Follow me on facebook

ပရဟိတစိတ်ရှိသူအားလုံးကို စိမ်းလန်းမြေ ပရဟိတအဖွဲ့မှကြိုဆိုပါသည်...အသေးစိတ်သိရှိနိုင်ရန်ဤနေရာတွင်ဖတ်ရှုပါ.။

Tuesday, December 20, 2011

ဆရာစိုင်းခမ်းလိတ်၊ နိုင်းနိုင်းစနေနဲ့...ကျွန်တော်မေမြို့မိုး..


  ဟုတ်ကဲ့ ခေါင်းစဉ်ကြည့်ပြီး ကျွန်တော့်ကို မြင်ပြင်းကတ်သွားပြီး မဖတ်တော့ဘူးတော့မလုပ်ပါနဲ့နော်..။ ကိုယ့်ကိုယ်ကိုနိုင်ငံကျော် ကြီးတွေနဲ့ ယှဉ်ထားတာမဟုတ်ပါဘူး..။ ကျွန်တော် လေးစားမိတဲ့...စာပေဂီတ၊ အနုပညာရှင် တွေအကြောင်းကို နည်းနည်းလေးပြောချင်လို့ပါ..။ကျွန်တော်စိတ်ထဲမှာ လေးစားအားကျတဲ့ အနုပညာရှင်တွေအများကြီးရှိပါတယ်..။ စာပေ ရော တစ်ခြား ဂီတ ရုပ်ရှင်အစရှိသဖြင့်ပေါ့ဗျာ...။ကျွန်တော်တို့ ငယ်ငယ်က သီချင်းတွေနားထောင်ကြတယ်..။ ကျွန်တော်ကလည်း လူငယ်တစ်ယောက်ပါ..။ ပြောရမယ်ဆိုရင်
ကျွန်တော်တို့ သီချင်း ဆိုတတ်တဲ့အရွယ်က ဗဒင်တို့ ခေတ်..၊ ဇော်ဝင်းထွဋ်တို့ခေတ်...။ကျွန်တော်မွေးတဲ့ ၁၉၉၀ မှာပဲ..၊ဆရာငှက်ကြီး(ဆရာထူးအိမ်သင်) က အကြင်နာ အိပ်မက် စီးရီးကိုထွက်တယ်..။ သိပ်ကိုကြိုက်ခဲ့တဲ့ အ ခွေ ပါ..။ အဲဒီနောက် နဲနဲကြီးလာတော့.ဦးညီထွဋ်တို့ ဦးရင်ဂိုတို့ အတောင်ပံပါရင်  မင်းဆီကို  တို့ခေတ်စားလာ တယ်...။  ဆေးဆိုးပန်းရိုက်တို့ ..။ အပေါ်ထပ်နဲ့အောက်ထပ်ဇာတ် လမ်းတို့ ဘာတို့ ပေါ့ဗျာ.။ ပြောချင်တာက ကျွန်တော်က ဟိုဘက်က ခေတ်ကို ကောင်းကောင်းမမီလိုက်ဘူး..။ငယ်ငယ်ကတည်းက ရော့ခ်အင်ရိုး တို့ ပေါ့ပ်  တို့နဲ့ကြီးလာတာလို့ပြောရမယ်..။ မြန်မာသံတွေဘာတွေသိပ်မသိခဲ့ဘူး..။ ဒါပေမယ့်  ကျွန်တော်ကငယ်ငယ် က တည်းကသီချင်းနားထောင်တဲ့အခါ စာသားကို သိပ်အလေးထားတယ်..။တစ်ချို့သီချင်းတွေ. ၊ ကျွန်တော်ကြိုက် ပေမယ့်..သူများတွေသိပ်မကြိုက်ကြဘူး..။ တစ်ချို့သီချင်းတွေကျပြန်တော့ သူများတွေအရမ်းကြိုက်ကြပေမယ့် ကျွန်တော် သိပ်မကြိုက်ပြန်ဘူး.. ။ ကျွန်တော်ကတကယ် သေချာနားထောင်ဖြစ်တာက .. စာသားကို ခံစားပြီးနားထောင်တတ်တယ်...။ ထားပါတော့ဗျာ..။ အဲဒီိလိုနဲ့ ဒီဘက်ခေတ်ပေါ့ ဗျာ.။ Hip Hop , Punk , Pop ,  Rock မရွေးချယ်ပါဘူး .. ။ စာသားကောင်းရင် ခံစားချက်ကိုထိရင် ကျွန်တော်သဘောကျမိတယ်..။
        ကျွန်တော် ကျောင်းပြီးပြီး ရှမ်းပြည်နယ်က မြို့တစ်မြို့မှာ ကျွန်တော်သင်တန်းတက်ရတယ်...။ အဲဒီမှာ Cyber Dragon ဆိုတဲ့ ဆိုင် မှာ ဒေါင်းလုပ်ချထားတဲ့ သီချင်းတွေအများကြီးရှိပါရောဗျာ..။ အဲဒါနဲ့ပဲ ကျွန်တော့် လည်း 250 GB Hard disk လေးနဲ့ ကူးလာခဲ့တယ်..။ အဆောင်မှာရောက်တော့ ကျွန်တော်ပြန်ဖွင့်ကြည့်မိ တယ်..။  မှတ်မှတ်ရရ လူကအဲဒီအချိန်မှာ အင်္ကျီတွေကို မီးပူထိုးနေတာ..။ အခန်းထဲမှာ သီချင်း သံ ဖွင့်ထား တယ်ပေါ့ဗျာ..။ ကိုထီးရဲ့ Analog ခေတ်က သီချင်းတွေကို Mp3 ပြန်ပြောင်းထားတဲ့ သီချင်းတွေပါ..။
ကျွန်တော်က ကိုထီးသီချင်းတွေသိပ်နားမထောင်ဖူးဘူး..။ နားထောင်နေတဲ့သီချင်းက တစ်ချိန်တစ်ခါက သိပ် နာမည်ကြီးတဲ့.. “နှလုံးလမ်းကြောင်းမှာ ကျွန်းခံနေတယ်.”ပါ..။ ပထမ တီးလုံးသံစကြားရတယ်..။ သာမာန်ပါပဲ..။ ပထမဆုံးသီချင်းသံကစ၀င်လာတယ်..။
“ ပိုနေရင်သာ၊ မသိသာတယ်. လိုနေရင် ဘ၀တစ်ခုလုံးဟာနေသလိုကွယ်....” မီးပူထိုးနေတဲ့ ကျွန်တော့် လက် တွေအလိုလိုရပ်သွားတယ်။ ကိုထီးရဲ့ ပြိုင်ဘက် ကင်းတဲ့ ကရုဏာသံပါ..။ ပိုပြီးထူးခြားတာက. .ထူးခြားတဲ့စာ သား ပါ..။ ဒါက ဆရာစိုင်းခမ်းလိတ်ရေးတယ်ဆိုတာ သိရတယ်..။ကျွန်တော် မီးပူကိုပလပ်ဖြုတ်ပြီး ဆက်နား ထောင် မိတယ်.။
အခု ဖတ်မိတဲ့သူတွေကတော့ စာဖတ်ကောင်းအောင်ရေးထားတာ ထင်လိမ့်မယ်ထင်တယ်. ။ တကယ်က ကျွန်တော် ကိုထီးသီချင်း
တွေဘယ်လောက်နားထောင်တယ်ဆိုတာ အခန်းထဲက သူငယ်ချင်းတွေအသိဆုံးပါ.။ ကျွန်တော်တို့ Block မှာလူငါးယောက်ရှိပါ တယ်.။ သုံးယောက်က ကျွန်တော့်လိုပဲ ကိုထီးသီချင်းတွေအလှည့်ကျ ဖွင့်နေကြပါတယ်.။ ( ထားပါတော့ခင်ဗျ.)
 ရေဘောင်ဘင်နဲ့မ ပြည့်အိုးသဖွယ် ..လူဆိုတာ တစ်ယောက်စီ
မနေနိုင်တဲ့ သတ္တ၀ါတွေပဲလို့ဆိုစမှတ်ရှိခဲ့တယ်..အဖော်မွန်တွေနဲ့အိမ်
ထောင်တွေနဲ့ တင့်တယ်မြဲ..ကိုယ့်မှာတော့ကွယ် တစ်ကောင်တည်းမျက်စိလည်..”
   ကျွန်တော် တကယ်ပဲ အံ့အားသင့်သွားတယ်..။ အဲဒါနဲ့ ကျွန်တော် တစ်ပုဒ်ပြီးတစ်ပုဒ်ဆက် နားထောင် မိတယ်..။ အပြာရောင်မျက်ရည်..။ လွိုင်ဆမ်ဆစ်သို့ တောင်းပန်ခြင်း။ ဥဒ္ဒိစ္စအလွန်၊ မြင်းမိုရ်မို့လား၊ အချစ်ဆိုတဲ့ အ ရ သာ၊  မောင်လပြည့်ဝန်း ၊ မေမြို့မိုး(အကြိုက်ဆုံးသီချင်း) ၊လေညာရပ်ကအချစ်..အစရှိသဖြင့်ပေါ့ဗျာ.။ ကျွန်တော် အများကြီးကိုနားထောင်မိတယ်..။အဲဒီမှာကျွန်တော် ဆရာစိုင်းခမ်းလိတ်ကို တော်တော်လေး စား မိ တယ်..။ (မောင့်လပြည့်ဝန်းကတော့ ကိုနေ၀င်းသီချင်းလို့သိရပါတယ်.)။သူဟာရှမ်း အမျိုးသားတစ်ယောက်၊ ဘာလို့ မြန်မာစာအရေးအသား ဒီလောက်ညက်ညော သပ်ရပ်ရတာလဲ..။ ကျွန်တော် သိပ်အံ့သြမိ ပါတယ်..။ ရှမ်း လည်း ဗမာ၊ဗမာလည်းရှမ်းဆိုတဲ့ စကားကို ကျွန်တော်အရင်ကဂရုမပြုမိပါဘူး.ဘူး.။ ဒါပေမယ့် ခုတော့ ဆရာက သက်သေလိုပါပဲ..။ ဆရာ့ကိုလေးစားမိသလို ဂရုဏာသံပိုင်ရှင် ကိုထီး ကလည်းကျွန်တော့်အ ကြိုက် ဆုံးအဆိုတော်တစ်ဦးဖြစ်လာတာပါ..။သူရေးတဲ့သီချင်းတိုင်းမှာ အဓိပ္ပါယ်ကို တစ်ခုခုနဲ့နှိုင်းပြီး ရေးဖွဲ့ ထားတာ မျိုးတွေ.။ယှဉ်ပြ ထားတာမျိုးလေးတွေပါတတ်ပါတယ်.။ သိပ်ပြီး သပ်ရပ်ပါတယ်..။ ကျွန်တော့်အနေနဲ့ လေး စား အားကျမိပါတယ်.။
        နောက်တစ်ယောက် က ဆရာမ နိုင်းနိုင်းစနေပါ..။သူမက လားဟူလူမျိုး တောင်ကြီးမြို့ဇာတိပါ..။ လား ဟူ ဆိုတာ မြန်မာနိုင်ငံရဲ့လူနည်းစု ပါ..။ ဒါပေမယ့်  ဆရာမရဲ့ ကျော်ကြားမှုတွေက တကယ့်ကို အံ့သြဖို့ ကောင်းပါတယ်....။ ကျွန်တော် ဆရာမရဲ့ ဘာသာပြန်ကိုယ်ပိုင် ရသစာစုလေးများကိုဖတ်ဖူးပါတယ်..။ဆရာမရဲ့ မြန်မာစာ အရေးအသားဟာ သိပ်အဆင့်မြင့်ပါတယ်..။ တော်ရုံတန်ရုံ စာလုံးပေါင်းသတ်ပုံလည်း မမှား ပါဘူး.။ ပြီးတော့ ထူးခြားတဲ့ရေးဟန်တစ်မျိုးနဲ့ ဆရာမနိုင်းနိုင်းစနေက သူ့ရဲ့ ၀က်ဘ်ဆိုက်.. http://www.99sanay.com မှာ ခုလိုတင်ထားပါတယ်..။

              ကျွန်တော်ပြောချင်တာက ဆရာ စိုင်းခမ်းလိတ်ရော။ ဆရာမ နိုင်းနိုင်းစနေရော က ကျွန်တော် လေး စား အားကျတဲ့ စာပေဂီတ အနုပညာရှင်တွေဖြစ်ကြပါတယ်....။သူတို့ဟာ တိုင်းရင်းသားလူမျိုး များဖြစ် သော် ငြား  လည်း မြန်မာစာပေ မြန်မာ စကားကို ထူးချွန် စွာတတ်ကျွမ်းတဲ့ စာပေ ပညာရှင် တွေလို့ ပြောလို့ ရပါ တယ်။   ကျွန်တော်တို့ မြန်မာလူမျိုး ပြည်မမှာနေတဲ့ လူတွေတော်တော်များများ တောင်သူတို့ ရေး တဲ့စာတွေလို မရေးနိုင် မတွေးနိုင်ကြပါဘူး..။ ကျွန်တော် က ဗမာ+ရှမ်းကပြားဆိုပေမယ်.့ကျွန်တော် မွေးတဲ့နေရာက တကယ့်
မြေပြန့်ဒေသမှာမွေးတာဖြစ်ပါတယ်..။ ဒါပေမယ့် ကျွန်တော် ဆရာစိုင်းခမ်းလိတ် တို့ ဆရာမ နိုင်းနိုင်းစနေ တို့စာ တွေများ ဖတ်လိုက်ရရင် ဟာ... ဆရာဒီသီချင်းကို ဘယ်လိုများ စဉ်းစားလိုက်ပါလိမ့်...။ဒီဒဿနလေးကိုဖြင့် ဆရာမ ဘယ်လိုတွေးလိုက်ပါလိမ့်. စသဖြင့်တွေး မိပါတယ်...။
              တကယ်ဖြစ်ချင် တကယ်လုပ် အဟုတ်ဖြစ်ရမည် တဲ့..။ တစ်ဦးက စေတနာ တစ်ဦးကမေတ္တာ ဇာတ် ကားမှာ ကောလိပ်ဂျင်နေ၀င်းပြောခဲ့တဲ့စကားလေးပါခင်ဗျာ...။တကယ်ဖြစ်ချင်ရင် တကယ်လုပ်ပါ..။ စိတ် ရှည် ရှည်ထားပါ.။ စိတ်ထားနူးညံ့ပါစေ..။အကောင်းဆုံး ကိုသာ ပေးနိုင်ပါစေ..ခင်ဗျာ..။ ကျွန်တော့် အနေနဲ့ ..ကိုယ် ကိုယ်တိုင် မလုပ်နိုင်ပဲ .. ပြောနေတာ မဟုတ်ပါဘူးနော်..။ ကျွန်တော်လည်းစိတ်ထဲမှာ စံပြထားပြီး ကြိုးစားနေ ပါတယ်..။ မြန်မာနိုင်ငံကိုချစ်တဲ့ မြန်မာစာပေကို မြတ်နိုးတဲ့ လူအားလုံး ဆရာစိုင်းခမ်းလိတ်နဲ့ဆရာမ  နိုင်းနိုင်း စနေ တို့ကို အတုယူပြီး ကြီးစားဖန်တီးသင့်ကြောင်းပါခင်ဗျား....။



ရေးသားသူ : မိုးသက် // 7:16 AM
အမျိုးအစား:

3 comments:

  1. ဆောင်းပါးကောင်းလေးကိုဖတ်သွားပါတယ်ဗျာ...

    ReplyDelete
  2. ဟုတ်ပါ့နော်..ဆရာစိုင်းခမ်းလိတ်ဆို အရေးအသားတွေနူးညံ့လွန်းလို.အရမ်းသဘောကျတာ။အိမ်ကအကိုကသူ.ပရိသတ်အမာခံကြီးပေါ့။ဂစ်တာတီးသင်ပေးတာတောင်ဆရာ့သီချင်းတွေနဲ.လေ။အရမ်းအားကျတဲ့သီချင်းရေးဆရာထဲမှာသူပါတယ်။
    Areal Thu

    ReplyDelete
  3. မေမြို့သူ ကအားပေးသွားပါတယ် :)

    ReplyDelete

မိတ်ဆွေတို့ရဲ့ မှတ်ချက်က ကျွန်တော့်ရဲ့ စာမူခလို့ ဆိုလို့ရသလို..
နောက်တစ်ပုဒ်ဖန်တီးဖို့ အားဆေးတစ်ခွက်ပေါ့ဗျာ......

 

My Blog List