စာပေခရီးနီးသလား...(၁)

      စာပေခရီးနီးသလား..  လို့ခေါင်းစဉ်တပ်လိုက်တော့ စာပေ ပါရဂူကြီးစတိုင်ဖြစ်သွားမလားမသိဘူး.။ ဟဲဟဲဘယ်နေရာမဆို ခပ်ပါးပါးလောက်ပဲသိတဲ့ တောင်စပ်စပ်မြောက်စပ်စပ်တွေထဲက စာစပ်စပ်လေး
တွေနဲ့ ပတ်သတ်ခဲ့မှုလေးတွေကို စကားစမြည်သဘောမျိုးလေးပြောပြချင်လို့ပါ..။

ကဗျာတွေဆိုတာ..
       ကဗျာတဲ့..။ ဘာလဲကဗျာ.။ ဆယ်တန်းတုန်းကတော့မြန်မာစကားပြေစာအုပ်ထဲက.ဆရာကြီးဦးဖေမောင်
တင်ရဲ့ မြန်မာစာအရေးအသားတိုးတက်စေနည်းထဲမှာ ပါတဲ့ ခက်ဆစ်တစ်ခုကိုကျက်ခဲ့ရတယ်.။ကဗျာ. စာလုံး
အကန့်အသတ်၊ကာရန်အချိတ်အဆက် တို့ဖြင့်စနစ်တကျ ဖွဲ့စည်းထားသော ပုဒ်အစုအပေါင်းကို ကဗျာဟုခေါ်
သည် တဲ့.(အတိအကျတော့ဟုတ်လောက်ဖူးအသက်ကြီးပြီဆိုတော့ မေ့ပြီဗျာဒါပေမယ့် အဲဒါနဲ့နီးစပ်ပါတယ်)
ဆရာကြီးဦးဖေမောင်တင်ဆိုတာက မြန်မာ့စာပေလောကမှာ တော်တော်ကို ကြီးမားတဲ့အခန်းကဏ္ဍကပါဝင်ခဲ့
တဲ့သူဆိုတာ ပြောစရာမလိုဘူး.။မြန်မာစာ လောကမှာ ဆရာကြီးတီထွင်ခဲ့တဲ့စကားလုံး တွေအများကြီးပါပဲ.။
ဥပမာပြောရရင်ခုခေတ်တက္ကသိုလ်ဆိုတဲ့စကားလုံးကို ဆရာကြီးထွင်ခဲ့တာပါတဲ့.။Taxila (အတတ်ပညာပေါင်း
စုံသင်ကြားနိုင်သော တက္ကသိုလ်ပြည်ကနေ နာမည်ယူထားတာ)ဆိုတဲ့စကားလုံးကို မြန်မာ့ပညာရေးဝန်ကြီး
အင်္ဂလိပ်လူမျိုးနဲ့ညှိပြီးသတ်မှတ်ခဲ့တာပါတဲ့.။နောက်ပြီး ဆရာကြီးက ခရစ်ယာန်ဘာသာဝင်ဖြစ်ပေမယ့် ဓမ္မပဒ
ကို မြန်မာလိုဘာသာပြန်ပေးခဲ့ပါသတဲ့.။ အော်..ပြောရင်းနဲ့စကားလမ်းကြောင်းတွေကလွဲကုန်ပြန်ပါပြီ..။ပြော
ချင်တာက ကဗျာ အကြောင်း..။
     ဘလော့ဂါ အတော်များများက ကဗျာရေးဖူးကြတယ်.။ကဗျာ ဆိုတာ အမျိုးမျိုးသောကဗျာတွေပေါ့ဗျာ.။
ရှေးပုံစံ တျာချင်း၊အိုင်ချင်း.၊ လေးချိုး ၊ ဒွေးချိုး ပုံစံအနည်းစုနဲ့မော်ဒန်ကဗျာတွေ ကိုလည်းရေးကြပါတယ်.။
ဒါပေမယ့် ရှေးပုံစံကတော့အနည်းစုပေါ့...။အဲဒီတော့ နောက်ပိုင်းရေးတဲ့ကဗျာများထဲက မော်ဒန်ကဗျာကိုပိုရေး
တာများပါတယ်.။ ဒီမော်ဒန်ကဗျာတွေကို တစ်ချို့လူတွေကလက်မခံကြဘူး.။ ဒါပေမယ့် မော်ဒန်ကဗျာတစ်ပုဒ်
ဖြစ်လာဖို့ . ဘယ်လောက် နက်တဲ့စာသားတွေ ပါသလဲ ဆိုတာ ခံစားတတ်တဲ့သူကပဲသိပါတယ်.။ထားပါတော့
လေ.။ကျွန်တော်နဲ့ အဲဒီကဗျာ တွေနဲ့ ဘယ်လို သိကျွမ်းခဲ့သလဲ ဆိုတာကို စပြီးမိတ်ဆက်ပါ့မယ်.။

ရေးထုံးအချို့နှင့် နမူနာအချို့..
    ကျွန်တော်ပထမဆုံးစရေးတဲ့ကဗျာလေးက.. ပန်းတိုင်ဆိုတဲ့ကဗျာလေးပါ..။၈ တန်းနှစ်က ထင်ပါတယ်.။

ကန္တာရလမ်း၊ခရီးကြမ်းဝယ်

စိမ်းလန်းသစ်ပင်၊တို့မမြင် 

သီတာရေအေး၊ တစ်ပေါက်လေးကို

နှုတ်ချိုမြမြ ၊သောက်လိုကလည်း 

နည်းမျှချွေတာ ၊သောက်ရရှာသည်

ကန္တာခရီးကြမ်းသောကြောင့်..။

 ဘာညာပေါ့ဗျာ..။ တကယ်တမ်းက ကျွန်တော်အဲဒီအချိန်မှာ ကဗျာကိုဘယ်လိုရေးရမယ်.။ဘယ်လိုကာရန်

တွေသုံးရမယ်.. ဘာညာဆိုတာ လုံးဝမသိသေးဘူး.။ကဗျာတွေအဖတ်နာထားတဲ့အတွက် နည်းနည်း အံဝင်

နေတာ.။ ဒါပေမယ့် .ဒုတိယအပိုဒ်အစက ကို နဲ့ ချို နဲ့က မူရင်းရေးထုံးနဲ့လွဲနေတာကိုတွေ့ရပါတယ်.။အဲဒီအ

ချိန်မှာ အိမ်ကအဖေက အမေ့ကိုပေးဖူးတဲ့ကဗျာလေးကိုဖတ်မိတယ်.။ (ပြန်မပြောနဲ့နော်..)

ဆင်းသန့်လဲ့ကြည်

ပန်းနှင်းဆီသို့

ထုံရည်ပျံ့သင်း

ချစ် ခြင်း မေတ္တာ

ချစ်ကမ္ဘာလေး

လှမ်းမ ဝေး အောင်

လွမ်း တေးသစ္စာဆိုနေမယ်..။     တဲ့.

ကြည့်စမ်း လှလိုက်တာ.။ သိပ်ကိုသဘောကျသွားတယ်.။ ၈ တန်းပြီးတော့ ကိုးတန်းတက်မယ့်အချိန်မှာ ကိုး

တန်းကိုနွေရာသီကျူရှင်ယူတယ်.။ အဲဒီမှာ မြန်မာစာဆရာမက Course အစောကြီးပြီးသွားလို့ ကျွန်တော်က 

ကဗျာရေးသင်ခိုင်းတယ် .။ ဆရာမက ကျွန်တော်တို့ကိုစနစ်တကျ ပြန်သင်ပေးပါတယ်.။Example လေးတွေ

နဲ့ပေါ့.။၎-၃-၁ ကာရန်နဲ့ ၄-၃-၂ ကာရန် ဆိုပြီး ၂ မျိုးရှိတဲ့အကြောင်းနဲ့ ၄-၃-၂ က ပိုပြီးတော့ ဖတ်ရတာ ချောတဲ့

အတွက် အရေးများကြောင်းရှင်းပြတယ်.။၎-၃-၂ ဆိုတာက.. ပထမပါဒရဲ့ ၄ လုံးမြောက် စာလုံး ၊ ဒုတိယ ပါဒရဲ့

၃ လုံးမြောက်စာလုံးနဲ့. တတိယပါဒရဲ့.. ၂လုံးမြောက်စာလုံးတို့ ကာရန်ထပ်တာကိုဆိုလိုတာပါ.။ ဥပမာပြောရ

ရင်...

တို့ရွာက လေး၊လရောင် ဖွေး

ချမ်း အေးသာယာစွာ..။

ဗုဒ္ဓဘာသာ၊သာသနာ

ရောင်ဝါ နေသို့လင်းစေသော်

ငါတို့ဆရာမ၊ ပညာ ပြ

အာဂလူသားပေ.။

(တတိယပိုဒ်မှာ ဆရာ ဆိုတာကိုတစ်လုံးတည်းအဖြစ်သတ်မှတ်ပါတယ်.။)

ထပ်ပြီးတော့. အလုံးများကိုထပ်ဆက်ခြင်းအားဖြင့် ကဗျာပိုဒ်တွေဖြစ်လာပါတယ်.။ ကျွန်တော်ပါဒတွေထပ်တိုး
ပါ့မယ်..။

မောဟိုက်ပင်ပန်း ၊ကိုယ်စိတ် နွမ်းသည့်

သင်တန်းကာလ၊ ကြမ်းရှရှတွင်

ကင်းကျ သောည ၊လွမ်းခဲ့ရသည်.။

          ဖတ်တဲ့လူတွေအားလုံးရဲ့ စိတ်ထဲမှာ ဒီလိုပုံစံမြင်ဖူးတယ် လို့ ထင်နေပါလိမ့်မယ်.။ ဒီပုံစံကတော့ခေတ်
စမ်းလင်္ကာတွေမှာအရေးများတဲ့. လေးလုံးစပ်ကဗျာလို့ခေါ်ပါတယ်.။ ဖတ်ရတာ အင်မတန်သွက်ပါတယ်..
ကိုယ့်ဖာသာ စမ်းရေးလို့သိပ်ကောင်းပါတယ်..။ ကျွန်တော်အများဆုံးရေးခဲ့တာလဲ ဒီလို ကဗျာလေးတွေပါပဲ.။

တီထွင်မှုတွေ...
ဒီကဗျာတွေရဲ့နောက်မှာ..နောက်ထပ် စွန့်ဦး တီထွင်မှုတွေထွက်လာတယ်..။ အဲဒါက ပန့်ခ်ကဗျာလို့ပြောရမယ်
ထင်တယ်.။ လေးလုံးစပ်တွေကို ခေတ်နဲ့ အညီ မြှင့်တင်လိုက်တာပါ.။စကားလုံးအကန့်အသတ် Lawတစ်ခု
လုံးကို ပယ်လိုက်တယ်.ဘယ်လိုဟာတွေလဲဆိုရင်ဥပမာ..

ကြေကွဲဆိုနင့်၊သက်မပင့်လို့ 

လေလွင့်အာရုံ ၊ စိတ်အစုံတွင် 

မှုန်တွေငေးမော၊ဆန္ဒဇောနှင့်

ရောနှောခြယ်ကင်း၊ရှင်းရှင်းမျက်နှာ

စွဲလန်းခဲ့တာကြာပါပြီ..။

ဆိုတာမျိုးကို...

ကြေကွဲဆို့နင့် ၊ သက်မကိုပင့်လို့

လေလွင့်အာရုံ ၊စိတ်အစုံထဲမှာလေ....

တွေဝေငေးမော၊ဆန္ဒဇောတွေနဲ့.

ရောနှောမှုန်ခြယ်ကင်းတဲ့၊ ခပ်ရှင်းရှင်းနင့်မျက်နှာ

စွဲလန်းခဲ့တာကြာခဲ့ပါပြီမေရယ်..။

ဆိုပြီးဖြစ်သွားတယ်.။  ကာရန်မမိဘူးလားဆိုတော့ မိတယ်..။ဒါပေမယ့် စကားလုံးကန့်သတ်ချက်ဆိုတဲ့ 

Rule ကိုဖယ်ပြီးရေးလိုက်တဲ့အတွက်. စည်းချက် နဲ့ဆိုရမယ့် ဘောင်ထဲကလွတ်ထွက်သွားတယ်.။ ပေါ့ပါးပြီး

ခံစားချက်ကို တိုက်ရိုက်ထိတယ်.။ ဟိုတစ်လောက အစ်ကို အလင်းသစ် ရေးထားတဲ့ ရေသေအိုင် က အဲဒီလို

ကဗျာမျိုးပါ.။စကားလုံးလေးတွေရွေးထားတာသိပ်ကိုလှတယ်.။

       ကျွန်တော်ဆယ်တန်းနှစ်မှာ အိမ်ကို စာရေးတယ်.. ။ လေးချိုးကဗျာတစ်ပုဒ်ပေ့ါ.။စမ်းရေးကြည့်တာပါ.။

မှတ်တော့ ကောင်းကောင်းမမှတ်မိတော့ဘူး.။ နောက်ပိုင်းမှသိရတာ ကျွန်တော်ရေးတာ အမှားတွေသိပ်များ

နေတယ်.။ ပထမနှစ်မှာ နံရံကပ်စာစောင် ပြိုင်ပွဲဝင်တယ်.။ ကျွန်တော်ပိုဒ်စုံရတု ရေးတယ်.။ နာမည်က 

လျှံစည်ဘုန်းမော်၊တို့ကျောင်းတော် ခေတ်သစ်ရတု ဆိုတဲ့နာမည်ပါ.။ ရတု ကဘာကွာလဲ ဆိုတော့.. ဘွဲ့ကို

ရည်ညွှန်းရတာဖြစ်တယ်.။ ဘုန်းတော်ဘွဲ့ ၊နွေဘွဲ့ ၊ မိုးဘွဲ့  ၊ တောတောင်ဘွဲ့ပေါ့ဗျာ. ။သူ့ရဲ့အရည်အချင်းကို

ပေါ်အောင်ရေးသားရတာဖြစ်ပါတယ်.။ ရတုမှာ သုံးပိုဒ်နဲ့ အထက်ရတုကို ပိုဒ်စုံရတုလို့ခေါ်ပါတယ်.။ သုံးပိုဒ်စ

လုံးရဲ့  ပထမဆုံး ပါဒတွေညီရင် အချီညီလို့ခေါ်ပါတယ်.၊ပါဒအရေအတွက်တွေတူရင်လည်းပါဒညီလို့ခေါ်ပါ

တယ်.။ နောက်ဆုံးပါဒတွေ ညီရင်လည်း. အချညီ လို့ခေါ်ပါတယ်.။ ကျွန်တော်ရေးခဲ့တဲ့ ပိုဒ်စုံရတုမှာ..

လျှံစည်ဘုန်းမော် ၊....၊ပုဂံပြည်လုံးကျော် ၊ ....၊ ၊ ကြံစည်ဦးနော်..၊..  ၊ မှန်တည်ကုန်းတော်၊ ... အစရှိတဲ့ 

အချီပိုဒ်တွေညီပါတယ်..။ ၁၃ပါဒစီ ပါဝင်တာလည်း တူညီခဲ့ပါတယ်.။ တန်ဆောင်ထီးထီးပေါက်စေသော်.၊..။
အရောင်ညီးညီးတောက်စေသော်.၊ အမှောင်ပြီးစီးပျောက်စေသော်.. ဆိုတဲ့ အချပိုဒ်တွေလည်းညီပါတယ်..။ 

အချီညီ ၊ အချညီ ၊ပါဒညီ ပိုဒ်စုံရတု လို့ခေါ်လို့ရပါတယ်.။ ဒါပေမယ့် ကံဆိုးမိုးမှောင်ကျပြီး.. ပထမနှစ်က ရေးခဲ့

တဲ့ပိုဒ်စုံရတုလေးက.. နံရံကပ်စာစောင်တွေထဲကနေ ပစ်လိုက်တဲ့စာရွက်တွေထဲ ပါသွားတာလား..ဘာလား

မသိရပဲ.. ။ ပျောက်ခြင်းမလှ ပျောက်သွားပါတယ်.။

ဝင်းမြင့်သန်း(မကွေး)နဲ့တွေ့ဆုံခြင်း..

 လျှံစည်ဘုန်းမော် ၊ သောင်းထိပ်ကျော်၍ ၊ကျောင်းတော်ဂုဏ်မြင့် ၊သရေတင့်စေ. ၊ .. ဘာညာ.(မှတ်မိတော့ဘူး

ဗျာ.. ရေးတာတွေက များတော့ ရှုပ်ကုန်ပြီ..)ဒုတိယနှစ်မှာ ရေးတဲ့ကဗျာက.. စစ်တက္ကသိုလ်ကျောင်းမဂ္ဂဇင်း

မှာပါခဲ့ပါတယ်.။ ဗိုလ်လောင်းဘ၀ရောက်ကြသောခါ တျာချင်းပါ..။ သူက ညောင်ရမ်းခေတ်စတိုင်ပါ..။ကျွန်

တော်တို့ဝန်ကြီးပဒေသရာဇာ ရေးခဲ့တဲ့. နွေဦးကာလ ၊မြူထသောခါ တို့.၊ ၀ဿန်ကာလ ၊ မိုးကျတည့်လျှင်တို့

လိုမျိုးပါပဲ.။ အဲဒီအခါမှာ..ကျွန်တော်လေးစားရတဲ့ သူငယ်ချင်းတစ်ယောက်နဲ့ ဆုံဖြစ်ခဲ့ပုံလေးကို ပြောပြပါ့မယ်။

အဲဒီကဗျာရေးတုန်းက ကျွန်တော် ကာရန်ရှာမရတဲ့နေရာတစ်ခုကို ကျွန်တော့် ဖွက်ထားတယ်.။အလွယ်တကူ

မသိနိုင်တဲ့ နေရာတစ်ခုပေါ့ဗျာ.။ အဲဒါကျွန်တော်တို့အနော်ရထာတပ်ရင်း ဘုတ်မှာကပ်ထားတဲ့အခါ.. ။ အောင်

ဇေယျဖက်က ကျွန်တော်တို့ အပတ်စဉ်သူငယ်ချင်းတစ်ယောက်က လာဖတ်နေရင်းချက်ချင်းပဲ.။ မိုးသက် မင်း

ကဗျာက ဒီနားလေး လွဲနေတယ်ထင်တယ်ကွ...တဲ့.။ကျွန်တော့်ကိုတော့ ကျွန်တော်တို့ အပတ်စဉ်ကလူတော်

တော်များများသိကြပါတယ်.။ ကျပန်းစကားပြောပွဲတွေမှာ ကျွန်တော်တက်တိုင်း ပွဲဆူအောင်ပွဲကျအောင်လုပ်

လေ့ရှိလို့ပါ..။ အဲဒီမှာ ကျွန်တော် နဲနဲ တင်းသွားတယ်..။ ဒီကောင်ကဘာလဲပေါ့..။ အသက်ကလည်းငယ်သေး

တော့ ကိုယ့်ကိုယ်ကို သွေးနားထင်ရောက်နေတာလဲပါမှာပေ့ါဗျာ.။ ကျွန်တော်မျက်နှာပျက်သွားတာကိုတွေ့

တော့ သူက . အော်သူငယ်ချင်း.. မင်းလည်း ငါ့ကဗျာကို လာအားပေးပါဦး ဆိုပြီး သူတို့အောင်ဇေယျတပ်ရင်း

ရဲ့ ဘုတ်ကို ခေါ်သွားတယ်.။သူရေးထားတဲ့ကဗျာကို ပြတယ်.။ လားလား.. ဆရာသမားက ရေးထားတာ 

ကာချင်း ကဗျာဗျာ..။ လူတော်တော် ကျွတ်သွားတယ်.။စကားလုံးတွေသုံးထားတာ တကယ်ဗျာ.။ လက်လန်

တယ်.။ ကျွန်တော်သူ့ကိုတစ်အံ့တစ်သြပြန်မေးရတယ်.။ မင်းအပြင်မှာရေးဖူးသလားဆိုတော့ သူက နိုင်ငံဂုဏ်

ရည်ပြိုင်ပွဲတွေမှာ ရွှေတံဆိပ်ဆုရှင်တစ်ဦးဖြစ်ကြောင်း. ပြောမှ လေးစားစွာ နှုတ်ဆက်မိပါတယ်.။ ကျွန်တော်

လည်းသူ့ကိုပွင့်ပွင့်လင်းလင်းဝန်ခံတာပေါ့.။ကျွန်တော်က ဘော်လန်တီယာ ရေးတဲ့သူတစ်ဦးဖြစ်တဲ့အကြောင်း

နဲ့ သူ့ကို အင်မတန်လေးစားပါတယ်ဆိုတဲ့အကြောင်း..။

       နောက်တော့ သူနဲ့ပြိုင်ဘက်တွေလို ဖြစ်လာတယ်.။ ဒါပေမယ် ပုဂ္ဂိုလ်ရေးအရတော့ သူ့ကို အတော်ကို

လေးစားပါတယ်. ။ သူက ကဗျာအမျိုးအစားတော်တော်များများကိုရေးတတ်ပါတယ်.။ဒါပေမယ့် ကျွန်တော်

က မဂ္ဂဇင်းမှာဆောင်းပါးတစ်ပုဒ်ထပ်ပါသေးတာနဲ့.. ကျပန်းစကားပြောနဲ့ စကားရည်လုပွဲအတွက် Editing 

လုပ်ပေးတာ အားထည့်လိုက်တာကြောင့်.ကျွန်တော်တို့တပ်ရင်းအနိုင်ရခဲ့ပါတယ်.။ မနိုင်ရှိရိုးလား. ကာတွန်း

နဲ့ပန်းချီ.ကို ကျော်ဇေယျာလွင်. တို့ ဆရာတစ်စု..၊ကဗျာနဲ့ စာမူတည်းဖြတ်က ကျွန်တော်.. ။ အပြင်အဆင်ပိုင်း

ကို လည်း တပ်ခွဲလိုက်က သပ်ရပ်သူ တွေ ပေါင်းပြီးလုပ်ပေးတာဖြစ်ပါတယ်.။ ကျွန်တော့်အပိုင်းက သိပ်အား

မပါပေမယ့်.။ ပန်းချီမှာ ကျော်ဇေယျာလွင်တို့ရှိတာက ကာတွန်းအမှတ်နဲ့ သရုပ်ဖော်ပန်းချီအမှတ်ကို အပြတ်

အသတ်နဲ့နိုင်ခဲ့တာပါ.။ စကားရည်လုတို့ ကျပန်းတို့ကတော့..တော်တော်ကို အားထည့်လိုက်ရပါတယ်.။ 

ကျော်ဇေယျာလွင့်လက်ရာလေးတွေကိုကြည့်ချင်ရင် ဒီပို့စ်မှာပြန်ကြည့်လို့ရပါတယ်..။

ဆက်လက်ဖော်ပြပါမည်..