

            တောင်ကြီးမြို့က တော်တော်လှသည်..။တောင်ကြီးသူ၊တောင်ကြီးသားတွေကလည်း ဣနြေ္ဒရရ၊ လူကြီးလူ

ကောင်းဆန်ဆန်ပုံစံတွေဖြစ်သည်..။ ထိုပုံစံကို ကျွန်တော်သဘောကျသည်။

            အမှတ်(၇) အခြေခံပညာအထက်တန်းကျောင်းနားရောက်တော့ “ရတီမြန်မာ”ဆိုသည့်ဆိုင်တစ်ဆိုင်တွေ့

သည်..။ထိုဆိုင်လေးမှာတော့ ကံကောင်းထောက်မစွာပင် ကျွန်တော်တို့နေရာရသည်။

            ဆိုင်မှာကျွန်တော်  Gtalk စဖွင့်တော့သူမ အွန်လိုင်းမှာမရှိပါ..။ကျွန်တော်ဟိုဟိုဒီဒီ webpageတွေလှန်လှော

ကြည့်နေရင်းဆိုင်ထဲမှာလူနဲနဲရှုပ်သွားသည်..။ပြန်သူကပြန်..၀င်သူက၀င်လာပေါ့..။

            မရှေးမနှောင်းပင် သရဲမလည်း အွန်လိုင်းပေါ်ရောက်လာပါသည်..။

            “မိုဟွမ်”

            ကျွန်တော်နှုတ်ဆက်လိုက်ပါသည်..။

            “အေ ပြော”

            ကျွန်တော်ရှင်းပါရစေ..။အထက်ပါ “အေပြော”မှာ  သူ့နာမည်ကိုကျွန်တော်ခေါ်တိုင်း သူအမြဲပြောနေကျ

စကားဖြစ်ပါသည်။ (“အေးပြော”မဟုတ်ပါ) ဘာအဓိပ္ပါယ်လည်းတော့မသိပါ..။သို့သော်..အထက်ပါ “အေပြော”မှာ

ကျွန်တော်အမြဲအမှတ်ရနေသော သူသင်္ကေတ ဖြစ်ပါသည်။

            “နင်အခုဘယ်မှာလဲ”

            “နင်အရင်ပြော”

သူစ၍“ကတ်”ပါတော့မည်..။ကျွန်တော်အလျှော့ပေးလိုက်ပါသည်။

            “ငါ နင့်ဆီလာရင်..၅မိနစ်လောက်ပဲကြာမှာမို့ နင့်ကိုရစ်နေတာ..ငါဘာရောင်ဝတ်လာရမလဲ..”

            ကျွန်တော်ဘေးဘီကိုကြည့်လိုက်သည်..။

            ဤနေရာတွင် ကျွန်တော် မြေပြင်အခြေအနေကိုမြင်သာအောင်ပြောပြပါမည်..။ ကျွန်တော်ထိုင်သည့်နေရာ

ကဆိုင်အပေါက်ဝနှင့် မလှမ်းမကမ်း ..။အပေါက်ဝကရေလျှင် ငါးလုံးမြောက်နေရာမှာ..။ကျွန်တော်ညာဘက်ကပ်

လျက်ကပန်းရောင်အင်္ကျီ နှင့်ကောင်မလေးတစ်ယောက်..။သူ့ဟိုဘက်က အဖြူရောင်ဝတ်ထားသောကောင်မလေး

နှင့်ဘာတွေပြောမှန်းမသိ..။တစ်ယောက်နားတစ်ယောက်ကပ်၍ တီးတိုးတီးတိုး သဖန်းပိုးလုပ်နေသည်…။ကျွန်တော့်

ဘယ်ဘက်ကလည်းကောင်မလေးတစ်ယောက်..။သူလည်းအဖြူရောင်ပါပဲ။

            “ရာသီဥတုနဲ့ကိုက်အောင် အဖြူရောင်ပဲဝတ်လာခဲ့ပေါ့ဟာ..”

            “နင့်ဘေးနားကကောင်မလေးတွေကိုကြည့်ပြီးပြောတာတော့မဟုတ်ပါဘူးနော်..”

            သူ့စကားအဆုံးမှာ ကျွန်တော် အတွေးနည်းနည်းဝင်သွားသည်..။အကယ်၍သူသာဆိုင်ထဲမှာရှိနေခဲ့မည်ဆို

လျှင်ကျွန်တော့် အူကြောင်ကြောင်အဖြစ်ကိုကြည့်၍ ရယ်နေလိမ့်မည်..။

            ကျွန်တော့်ညာဘက်တစ်ယောက်ကျော်က အဖြူရောင်လေးကိုလှမ်းကြည့်လိုက်သည်..။သူမက သိပ်ဂဏှာ

မငြိမ် ဟုထင်သည်..။ဆံပင်ကို မသပ်မရပ်ကပိုကရိုလေးကတစ်မျိုးကြည့်ကောင်းသည်..။လက်မှာက ချည်မန်းကွင်း

အဖြူရောင်လေးစွပ်ထားသေးသည်..။သူ့မျက်နှာလေးက…(ထားပါတော့ဗျာ..).။

            “နင်ဆိုင်ထဲမှာလား မိုဟွမ်..”

            “ ငါဆိုင်ထဲမှာဆိုရင်နင့်ကိုမေးမလား..”

            သူကတော့အတည်ပါပဲ..။

ဟဲဟဲ ..ကျွန်တော်ဒီလောက်မညံ့ပါ..။သေချာပေါက်သူမဖြစ်လိမ့်မည်..။

            ဒီနေရာတွင်တစ်ခုပြောလိုပါသည်။ကျွန်တော့်ကို သူမပေးထားသောဓါတ်ပုံမှာ တစ်လက်မပတ်လည်မျှရှိ၍

Sticker ပုံဖြစ်သောကြောင့် သဲသဲကွဲကွဲမရှိပါ..။သူမကတော့ ကျွန်တော့်ကိုမှတ်မိပါလိမ့်မည်..။ ကျွန်တော်သူ့ကိုပေး

ထားသောပုံမှာ ဖိုင်နယ်ရီးယားဘ၀က “သုံးနှစ်သုံးမိုး”အခွေထုတ်မယ်ကြံစဉ်က CD Stickerထုတ်ရန်ရိုက်ထားသော

ပုံဖြစ်ပါသည်။(ပုံမှာ ကော်ရစ်ဒါမှနေ၍အဝေးသို့ ဆွေးလှသောမျက်နှာဖြင့်မျှော်ငေးနေသောပုံဖြစ်၍ ထိုပုံကိုအပေါင်း

အသင်းများက “လောကကြီးကိုစိတ်ကုန်နေသောအရူးပုံ” ဟုကွယ်ရာတွင်ခေါ်ဝေါ်ကြကြောင်းမသိုးမသန့်သတင်း

ကြားရသည်။)

            “ဒါဆိုနင်လို့ထင်တဲ့တစ်ယောက်ကို ငါလက်ဆွဲပြီး အပြင်ခေါ်သွားရမလား..”

            သူတော်တော်လန့်သွားပြီဟုထင်လိုက်မိသည်..။သူထပ်ပြောလိုက်သောစကားကြောင့်ကျွန်တော့်အထင်

မှားသွားပြီဆိုတာသိလိုက်ရပြန်သည်။

            “ လူမှားလို့ပါးရိုက်ခံနေရဦးမယ်နော် ..”

            သူပြောမှနဲနဲတော့လန့်သွားသည်..။

ငါ့အတွက်စိတ်ပူလို့စိုးရိမ်တာပဲ  ဟုလိုရာဆွဲတွေးရင်းကျေနပ်သလိုဘာလိုလိုဖြစ်မိသေးသည်။

            သူမဆက်ပြောသည်..။

            “ပြောလေ..ငါဘာဝတ်ခဲ့ရမလဲလို့..”

            “အာ..အဖြူရောင်ပဲဝတ်ခဲ့ပါဆို..”

            “ဆိုင်ထဲမှာ ငါနဲ့တူတဲ့သူရှိလား..”

            “အင်း”

            ကျွန်တော်မသေချာ၍ ဂဏှာမငြိမ်တဲ့ကောင်မလေးကို နောက်တစ်ခါပြန်လှည့်ကြည့်လိုက်သည်..။ပီကေ

တွေ တစ်စွတ်စွတ် စားရင်း ပြုံးစေ့စေ့လုပ်နေသည်..။

            “ အင်းနင်နဲ့ တူတဲ့သူရှိတယ်.. သူကတော့ဟန်ဆောင်ထားတယ်ပေါ့.. ဒါပေမယ့် သူက will power နိမ့်

တော့ သိသာတယ်..”

            ကျွန်တော်မင်သေသေဖြင့်ပြောလိုက်သောစကားကဘယ်လောက်တာသွားသည်မသိ..။သူ့ရဲ့စကားက

ချက်ချင်းပင်ပြန်လာသည်..။

            “ဆိုင်အပြင်ထွက်ခဲ့ စောင့်နေမယ် ..” တဲ့..။

++++++++++++++++++++++++++++++++++++++++++++++++++++++++++++

(၃)

            ကျွန်တော့်ကို ဆိုင်ရှေ့ ကချယ်ရီပင်ကြီးအောက်မှာသူမရပ်စောင့်နေသည်..။ဆရာစိုင်းခမ်းလိတ်၏ “ချယ်ရီ

ပင်အောက် နောက်တစ်ခေါက် ပြန်တွေ့တဲ့ထိ..”ကိုသတိရသည်..။သူမက ဆိုင်ကယ်ဦးထုပ်အဖြူရောင် မှန်ဖုံး

အမည်းရောင်လေးကိုမေးသိုင်းကြိုးတပ်ရင်း ကျွန်တော့်ကိုပြုံးစေ့စေ့ဖြင့် ကြည့်ရင်းဆိုသည်..။

            “နောက်က သူငယ်ချင်းကို နင်သိမှာစိုးလို့ ငါ့နာမည်မခေါ်ပါနဲ့ဆိုတာ ခေါ်ဖြစ်အောင်ခေါ်လိုက်သေးတယ်.”

            သူမအထင်က ကျွန်တော်သူ့မနာမည်ခေါ်သံကြား၍ သူမကိုသိသွားသည်ဟုထင်နေပုံရသည်..။

            သူမပုံစံက ကျွန်တော်တွေ့ဖူးသမျှမိန်းကလေးတွေနှင့်တော်တော်ကွာသည်..။ယုံကြည်မှုရှိသော ၊ဖော်ရွေ

သောပုံစံနှင့် တိုင်းရင်းသူပီပီ ရိုးသားပွင့်လင်းပုံများကကျွန်တော်သဘောကျသောပုံစံအတိုင်းပါပဲ..။(တစ်ခါတစ်ခါနွား

ကြိုက်တာလည်းရှမ်းချောဖြစ်တတ်ပါတယ်..) ဘာပဲပြောပြော..သူကတော့ ကျွန်တော့် စာမေးပွဲမှာ အောင်ရုံမက

ဂုဏ်ထူးပင်ထွက်နေပါပြီ..။ဘယ်တုန်းက စစ်လိုက်တာလည်းဟုမေးလျှင်တော့..ကျွန်တော့်ဘာသာဖြေ..။ကျွန်တော့်

ဘာသာစစ်ပြီး..ကျွန်တော့်ဘာသာဂုဏ်ထူးပေးလိုက်တာပဲဖြစ်ပါသည်..။(ပိုင်တယ်ဗျာ)

            သူမကဆက်၍ သူမသူငယ်ချင်းနှင့်မိတ်ဆက်ပေးပါသည်။  သို့သော် ကျွန်တော်မမှတ်မိတော့ပါ..။တကယ်

တော့သူပြောကတည်းက ဦးနှောက်က မာနကြီးစွာနေရာမပေးခြင်းဖြစ်ပါသည်..။နားထဲမ၀င်ခြင်းဟုဆိုရမည်..။

            ဘာတွေအာရုံများနေလို့လဲ  ဟုမေးစရာရှိပါသည်။စာဖတ်သူများကြုံဖူးပါလိမ့်မည်..။အကြောင်းအရာတစ်ခု

ဦးနှောက်ထဲတွင်စိုးမိုးနေပြီဆိုလျှင် မည်သည့်အရာမျှ ခေါင်းထဲမ၀င်ခြင်းဖြစ်တတ်ပါသည်..။ဥပမာ..အာရုံကကိုယ်အ

လွန်အမင်းနှစ်သက်သောသီချင်းသံကိုနားစွင့်နေချိန် စာအုပ်ဖတ်ရာ၌ “ ရှာရာဗိုပါ ဒူးဒဏ်ရာကြောင့် ပြိုင်ပွဲနှင့်လွဲ”

ဆိုသည့်စာတန်းမျိုးကိုပင် လေးငါးခြောက်ခါဖတ်၍အဓိပ္ပါယ်မပေါက်ခြင်းမျိုးဖြစ်ပါသည်။ ဆိုလိုသည်မှာ သူ့အပေါ်

တွင် ကျွန်တော့်အာရုံ အပြည့်အ၀ရှိချိန်တွင် အခြားအကြောင်းအရာတစ်ခုကို ရေရေရာရာ မသိပါဘဲခေါင်းညိတ်မိ

ခြင်းပင်ဖြစ်တော့သည်။

            “လာလေ ဆိုင်ကယ်ပေါ်တက်..ငါလိုက်ပို့ပေးမယ်..”

သူကအေးအေးဆေးဆေးပုံစံမျိုးဖြင့် ဆိုသည်..။

            “သုံးယောက်စီးတော့..အဖမ်းခံရမှာပေါ့..”

            “ငါကချောတော့ မဖမ်းဘူး..”

အလဲ့..သူကလည်းရုပ်တည်နဲ့အရွှန်းဖောက်တတ်တာပဲ..တိုးပြန်ပြီတစ်မှတ်..။

            ဒီနေရာမှာပြောစရာတစ်ခုကျန်တာ အောင်အောင်ဖြစ်သည်..။သကောင့်သားကဘယ်အချိန်ထပြန်သွားမှန်း

မသိ..။ကျွန်တော်သတိရတော့မရှိတော့..။ကျွန်တော် အလွန်စိတ်လှုပ်ရှားနေ၍ သတိမထားမိတာလည်းဖြစ်နိုင်ပါ

သည်။   

            ကျွန်တော်သည်.မိန်းကလေးများနှင့် ဆိုင်ကယ်သုံးယောက်စီးခြင်းကို တစ်ချိန်တစ်ခါက ပြင်းထန်စွာဝေဖန်

ခဲ့ဖူးသူဖြစ်ပါသည်..။သို့ရာတွင်ယခုတော့ ကျွန်တော်ပင် မျက်နှာပူစွာပင် သုံးယောက်စီးရမည့်ကိန်းပေါက်နေသည်။

            ဒုက္ခရောက်ပြီဟုတွေးမိပြီးဟိုဟိုဒီဒီကြည့်နေဆဲမှာပင် ကယ်တင်ရှင် တစ်ဦးက( မြန်မာကားများထဲမှ  ဇာတ်

သိမ်းမှရောက်ရောက်လာခဲ့သောပြည်သူ့ရဲများကဲ့သို့)အချိန်ကိုက်ပင်ပေါ်ထွက်လာခဲ့ပါသည်..။အခြားသူမဟုတ်ပါ.။

ကျွန်တော့်သူငယ်ချင်းစိုးမင်းသူဖြစ်ပါသည်။

            စာဖတ်သူကိုမိတ်ဆက်ပေးပါမည်..။အဆိုပါစိုးမင်းသူမှာတောင်ကြီးမြို့ပေါ်ရှိဆက်သွယ်ရေးတပ် မှ သူငယ်

ချင်းတစ်ဦးဖြစ်ပြီး ကျွန်တော်နှင့်အတူ ဗထူးတွင် အတူသွား၊အတူစား၊အတူအသည်းကွဲ ခဲ့သည့်ပါတနာများထဲမှတစ်

ယောက်ဖြစ်ပါသည်..။သူရောက်လာမှအားလုံးကွက်တိဖြစ်သွားသည်..။မိုဟွမ်နှင့်သူ့သူငယ်ချင်းကတစ်စီး…..၊ကျွန်တော်နှင့်စိုးမင်းသူက တစ်စီး  အဆင်ပြေသွားသည်..။ပြီးတော့သူ့သူငယ်ချင်းကို သူနာပြုသင်တန်းကျောင်းကအ

ဆောင်ကိုပြန်လိုက်ပို့ပေးပါသည်။ သင်တန်းကျောင်းနားမှာ ဆိုင်ကယ်ခဏရပ်တော့ သူမက ကျွန်တော်မမေးပါဘဲ

နှင့် သူ့လက်ကချည်မန်းကွင်းလေးကိုပြရင်းစကားဆိုသည်..။

            “ ငါ ဟိုတစ်နေ့က ရုပ်ပျက်ဆင်းပျက်လူနာကိုကိုင်ရင်းနဲ့ ငါ့လက်ထဲမှာပဲဆုံးသွားတာလေ..အဲဒါလိပ်ပြာ

လွင့်သွားလို့ လိပ်ပြာပြန်ခေါ်ထားရတယ်..”

            တကယ်ကိုသူပြောပုံလေးကတစ်မျိုးလေးဖြစ်ပါသည်.။လိပ်ပြာကဘယ်မှာလဲ ဟုနောက်မည်ကြံသေးသည်

နောက်မှသူမကြိုက်မှာစိုး၍ မပြောဖြစ်ခဲ့ပါ..။

            “နင်တို့ကားမထွက်ခင်ငါလာခဲ့မယ်..ငါ့အမေကိုလာကြိုရမှာလေ..အမေက ရှမ်းကျောင်းမှာတရားစခန်းဝင်

နေတာ..အခုညီမလေးတစ်ယောက်တည်းအိမ်မှာကျန်ခဲ့လို့..ကားကဘယ်အချိန်ထွက်မှာလဲ..”

            “၅ နာရီခွဲ”

            ကျွန်တော့်စကားဆုံးတော့ သူပြန်သွားပါသည်..။ ကျွန်တော့်ကိုစိုးမင်းသူကားဂိတ်ပြန်ပို့ပေးတော့ လေးနာရီ

ထိုးတော့မည်..။သေချာတာတစ်ခုကတော့ကားဂိတ်ပြန်ရောက်ကတည်းက ကျွန်တော်သူ့ကိုမျှော်နေမိတာပဲဖြစ်ပါ

သည်..။

            ငါးနာရီမတ်တင်းလောက် တွင်မိုဟွမ်ပြန်ရောက်လာသည်..။ဆိုင်ကယ်တွေများပြားလှသောလည်း ကျွန်

တော့်မှတ်ဉာဏ်ထဲတွင်စွဲထင်နေသောသူ့ပုံစံနှင့် အဖြူရောင်ဆိုင်ကယ်စီးဦးထုပ် နေကာမှန်အမည်းလေးကိုမှတ်မိ

နေပါသည်..။သူက ကားဂိတ်ကိုကျော်သွားပြီးမှ ကျွန်တော်ကလက်ပြလိုက်၍ ပြန်လှည့်လာသည်..။

            “ နင်ငါ့ကိုဘယ်လိုလို့မှတ်မိတာလဲ..”

            ကျွန်တော်ပြန်မပြောဖြစ်ပါ ..။

            သူမမလာခင်က ကျွန်တော်ပီကေကြိုက်သောသူမကိုပီကေတစ်ခုလောက်ကျွေးဦးမည်ဟုစဉ်းစားထားသေး

သည် ..။သို့သော် လက်တွေ့တွင် ဖြစ်မလာပါ..။သူမကပင် မုန့်နှင့်အချိုရည်ဗူးတွေယူလာပါသေးသည်..။မှတ်မှတ်

ရရ အေးသာယာကထုတ်သောကိတ်ခြောက်ထုပ်(နာမည်မမှတ်မိ)နှင့် ivy အချိုရည်ဗူးဖြစ်သည်..။ကျွန်တော်ကသူ

ငယ်ချင်းစာအုပ်မှာသူ့ကိုရေးခိုင်းတော့သူကငြင်းပါသည်..။

            “ငါအဲလိုမရေးတတ်ဘူး”တဲ့

ကျွန်တော်မတတ်နိုင်ပါ..။ စာအုပ်ပြန်သိမ်းလိုက်ရသည်..။

            “ငါသွားတော့မယ်နော် မိုးသက်..။ငါ့အမေကိုလာကြိုရင်းနဲ့နင့်ကိုလာနှုတ်ဆက်တာ..”

သူပြန်သွားတော့ကျွန်တော်ဝမ်းနည်းသလိုလိုဖြစ်မိပါသည်..။(အင်း)

ကျွန်တော်တောင်ကြီးက ပြန်လာတော့တစ်လမ်းလုံးအတွေးများဖြင့် ..။

လှပပြီးဣနြေ္ဒရတဲ့မြို့…၊ရတီဆိုင်လေး..၊ သူနာပြုသင်တန်းကျောင်း..၊ဇွဲကားဂိတ်..၊ ဆိုင်ကယ်ဦးထုပ်အဖြူရောင်

နေကာမှန်အမည်းလေး…အားလုံးက ကျွန်တော့်ရင်ထဲက ကဗျာတစ်ပုဒ်လိုပါပဲ..။

            ကျွန်တော်ပြန်လာပါဦးမည်..။

ကျွန်တော်နှစ်ခြိုက်သဘောကျသောတောင်ကြီးမြို့နှင့် ချစ်စရာကောင်းသော သူငယ်ချင်းမလေးတစ်ဦးထံ

သို့ကျွန်တော်ပြန်လာဦးမည်ဖြစ်ပါသည်။

            တစ်ချိန်ချိန်ပေါ့..။

ဘယ်အချိန်လည်းတော့မသိပါ..။

သူမကိုစတင်တွေ့ရှိခဲ့သည့် ၅-၆-၂၀၁၀ရက်နေ့နှင့် သူမကိုချစ်ရေးဆိုခဲ့သည့် ၅-၇-၂၀၁၀ ကိုမူ သေချာစွာမှတ်သား

ထားပါသည်..။သူမနဲ့တွေ့စဉ်က ကိုယ့်ကိုယ်ကို ဘယ်လိုပုံစံလဲ ဆိုတာမပြောတတ်ပါ..။သင်တန်းဆင်းလာခါစဖြစ်

ရာ..အသားတွေကမည်း.၊လူကပိန်နေသည့်အချိန် ဖြစ်ပါလိမ့်မည်..။

ကျွန်တော့်စိတ်ထဲမှာတော့ ဘယ်တော့မှမေ့နိုင်တော့မည်မဟုတ်သည့်အတွက် ဒီစာကိုရေးဖြစ်ခြင်းဖြစ်ပါသည်။

ရေးနေတဲ့အချိန်က တိုက်စည်းသင်တန်းကျောင်းမှာ ရေချိုးတိုင်း ရှမ်းတောင်တန်းကြီးတွေကိုမြင်နေရတဲ့ အချိန်

ဖြစ်ပါသည်..။သင်တန်းဆင်းသည်နှင့်ဘာသာစကားသင်တန်းသွားတက်ရမည်ဖြစ်ရာ..တောင်ကြီးသွားမည့်ရည်ရွယ်

ချက်ပျောက်နေသည့်ကာလဖြစ်ပါသည်…။

            မတတ်နိုင်ပါ ..။စစ်သားဆိုတော့လည်း..။

ထိုခံစားချက်များကြောင့်ပင်..ရတီမှာဆုံတဲ့နေ့ သီချင်းကိုရေးဖြစ်ခဲ့ခြင်းဖြစ်ပါကြောင်း..။           

နားလည်ပါချစ်သူ

                   ချစ်သူ…

                                                တာဝန်ချိန်ဆို၊ချိန်မပို၍

                                                ချိန်းဆိုနေရာ၊ရောက်မလာလျှင်

                                                စိတ်မှာငြိုက၊ငြိုလိမ့်မည်..။

                                                ဘ၀ဆန္ဒ၊ထပ်မကျ၍

                                                တမ်းတပေလွှာ၊စာမလာလျှင်

                                                ရင်မှာမုန်းကမုန်းလိမ့်မည်..။

                                                သက်စွန့်ကြိုးပမ်း၊အမှုထမ်း၍

                                                အလွမ်းသက်သက်၊ဖုန်းမဆက်လျှင်

                                                အမျက်ပွားကပွားလိမ့်မည်..။

                        တကယ်တော့..

                                                ရင်နှင့်အမျှ၊ချစ်မ၀၍

                                                ဘ၀နှင်းကာ၊ချစ်ရပါလည်း

                                                ကိုယ်မှာစစ်သား၊ တိုင်းပြည်အားမို့

                                                ၀ံ့ကြွားဂုဏ်ယူ၊စိတ်ကြည်ဖြူရင်း

                                                ချစ်သူကျေနပ်ပါတော့နော်…။

မှတ်ချက်။ ။ဒီအဖြစ်အပျက်များကို ဖတ်ရှုသူများအနေဖြင့် ပြင်ပတွင်အင်တာဗျူးခြင်းကို ကျွန်တော်မေမြို့မိုး မှ

လုံးဝ(လုံးဝ)လက်ခံမည်မဟုတ်ပါ..။(ဟီဟိ ပေါရဲပါ့..။) 

စကားမစပ်..။ အစ်မဂျက်. က တောင်ကြီးကိုသတိရတယ်ဆိုလို့.. တောင်ကြီးကဇာတ်လမ်းလေးကိုရေးဖြစ်တာပါ...။
တောင်ကြီးမြို့ကိုလည်း တကယ်သဘောကျပါတယ်..။ တောင်ကြီးသူလေးတွေလည်းလှတယ်.. ။ တို့ အစ်မဂျက်လိုပဲ..း)..။