Follow me on facebook

ပရဟိတစိတ်ရှိသူအားလုံးကို စိမ်းလန်းမြေ ပရဟိတအဖွဲ့မှကြိုဆိုပါသည်...အသေးစိတ်သိရှိနိုင်ရန်ဤနေရာတွင်ဖတ်ရှုပါ.။

Tuesday, June 21, 2016

မနှင်ဘဲနောက်လှည့်ပြန်ခဲ့သည်


မနှင်ဘဲ နောက်လှည့်ပြန်ခဲ့သည်...
မိုးသက်ဦးလွင်

            Marshell အမှတ်တံဆိပ် နားကြပ်ကို နားမှာတပ်လိုက်သည်..။ ဒီလိုအချိန်ဆိုရင် မိုးလွင် လုပ်ငန်း စပြီ..။ ကွန်ပျူတာ ဒက်စ်တော့ပ် ပေါ်က အသံဖမ်း ဆော့ဖ်ဝဲလ်လေး၏ အိုင်ကွန်ကို မောက်စ်နှင့် ဒဘယ်ကလစ် ခပ်သွက် သွက်ကလေးဖွင့်လိုက်သည်။ ပြီးခဲ့တဲ့အပတ်ကမှ မိုးလွင်၏ စတူဒီယို က ကွန်ပျူတာတွေကို လိုအပ်သည့် အသံဖမ်းပစ္စည်း နှင့် ဆက်စပ်ပစ္စည်းများဖြည့်ထားတော့ သွက်လက်နေလိုက်တာ...။
            နားထဲက ကြားနေရသည့်အသံကို နားစိုက်နားထောင်၍ လိုအပ်သည်များ ပြန်လည် ပြင်ဆင်ရသည့် Mixing အလုပ်ကတော့ လွယ်တော့မလွယ်..။ ဂီတသဘောတရားများနှင့် စတူဒီယိုသုံးပစ္စည်းများကို နားလည် မှအဆင်ပြေသည်။ တကယ့်တကယ်တွင် စတူဒီယိုသုံးပစ္စည်းများက တန်ဖိုးမနည်းလှ..။ ပစ္စည်းကောင်းလျှင် ကောင်းသလို စတူဒီယို တစ်ခုလျှင် သိန်းရာကျော်ကုန်ကျသည်။ မိုးလွင်အခန်းလေးကတော့ ဈေးနှုန်းအရ သင့်တင့်ပြီး လိုက်လျောညီထွေ ဖြစ်မည့် ပစ္စည်းအသေးလေးများနှင့် အများစုကိုတော့ ကွန်ပျူတာသုံးသက်သက်ပါဝင်သည့် ဆော့ဖ်ဝဲလ်လေးနှင့်သာ ပြန်လည် တည်းဖြတ်သည်..။ ဤသည်ကိုပင် သည်ဆော့ဖ်ဝဲလ် လေးကို ၄၉၉ ဒေါ်လာပေးဝယ် လိုက်ရသည်။
            အာ.. တကယ်ချာတိတ်ပဲ.. ဒီနားမှာ တံတွေးမြိုတဲ့အသံပါလာသေးသကိုး..။ လက်ရှိသီချင်းကို Mix down ဆွဲနေရင်း အဆိုတော်ကောင်လေး၏ တံတွေးမျိုသံပါလာသေးသည်။ အတီးပိုဒ်တွင်မို့ လွယ်လွယ်ကူကူ ဖြတ်ထုတ် လိုက်ရ၍ တော်သေးသည်။  အဆုံးကို Fade out နှင့် ဖြည်းဖြည်းချင်း တိုးရင်း ပျောက်သွားအောင် လုပ်..။
            သီချင်းပြင်နေရင်း Lazy Club တီးဝိုင်းမှ ဂစ်တာသမား ဆရာနိုင်ဇော်ရေးသည့် စာတစ်ပုဒ်ကို သွားသတိရ မိပြန်သည်။ သူ့တပည့်များတီးခတ်နေစဉ် သူက သီချင်းနုတ်စာရွက်မှာ FADE လို့ စာလုံးအကြီးများ ဖြင့် အဆုံးသတ်မှာ ရေးထားသတဲ့..။ Fade ဆိုတာက သီချင်းအဆုံးမှာ အသံမသတ်လိုက်ဘဲ ဖြည်းဖြည်းချင်း တိုးပြီး ပျောက်သွားသည့် ပုံစံမျိုးဖြစ်သည်..။ အသံဆုံးပစ်လိုက်ပြီး တီးလုံးဖြင့်ဆုံးသွားသည်ကိုတော့ Fine လို့ ရေးလေ့ရှိသည်။ ဆရာနိုင်ဇော် ထိုသို့ရေးထားတော့ ရွှေဥာဏ်တော်စူးရောက်သည့် တပည့်ကျော်များက ကော့ဒ် ရေးထားသည် မှတ်ပြီး F.. A.. D.. E ကော့ဒ်လေးခုကို ဆက်တိုက် တီးခတ်လိုက်ကြသတဲ့..။ ဖတ်တုန်းက မိုးလွင်မှာ ရယ်လိုက်ရတာ...။
            လွင့်သွားသောစိတ်ကို ပြန်စုစည်းပြီး အလုပ်ထဲမှာ နှစ်ထားလိုက်သည်။ ဒီအလုပ်က စိတ်ပျံ့လွင့်၍ အဆင်မပြေ.။ စိတ်နှစ်ထားမှ စူးစိုက်မှု ကောင်းမည်၊ ထိုမှသာ မိမိဖန်တီးသောသီချင်း များ၊ ဂီတများ တန်းဝင်မည်..။ အဆင်ပြေမည်..။  
            စိတ်နှစ်လိုက်တော့ နာရီဝက်လောက်အကြာမှာ Beta အဆင့်လောက် ဖြစ်မည့် အကြမ်းထည် သီချင်း တစ်ပုဒ်ရသည်..။ မနက်ဖြန် အဆိုတော်လာမှ ပြပြီး ကြိုက်မကြိုက် ပြန်မေးရဦးမည်..။ ခဏနားပြီး ခြေဆန့် လက်ဆန့်လုပ်ဖို့ အခန်းကျဉ်းလေးအပြင်ကိုထွက်လိုက်တော့ ညီတော်မောင်က အလိုက်သိစွာ ဆေးလိပ်နှင့် မီးခြစ်ကို ကမ်းရင်း စကားဆိုသည်..။
            "ခုနက ကိုမိုး အထဲဝင်နေတုန်း ကောင်မလေးတစ်ယောက်လာသေးတယ်..။ ချောတာမှ မှုံနေတာပဲ..။ ခဏစောင့်နေသေးတယ်.။ ကိုမိုး အလုပ်ရှုပ်နေတယ်ဆိုလို့ မနက်ဖြန်မှ လာမယ်ဆိုပြီး ထွက်သွားတာ ခုတင်ပဲ."
            "ဟေ့ကောင်.. အငယ်ကောင်.. စားချင်တာစား အာရုံတော့ လာမစားနဲ့..."
            အထိုင်များ၍ ဇက်ကြောတက်နေခြင်းကြောင့် စိတ်ပေါက်နေသည့်အထဲ အငယ်ကောင်က နောက်သလိုလို လုပ်နေသည်...။
            "အာ.. ဟုတ်တယ် ကိုမိုး ကျွန်တော်မနောက်ဘူး.. အတည်ပြောနေတာ...နောက်က လိုက်ကြည့်ရင် တောင် မီဦးမယ်ထင်တယ်.. "
            ဒီကောင့်ပုံစံကြည့်ရတာတော့ အတည်ပြောနေသည့်ပုံပါ.။
            "နောက်ကတော့ လိုက်မကြည့်တော့ပါဘူး..။ သီချင်းအပ်မလို့လာတာနေမှာပေါ့ မနက်ဖြန်လာရင် တွေ့မှာပေါ့ကွာ... "
            ဆေးလိပ်ငွေ့များကို ဟူး ကနဲ မှုတ်ထုတ်လိုက်သည်..။
            ဘာရယ်မဟုတ်..။ အမှတ်မထင် လှမ်းကြည့်လိုက်မိသည့် လမ်းထောင့်မီးပွိုင့်က မီးလုံးကလေး ဝါနေသည်...။ သတိထားပါဆိုသည့် သင်္ကေတ၊ မီးမနီခင် ရောက်ရာအရပ်မှာ ရပ်ထားလိုက်သင့်သော အချက်ပြ.။ ထုံးစံအတိုင်း မီးမနီခင် အမြန်ဖြတ်မောင်းကြသည့် ဆိုင်ကယ်၊ ကားများက သုံးလေးငါးစင်းမက...။ တစ်ဖက်က မီးစိမ်းကြောင့် အရှိန်မြှင့်မောင်းဝင်လာသည့် ယာဉ်များနှင့် ပွတ်ကာသီကာ...။ ဆဲရေးတိုင်းထွာသံ များကြားလိုက်မိလေသလား ထင်လိုက်မိသည်..။ မတိုက်မိတာပင်ကံကောင်း..။
            ခုတော့ မီးပွိုင့်ကလေးနီသွားပြီ... ။ စောစောက တစ်ဖက်ခြမ်းလမ်းမှ မီးနီစဉ်က ရပ်ထားသော ယာဉ်များကား မီးစိမ်းသောကြောင့် ဥဒဟို ပြေးလွှားလျက်.။
-----------------------------------------------------------------------------------------------
            "ဆိုးတော့ မဆိုးဘူးဗျ..။ ဒါပေမယ့် အသံနည်းနည်းခြောက်နေသလားလို့.."
            " Reverb(လိုဏ်သံ) မှာ Wet(အသံစိုစွတ်မှု) နည်းနည်းလျှော့ထားလို့ပါ.။ Delay (နောက်တွဲသံ) လည်း နည်းနည်း ပြန်စွက်ပေး မယ်လေ.။ ဒါက အကြမ်း"
            "အော်..."
            အဆိုတော်ချာတိတ်က သူ့သီချင်းသူ နားထောင်ပြီး သဘောအတော်ကျနေသည်.။ နောက်ကို ပြန်ပြန်ပို့ ပြီး သုံးလေးခေါက် ပြန်နားထောင်နေသည်.။
            "ကျွန်တော် တံတွေးမြိုတာ အသံနည်းနည်းထွက်သွားတယ်ထင်တယ်..အဲဒါမပါတော့ဘူးနော်.."
            "ဟုတ်တယ် အဲဒါ..ဖြတ်ထုတ်လိုက်တယ်"
            "ဟဲဟဲ. ကျေးဇူးပါ ကိုမိုးကြီး..။ ဒါဆို အချောက ဘယ်နေ့ရမလဲ..."
            "မနက်ဖြန်ညနေပိုင်းလောက် လာခဲ့လေ ညီ... ကိုယ်အပြီးလုပ်ပြီး စီဒီပါ ခုတ်ထားပေမယ်..။ ရှိုးပွဲမှာပါ ဆိုလို့ရအောင် တီးလုံးသပ်သပ်ပါထည့်ထားပေးမယ်.."
            "ဟုတ်ကဲ့ကိုမိုးကြီး.. မနက်ဖြန်ကျမှပဲ လက်ဖက်ရည်တိုက်တော့မယ်..."
            "အော် ရပါတယ်ကွာ..."
            အဆိုတော်ကောင်လေးက ပြောပြောဆိုဆိုဖြင့် ထသည်...။
            သူပြန်သွားမှ အခန်းအပြင်ထွက်ပြီး ဆေးလိပ်ကို ပါးစပ်တွင်တပ်၍ မီးညှိလုညှိခင်တွင်...
            "ကိုမိုး.. ဒီမှာဧည့်သည်..."
            အငယ်ကောင့်အသံကြား၍ အပေါက်ဝဖက်ကို မော့ကြည့်လိုက်သည်...။
            ပါးစပ်မှာတပ်ထားသော ဆေးလိပ်ပြုတ်ကျသွားသည်..။
            "ရွှေရည်... ရွှေရည်မဟုတ်လား..."
            "ကိုမိုး..."
            ရင်ထဲမှာ ငြိမ့်ကနဲ ဖြစ်သွားပြီးကာမှ ဗုံးတစ်လုံးအနီးကပ်ပေါက်ကွဲသွားသလို ဆူညံသွားပြီး တစ်စုံတစ်ခု ကို သတိရမိလိုက်သောကြောင့် အတွေးရော လူပါ ယာယီရပ်တန့်သွားသည်..။
            "ရှာလိုက်ရတာ ကိုမိုးရယ်... ရွှေရည် ပြီးခဲ့တဲ့ လကမှ ဂျပန်က ပြန်ရောက်တယ်...။ ကိုမိုး နေနိုင်တယ်နော်.. လုံးဝ အဆက်အသွယ်မလုပ်ဘူး..."
            "မဟုတ်ဘူး ရွှေရည်.. ကိုယ်ရှင်းပြမယ်.."
            "ဆင်ခြေတွေမပေးပါနဲ့ ကိုမိုး.. လူလာတာတောင် ထိုင်ပါဦးမပြောဘူး..။ ရွှေရည်ထိုင်လို့ရတယ်မဟုတ် လား..."
            ရွှေရည်က ပြောပြောဆိုဆိုဖြင့် ဘေးကခုံတွင် ဝင်ထိုင်လိုက်သောကြောင့် ပြောရမည့် စကားစ ပြတ် သွားသည်...။
            "ကိုယ်တို့ အပြင်သွားပြီး တစ်ခုခု စားရင်းနဲ့ စကားပြောကြတာပေါ့ ရွှေရည်..."
            "ကောင်းသားပဲ.. ရွှေရည်ကားပါလာတယ်..ဒီနေ့တော့ ကိုမိုးကို ရွှေရည်ကျွေးပါ့မယ်..."
            တစ်ချိန်က နှလုံးသားချင်းအရင်းနှီးဆုံး လူနှစ်ဦးမို့ ထူးထူးခြားခြား မငြင်းမိ...။ ရွှေရည့်ကို တွေ့လိုက်စဉ် က မိမိရင်ထဲမှာ လှိုက်ကနဲပျော်မြူးသွားတာ..။ ရင်ခုန်သံတွေ ဗြောင်းဆန်သွားတာ ရွှေရည်သိမည် ထင်သည်။ သူသိမှာပါ..။ သိနေမှာပါလေ..။
            ကျောင်းက အိုင်တီမေဂျာမှာ ကွင်းဖြစ်သည့် မန္တလေးသူ ရွှေရည်နှင့် သပိတ်ကျင်းက ကျောင်းလာတက်သည့် တောသား မိုးလွင် ဘယ်လိုဘယ်ပုံ ချစ်သူ ဖြစ်သွားကြသည်ဆိုသည်မှာ ပြန်တွေးတိုင်း ရင်သိမ့်တုန်ရဆဲ..။ မိမိက အနုပညာနှင့်ပတ်သတ်လျှင် ၀ါသနာထုံလွန်းလှသည်။ ကျန်တာ မက်လောက်စရာ ဘာမှမရှိ.။ ရွှေရည်ကတော့ ရုပ်ရည်ချောမောသလောက်မိဘများက မန္တလေးမှာ မြို့မျက်နှာဖုံးတွေ..။ ကျောင်းနီးချုပ်စပ်ထိ သတင်းမွှေးသည့် ရွှေရည်နှင့် မိမိ ချစ်သူ ဖြစ်သွားတော့ ဘယ်သူမှလည်း မယုံနိုင်..။ ချစ်သူဖြစ်သွားကြတော့လည်း မိုးမမြင်လေမမြင်..။ ကျောင်းနားက မန္တလေးတောင်၊ ရွှေကျောင်းကြီး၊ ကုသိုလ်တော်ဘုရား မှသည် တောင်သမန်အင်းဖက်၊ ကန်တော်ကြီး၊ ကျောက်ဆည် ရွှေသိမ်တော်၊ ရွှေကူကြီးဘုရား၊ စစ်ကိုင်း၊ မင်းကွန်း မြသိန်းတန်အထိ မိမိတို့ ခြေရာတွေထပ်ခဲ့ကြသည်...။ ဒါပေမယ့်...။
            "ကိုမိုး.. ဘာတွေစဉ်းစားနေတာလဲ.. ဆင်းတော့လေ..."
            ရွှေရည်က ကားကို လမ်းဘေးမှာ ရပ်ပြီးနေပြီ..။ မိမိက အတွေးများစွာဖြင့် ရောက်လို့ ရောက်မှန်းပင် မသိလိုက်..။
            ဆိုင်တွင်ကို မိုးလွင်တို့ ဝင်လာတော့ လူတွေဝိုင်းကြည့်ကြသည်..။ ဘုရင်မသဖွယ် ကြွားဝံ့သည့် ရွှေရည်နှင့် တစ်နေကုန် စတူဒီယိုမှာ အခန်းအောင်းရာက ထလာသည့် မိုးလွင်၏ ပေတီပေစုတ်ပုံစံကို မြင်ယောင်သာ ကြည့်ကြပါတော့...။
            "မီနူးက နှစ်ခုတောင်လား..."
            "မန်ညူးလုပ်ပါ ကိုမိုးရဲ့..။ ဟုတ်တယ်.. တစ်ခုက စားစရာတွေ...။ တစ်ခုက သောက်စရာသက်သက်.. ကိုမိုးဘာသောက်မလဲ..."
            "ဟုတ်ပါပြီ ကိုယ် ရွှေရည့်လောက် အင်္ဂလိပ်စာမကောင်းတာ ရွှေရည်သိပါတယ်.။ ဘာမှ မသောက် တော့ဘူးရွှေရည်... ကိုယ် မသောက်တာ ကြာပြီ..."
            "မသောက်လည်းနေပေါ့.. ရွှေရည်ကတော့ Mojito (ပူစီနံရွက်နှင့် သံပုရာရောထားသော ယမကာရောလေ့ ရှိသည့် အအေးတစ်မျိုး) သောက်မယ်..."
            ယမကာထည့်မှာလား မေးစရာမလိုပါ..။ အရင်ကတည်းက အတော် ဆိုရှယ်ဆန်သည့် ရွှေရည့်အကြောင်းကို သိပြီးသား.။ မိုးလွင် ရွှေရည့်ကို ဘယ်ကစရှင်းပြရမလဲ ဆိုတာကို စကားလုံး စီနေမိသည်..။
            "ကိုမိုး တစ်ခုခု မှာလေ... Mojito ပဲသောက်မလား.. မှာလိုက်မယ် ယမကာ မထည့်နဲ့ပေါ့..."
            "ရွှေရည် ကိုယ်ပြောစရာရှိတယ်..."
            "ပြီးမှပြော.. ခုလောလောဆယ် ဘာမှ မပြောနဲ့ ရွှေရည် ကိုယ့်မျက်နှာကို အေးအေးဆေးဆေး ထိုင်ကြည့်ချင်သေးတယ်..."
            "မဟုတ်သေးဘူး ရွှေရည်.. ကျွတ်.."
            မိမိက ပြတ်သားနိုင်ပါ့မလား..မိုးလွင် ပြန်တွေးကြည့်နေမိသည်..။ စိတ်ထဲမှက တကယ့်ဝိရောဓိ..။ တစ်ဖက်မှာ မိမိအသက်တမျှချစ်ခဲ့ဖူးသော အချစ်ဦး. တစ်ဖက်မှာ...။
            "ကိုမိုး တကယ်ကြီးတော်တော်ပိန်သွားတယ်..."
            "အင်း ရွှေရည်. ရွှေရည်ကတော့ ပိုလှလာပါတယ်..."
            သူမ ပြုံးသည်..။ မိုးလွင် ရင်ထဲမှာ ဗလောင်ဆူလာပြန်သည်..။ အဲဒီအပြုံးတွေထဲမှာ ကျရှုံးခဲ့ရသည့် အချိန်များ..။ အဲဒီအပြုံးကလေးကို သူပိုင်ပစ္စည်းကဲ့သို့ ခြယ်လှယ်နိုင်ခဲ့သော ရက်များ.။ အဖြစ်အပျက်များက မနေ့တစ်နေ့ကလို ပြန်မြင် လာသည်...။ အချစ်ဆုံးဖြစ်သော အချစ်ဦးရွှေရည့်ကို ကိုယ်ဘယ်လို ပြောထွက်ရက် ပါ့မလဲ...။
            "ရွှေရည် ဂျပန်မှာကတည်းက အမြဲတမ်း ကိုမိုးကို သတိရနေခဲ့တာ..။ အင်တာနက်မှာလည်းရှာခဲ့တယ်.။ ဆက်သွယ်ဖို့လည်း အမြဲကြိုးစားခဲ့တယ်..။ ဒါပေမယ့် ကိုမိုးသိပ်ရက်စက်တာပဲ...။ ရွှေရည့်ကို အဆက်အသွယ် လုံးဝ မလုပ်ခဲ့ဘူးနော်..."
            "အာ အဲဒီလို မဟုတ်ပါဘူးရွှေရည်.. ကိုယ်ရှင်းပြပါ့မယ်..."
            "ဆင်ခြေတွေ မလိုချင်ဘူးကိုမိုး... ကိုမိုး ရွှေရည့်ကို အချစ်တွေ ပေါ့နေပြီမဟုတ်လား.။ အနေဝေးတာနဲ့ သွေးအေးသွားပြီမဟုတ်လား..။ ရွှေရည့်ကို ပြောစမ်းပါ ကိုမိုး.. ပြောလိုက်ပါ..။ ဒီမှာ.ဒီမှာ Mojito နောက် တစ်ခွက် ပေးပါဦး..."
            ရွှေရည်က ပြောပြောဆိုဆို နောက်တစ်ခွက်ထပ်မှာသည်..။ စားပွဲပေါ်မှာ ကလပ်ခွက်ကလေးတွေများ လာပြီ..။ တစ်ခွက်.. နှစ်ခွက်.. သုံးခွက်.. လေးခွက်.. နောက်...။
            အပြင်မှာ အတော်မှောင်နေပြီ...။
            "ရွှေရည် မင်းသိပ်မူးနေပြီ.. ပြန်ရအောင်..."
            "မပြန်ဘူး.. ကိုမိုး. ရွှေရည် သောက်ဦးမှာ..."
            "လာပါ ရွှေရည် ကိုယ့်ကိုချစ်တယ်ဆိုရင် ပြန်ရအောင်နော်..."
            ဘာလို့ ဒီမေးခွန်းကိုမေးလိုက်မိလည်း စဉ်းစားမရ..။
            "ကိုမိုး ရွှေရည့်ကို ချစ်လား..."
            "အင်းအင်း ချစ်တယ် ချစ်တယ်...ပြန်ရအောင်နော် ဟုတ်ပြီလား"
            ပြောပြီးမှ ရင်ဘတ်ထဲမှာ စူးကနဲ ဖြစ်သွားသည်..။ နောင်တရမိသလိုလိုလည်း ဖြစ်သွားသည်..။
            "ကားသော့ရော ရွှေရည်.. ကားသော့ပေးဦး..."
            ရွှေရည်က မျက်စိမဖွင့်ဘဲ ဆလင်းဘတ် အိတ်ကိုပုတ်ပြသည်..။ ဆလင်းဘတ်အိတ်ထဲမှာ ကားသော့ ကိုရှာလိုက်ပြီး ရွှေရည့်ကိုတွဲလိုက်သည်..။ ရွှေရည့်ကိုကားပေါ်သို့တွဲတင်လိုက်ပြီးမှ မောင်းသူဘက်အခြမ်းမှ ကားထဲသို့ ၀င်သည်..။
            "ရွှေရည် အခုဘယ်မှာနေတာလဲ..."
            "Swam မှာ ...."
            ဗလုံးဗထွေးပေမယ့် ပီပီသသကြားရသည်ကိုပင် ကျေးဇူးတင်လိုက်မိသည်..။ မိုးလွင် သက်ပြင်းတစ်ခု ကို ချလိုက်မိသည်..။
            Mandalay Swam Hotel ရောက်တော့ Reception မှာ ရွှေရည့်နာမည်နှင့် အခန်းကိုမေးသည်..။ မှတ်ပုံတင်ပေးပြီး အခန်းသို့ ၀င်သည်..။ အခန်းထဲရောက်တော့ ရွှေရည့်ကို ဆိုဖာပေါ်သို့တွဲတင်သည်..။
            "ကိုမိုး... ကိုမိုး.."
            "အင်း ကိုယ်ရှိတယ် ရွှေရည်..."
            "ရွှေရည်တို့....တစ်သက်လုံး အတူတူ.. အတူတူ နေကြရအောင်နေ.. ဘယ်တော့မှ မခွဲတော့ဘူး နော်..."
            ရင်ထဲမှာ မီးတောင်တွေ ပေါက်ကွဲနေသည်..။ ဒွိဟတွေလွန်ဆွဲနေသည်...။ ချစ်သူရယ်...။ အို.. ဘာမှ မဆုံးဖြတ်ရသေးခင်... ရွှေရည့်ကို နမ်းမိလျက်သား..။ ပြီးတော့...
            ရွှေရည်ဖက်တာတွေ ပိုပြီးတင်းကြပ်လာတာ သတိထားမိသည်..။ အနမ်းတွေ ပိုစိတ်လာတာကို လည်း သတိထားမိသည်။ အဆုံးစွန်ဆုံး အခြေအနေတစ်ခုကို ကျွံဝင်လုဆဲဆဲ အလိုတူအလိုပါ ချစ်သူတို့၏ ပွေ့ချီနမ်းရှုပ်မှုနှင့် ခန္ဒာကိုယ်ယိမ်းယိုင်သွားမှုတွင် ချွတ်လက်စ မိုးလွင် အင်္ကျီထဲက လက်ကိုင်ဖုန်းက ကြမ်းပြင်ပေါ် ဒေါက်ကနဲ ပြုတ်ကျသည်  ကောက်ယူလိုက်တော့ Notification မီးလုံးအပြာကလေးလင်းနေသည်..။ အသက်ရှုရပ်မတတ်ဖြစ်သွားသည်..။ စိတ်ထဲက မီးတောက်တွေကို ရေဖြင့်လောင်းချလိုက်သလို ရှဲကန အရှိန်သေသွားသည်..။ ရွှေရည့်ကို ကုတင်ပေါ် သို့တွဲပို့လိုက် ပြီးမှ ဖုန်း Screen ကို ဖွင့်လိုက်သည်.။
            Viber မှာ မက်ဆေ့ခ်ျဝင်နေသည်..။
            "မောင်.. သားသားကျောင်းအပ်ဖို့ ကိစ္စအဆင်ပြေလား.. သဘက်ခါမနက်စောစော ကျွဲဆည်ကန် ကားဝင်းမှာ လာခေါ်နော်.. မေမေနေမကောင်းလို့ ညဖက် ဖုန်းမပြောဖြစ်တော့ဘူး... ဒါပဲနော် ကျန်းမာရေးဂရုစိုက်"
            ခေါင်းထဲမှာ တစ်စုံတစ်ခုကို သိလိုက်သည်..။ မှားတော့မလို့...။ မိမိဘဝနှင့်ချီ၍ မှားတော့မလို့ပါလား..။ ခင်ပွန်းတစ်ယောက်၏ ဂုဏ်သိက္ခာ၊ ဖခင်တစ်ယောက်၏ ဂုဏ်သိက္ခာတွေ ပြိုကျဖို့ လက်မတင်ကလေးပါလား..။
            မိုးလွင် တစ်စုံတစ်ခုကို ဆုံးဖြတ်ချက်ချလိုက်သည်..။ စားပွဲပေါ်က အရန်သင့်တွေ့ရသည့် Sticky Paper စာရွက် အပိုင်းအစကလေးကို ဖြုတ်ယူပြီး မိမိပြောမထွက်ခဲ့သည့်စကားလုံးများကို ခပ်သွက်သွက်ချရေးလိုက်သည်...။
            သို့...
            ရွှေရည်...
            .................. ။
---------------------------------------------------------------------------------------------------
            "ကိုမိုးကိုလာခေါ်တဲ့ အစ်မက ချောတယ်နော်..."
            "အင်း..."
            "ခု သူ အဲဒီမှာကျန်ခဲ့တယ်ပေါ့..."
            "အင်း..."
            "မသိပါဘူး ကျနော်က နီးနီးနားနားပဲ သွားတယ်မှတ်နေတာ...။ ဆိုင်ပိတ်ပြီး ဘောလုံးပွဲကြည့်မလို့ တီဗွီဖွင့်နေတုန်း ကိုမိုးဆီက ဖုန်းဝင်လာလို့ လာခေါ်တာပဲ..."
            "အင်း..."
            "အာ မီးဝါတော့မယ် ..."
            အငယ်ကောင်က လီဗာနင်း၍ မီးဝါစဉ် ဖြတ်ကူးမည့်အရိပ်အယောင်ပြသည်...။
            "အငယ်ကောင် ရပ်ထားလိုက်တော့..."
            "အာ ဘာလို့လဲ ကိုမိုးရ.. လွတ်ပါတယ်..."
            "ရပ်ထားလိုက်ပါကွာ..."
            အငယ်ကောင်က နားမလည်စွာ မိုးလွင်ကို ပြန်ကြည့်သည်...။
            "တချို့ကိစ္စတွေက လွတ်တယ်ဆိုပြီး ဇွတ်ဝင်လို့ မရဘူးကွ... ကိုယ့်သိက္ခာကိုယ် ထိန်းရမှာ..."
            မိုးလွင် မျက်လုံးများက ငေးငေးငိုင်ငိုင်..။ အငယ်ကောင်ကို မကြည့်ဘဲ သူ့ဖာသာ တစ်လုံးချင်း ဆက်ပြောသည်...။
            "ဟုတ်တယ်...ကိုယ့်သိက္ခာကိုယ် ထိန်းရမှာ..."
            ကားထဲမှာ Big Bag ၏ "ပြဇာတ်မဟုတ်သောပြဇာတ်"သီချင်းဖွင့်ထားသည်.။
            "မကမ်းမယ့် လက်တစ်ဖက်မျှော်လင့်သူ.. မသွားမယ့်လမ်းကို ကြိုဖောက်ပြီး.. မပြီးဘဲကားချ ဇာတ်သိမ်းတော့.. မနှင်ဘဲ နောက်လှည့်ပြန်ခဲ့သည်.... လေပြည်ညင်းလည်း မတိုက်ခတ်ပါ... တေးသံချိုချို မပျံ့လွင့်ပါ.. လက်ခုပ်တီးသူ လူမရှိပါ... တကယ်လည်းပြဇာတ် မဆန်ခဲ့ပါ..."
                                                                                                            မိုးသက်ဦးလွင်
၂၀၁၆၊ ဇူလိုင်လထုတ် မြဝတီမဂ္ဂဇင်း
           

           


            



Saturday, February 6, 2016

ကျွန်တော့်သော့ခလောက်ကလေး


ကျွန်တော့်အခန်းကို သော့ဖွင့်လိုက်သည်..။ ပွင့်မသွားသောကြောင့် စိတ်မကျေနပ်စွာဖြင့်... ပုံစံတူ တွဲထားသည့် အခြားသော့တစ်ချောင်းဖြင့်ဖွင့်လိုက်သည်.။ ချောက်ကနဲ အသံမြည်၍ ပွင့်သွားမှ ကျွန်တော် ကျေနပ်စွာပြုံးလိုက်မိသည်...။ ရိပ်သာတွင် အခန်းတစ်ခန်းရလျှင်ရချင်း ရိပ်သာတာဝန်ခံထံမှ လက်ခံရရှိသော ကျွန်တော့်အခန်းသော့တွဲလေးမှာ သော့ချိတ်မပါပါ.။ ပုံစံတူ သော့ကလေး နှစ်ချောင်း ပါပြီး တစ်ချောင်းက အခန်းသော့ဖြစ်ပြီး တစ်ချောင်းက ဘယ်ကမှန်း မသိသော သော့တစ်ချောင်းဖြစ်ပါသည်။ ပုံစံတူနေသဖြင့် ခွဲမရ..။ ကျွန်တော်ကလည်း ခွဲထုတ်ထားဖို့မစဉ်းစား.။ စဉ်းစားပြီး မလုပ်ဖြစ်သော အလုပ်တစ်ခုဖြစ်ပြီး ကျွန်တော်၏ "ဆောင်ရွက်ရန်ကျန်" စာရင်းထဲမှာလည်း မပါသောအလုပ် တစ်ခုဖြစ်သည်။ ကျွန်တော်ကိုယ်တိုင်လည်း ဟုတ်တိပတ်တိ ဆောင်ရွက်ရန် အလုပ်တစ်ခုအဖြစ် စိတ်လည်းမဝင်စား။ သော့မှားဖွင့်မိလျှင်ပင် ၃ စက္ကန့်လောက်သာ နောက်ကျသွားနိုင်သည့် အလုပ်မို့လည်း စိတ်ထဲမှာ မယ်မယ်ရရမရှိ။ စဉ်းစား ထားသည်သာရှိပြီး အခြားပေါ်လာသော အလုပ်တစ်ခုတွေကြားမှာ ထိုအတွေးလေးက ညပ်ညပ် ပါသွားတတ်သည်။ ထို့ကြောင့်ပင် ကျွန်တော့်အနေဖြင့် ထိုအပိုသော့ကလေးတစ်ချောင်းကို ဖြုတ်ထားရန်မေ့လျော့နေတတ်သည့် အားလျော်စွာ တစ်ခါတစ်ရံ ထိုသော့ပိုကလေးက ကျွန်တော့်စိတ်ကို အနှောက်အယှက်ဖြစ်စေသော အရာတစ်ခုဖြစ်နေတတ်သည်.။ အလုပ်ရှုပ်သော ဦးစီးအရာရှိတစ်ဦးပီပီ ထိုသို့ဖြစ်သော အချိန်တွင်သာ စိတ်ရှုပ်သွားပြီး သော့ပြောင်း၍ ဖွင့်ပြီးပါက လှည့်၍ပင် မကြည့်တော့ဘဲ သော့ခလောက်ကို ပြတင်းတံခါးဘောင်ပေါ်တင်ကာ ယူနီဖောင်းကို အလျင်အမြန် ချွတ်မိစမြဲဖြစ်၏။  အခန်းသို့ ပြန်ရောက်တိုင်း ကျွန်တော် ကံကောင်းလျှင် သော့ကိုတစ်ခါဖွင့်ရ၍ ကံမကောင်းသောနေ့များ တွင် နှစ်ခါဖွင့်ရသည်။ သို့နှင့်ပင် ရက်သတ္တပတ် များစွာကြာမြင့်လာခဲ့သည်။ ကျွန်တော်ကတော့ နေ့စဉ်နေ့တိုင်း သော့ကလေး နှစ်ချောင်းနှင့် ကံစမ်းမဲနှိုက်နေတုန်းသာ...။
--------------------------------------------------------------
ကျွန်တော့်မှာ ရည်းစားတစ်ယောက်ရှိသည်။ ဆယ်ကျော်သက်မဟုတ်သော ကျွန်တော်တို့နှစ်ဦး၏ အချစ်ရေးခရီး မှာ ထင်သလောက် မဖြောင့်တန်းခဲ့..။ ၈ မိုင် Junction 8 က J Donuts ဆိုင်မှာ သူမနှင့် စတင်ဆုံစည်း ခဲ့ရသည်။ သူမသည်လည်း ကျွန်တော့်ထက် တည်ငြိမ်ရင့်ကျတ်သူဟုခံစားမိသူပီပီ ကျွန်တော်တို့ ချစ်သူဘဝကား လူငယ်စုံတွဲများ လောက် ရင်ခုန်တိမ်းမူးစဖွယ်မကောင်း..။ ကျွန်တော့်ထက် လပိုင်းမျှကြီးသော သူမက ကျွန်တော့်ကို "မောင်" ဟု ခေါ်သည်..။ အခြေအနေများကြောင့် နေရာဒေသဝေးကွာသော သူမနှင့် ကျွန်တော်တို့ အတွက် တယ်လီဖုန်း နှင့် အင်တာနက်ကွန်ယက်ကသာ အများဆုံးဆက်သွယ်ဖြစ်ခဲ့ကြသည်..။
            ကျွန်တော့်အလုပ်ကနေပြည်တော်မှာ..။ သူမက ရန်ကုန်မှာဖြစ်သည်။ ကျွန်တော်က ရုံးအလုပ်ဖြင့်မကြာခဏ ရန်ကုန်သို့မကြာခဏလာရသည်။ ထိုအချိန်များသည်ကား ကျွန်တော့်အတွက် ပျော်ရွှင်မှုအတိပြီးသောအချိန်ဖြစ်သည်.။ အလုပ်ကို စောနိုင်သမျှစောအောင် အားထည့်၍လုပ်ပြီး အချိန်အပိုအလျှံကလေးများရှိလေတိုင်း သူမနှင့်တွေ့ဆုံဖြစ်သည်။ သူမနှင့်အတူရှိသောစက္ကန့်တိုင်းက ကျွန်တော့်အတွက် ရွှေအတိပြီးသော စက္ကန့်များပင်ဖြစ်လေသည်။
            “ချစ် …မောင်မနက်ဖြန် ရန်ကုန်လာရဦးမယ်…”
            “ဟုတ်လားမောင်.. မနက်ဖြန် ချစ်အလုပ်နားတယ်.. သီချင်းသွားဆိုရအောင်လေ…”
            သူမနှင့် ကျွန်တော် ရွှေတိဂုံဘုရားခြေရင်းက M3 မှာ သီချင်းမကြာခဏသွားဆိုဖြစ်သည်။ ကျွန်တော့်ဘဝလက်တွဲ ဖော်အဖြစ်ရည်ရွယ်ထားသော သူမက ကျွန်တော့်ရင်ထံမှ စံချိန်စံညွှန်းများဖြင့်ကိုက်ညီသူဖြစ်သည်.။ ငွေကြေးဥစ္စာကို ရှေ့တန်းမတင်သော ကျွန်တော့်ဘဝတွင် ကျွန်တော်နှင့် ဝါသနာတူညီသူ၊ အနုပညာကို ခံစားနိုင်သူ အဖြစ် ကျွန်တော် သူမ လို ချစ်သူတစ်ယောက် ကျွန်တော့်ဘေးမှာရှိနေခဲ့ခြင်းအတွက် အမြဲတမ်းကျေနပ်နှစ်သိမ့်နေခဲ့သည်.။ သို့သော် သူမဆီမှာ ကျွန်တော်မကြိုက်သောအချက်တစ်ခုက ကျွန်တော့်အပေါ်ထားရှိသော လျှို့ဝှက်ချက်များရှိနေခြင်းပင်ဖြစ်သည်။
            လူနှစ်ဦးပေါင်းသင်းဆက်ဆံရာတွင် တစ်ယောက်နှင့်တစ်ယောက် ပွင့်ပွင့်လင်းလင်း ဆွေးနွေးတိုင်ပင်ခြင်း၊ တစ်ဦးနှင့်တစ်ဦး လျှို့ဝှက်ချက်မထားရှိခြင်းသည် လူနှစ်ယောက်၏ စိတ်နှလုံးကို ပိုမိုနီးကပ်စေသည့်သဘောရှိသည်။ လျှို့ဝှက်ချက်ထားရှိခြင်း၊ ထိုလျှို့ဝှက်ချက်ကို မသိရခြင်းသည်ကမူ သံသယများဖြစ်ပေါ်စေတတ်သည်မှာလည်း အမှန်ပင် ဖြစ်သည်။ ကျွန်တော့်အပေါ်ထားရှိသော သူမ၏လျှို့ဝှက်ချက်များကို သူမ ဘာတစ်ခုမှ ဖွင့်ဟပြောဆိုခြင်းမရှိခဲ့။ ကျွန်တော်က လည်း မမေးမြန်းခဲ့။ သူမကလည်း ထုတ်ဖော်လိုသည့် ဆန္ဒရှိဟန်မတူချေ..။ ကျွန်တော့်အားနည်းချက်က ပိပိရိရိလိမ်ညာရန်ဆန္ဒမရှိ။ ဖုံးကွယ်ထားသောကိစ္စများရှိလျှင်ပင် တည့်တည့်မေးမြန်းလာပါက အမှန်အတိုင်း ထုတ်ဖော် ပြောတတ်သည့် အကျင့်ရှိသည်။
            ကျွန်တော်က ကျွန်တော့်ဘဝနှင့်ပတ်သတ်၍ သူမအပေါ်ဘာတစ်ခုမှ လျှို့ဝှက်မထားခဲ့။ ကျွန်တော်မိဘအလုပ် အကိုင်၊ ကျွန်တော့်အလုပ်နှင့်ရာထူး၊ နေရပ်လိပ်စာ၊ မည်သည့်အလုပ်လုပ်ရသည်ဆိုသည်ကအစ သူမကို အကုန်ပြောပြထားခဲ့သည်။ ယုတ်စွအဆုံး ရည်းစားဟောင်းများ၏ နာမည်၊ ယခုအဆက်အဆံရှိသည် မရှိသည်ကအစ သူမကို အားလုံးအသိပေးထားသည်..။ ထိုသို့ ပွင့်လင်းမှုအပေါ်လည်း ကျွန်တော်က မိမိအချစ်အတွက် လိပ်ပြာသန့် နေခဲ့သည်။
            သူမကတော့ ကျွန်တော်နှင့်ပြောင်းပြန်..။ သူမ၏ နေရပ်လိပ်စာကို ထုတ်ဖော်မပြော။ သူမ၏ မိခင်ကို ဓာတ်ပုံတွင်း မှာသာ မြင်ဖူးသော်လည်း နာမည်မည်သို့ခေါ်သည်ပင် ကျွန်တော်က မမေးမြန်းခဲ့။ သူမရည်းစားဟောင်းများနှင့်ပတ်သတ်၍ လည်း ကျွန်တော်က စိတ်ဝင်တစားမရှိ..။ မိန်းကလေးတစ်ယောက်ကို ချစ်မြတ်နိုးသောသူအဖို့ အတိတ်ထက် အနာဂါတ်ကို ပိုမိုစဉ်းစားခြင်းက အဖြေဟုထင်မှတ်ထားခဲ့သည်။
ကျွန်တော် သူမကို ယုံကြည်ခဲ့ပါသည်…။
            တစ်ခေါက်က ကျွန်တော် ပဲခူးဖက်က ရုံးကို အလုပ်ကိစ္စတစ်ခုဖြင့်လာရသည်.။ အပြန်တွင် အချိန် ၁ ရက်ခန့် ပိုနေသည်နှင့် ရန်ကုန်သို့တက်လာခဲ့သည်..။ နယ်မှဖြစ်သော ကျွန်တော့်အဖို့ ရန်ကုန်ကို မကျွမ်းကျင်သည့်အားလျော်စွာ ရန်ကုန်-ပဲခူးကားမှ တောင်-မြောက်ဒဂုံလမ်းဆုံတွင်ဆင်းနေရစ်ခဲ့သည်…။ ထို့နောက် ကျွန်တော်သူမကို ဖုန်းခေါ်သည်။
            “ချစ်ရေ.. မောင်တော့ ရန်ကုန်ရောက်နေပြီ..”
            “ဟုတ်လားမောင်.. ခုဘယ်မှာလဲ…”
            “မောင်အခု တောင်-မြောက်လမ်းဆုံမှာ..။ ချစ်ရော ဘယ်မှာလဲ အိမ်မှာပဲလား…”
            “မဟုတ်ဘူးမောင်.. ကန်ဘောင်မှာ သူငယ်ချင်းတွေနဲ့ရောက်နေတာ.. မောင်လာခဲ့အခု…”
            “အာ .. မောင်လာလို့မရဘူးချစ်ရ..။ အထုပ်အပိုးတွေကို ရန်ကုန်ရုံးမှာ သွားထားပြီးမှ လာလို့ရမှာလေ…”
            “မရဘူး…နင်နော် အခုလာခဲ့.. ငါနောက် တစ်နာရီလောက်ဆိုရင် ပြန်မှာ နင်မလာရင် နင်နဲ့ငါအပြတ်ပဲ…”
            သူမဘာကြောင့်ခုလို နွဲ့ဆိုးဆိုးသလဲတော့ ကျွန်တော်မသိ။ ဘာကြောင့်ဒီလိုရစ်ရသလဲ မတွေးတတ်။ နားမလည် ရန်ကောဟုလည်းအပြစ်မဆိုလိုသည့်အတွက် အထုပ်အပိုးများကို အုတ်ကျင်းရှိ အသိတစ်ယောက်အိမ်တွင်ထားခဲ့ပြီး ကန်ဘောင်သို့ အပြေးအလွှားရောက်ခဲ့သည်။ အင်းယားကန်ဘောင်ကိုရောက်တော့ သူမဆီဖုန်းခေါ်သည်။
            “ချစ်.. မောင်အခု ဈေးဆိုင်တန်းတွေဖက်လာနေတယ်.. ချစ်ဘယ်နားမှာလဲ…”
            “သြော် ရောက်ပြီလား..ခဏ …”
            သူမ ဝိုင်းမှထ၍ ဖုန်းထဆက်သည်ဟု နားလည်လိုက်သည်။ စက္ကန့် ၂၀ လောက်ကြာမှ …
            “မောင် ချစ်ထွက်လာခဲ့မယ်..။ မောင်ဝင်မလာနဲ့နော်.. ဒီမှာ စီနီယာတွေပါလို့ မကောင်းဘူးလေ…နော်.. အဲဒီနား ကပဲ စောင့် ချစ်အခုထွက်လာနေပြီ…”
            သူမရောက်လာတော့ သူမနှင့် ကန်ဘောင်ပေါ်က မြက်ခင်းပြင်ပေါ်မှာထိုင်၍ စကားပြောကြသည်။ သူမနှုတ်ခမ်းမှ ထူးထူးခြားခြားရနံ့တစ်မျိုးရသည်။ ဘာရနံ့လည်းဆိုတာတော့ မဝေခွဲမိ..။ သူမက ကျွန်တော့်ပခုံးပေါ်မှာ မှီနွဲ့နေသည်။
            ငါးမိနစ်လောက်ကြာတော့ သူမက စကားစဖြတ်သည်..။
            “စီနီယာတွေစောင့်နေတယ်.. ချစ်ပြန်တော့မယ်နော်….”
            လူတွေရှုပ်နေသည့်ကြားမှ သူမက ကျွန်တော့်ပါးကိုလှစ်ကနဲ နမ်းသည်..။
            “လာ မောင် ချစ်အောက်လိုက်ပို့ပေးမယ်…”
            “ရတယ်ချစ်.. မောင့်ဖာသာကားတားစီးသွားလိုက်ပါ့မယ်… ချစ်မလိုက်နဲ့တော့နော်…”
            “ဟုတ်ကဲ့မောင်… ညကျရင် ဖုန်းဆက်လိုက်နော်… တာ့တာ”
            သူမက နှုတ်ဆက်ပြီး ဈေးဆိုင်တန်းတွေဖက် ပြန်ထွက်သွားသည်။ အင်းယားကန်ဘောင်လှေကားထစ်တွေကနေ ပြည်လမ်းမဖက်ဆင်းလာခဲ့ပြီး သူမဖက်ကို အမှတ်မထင်ပြန်လှည့်ကြည့်တော့ သူမ၏ ကျောပြင်ကို မြင်နေရတုန်းဖြစ်သည်။ ပြန်တက်သွားရင်ကောင်းမလားဟုတွေးမိလိုက်ပြီးမှ ဆုံးဖြတ်ချက်ကို ပြင်လိုက်သည်။ တက္ကစီတစ်စီးလာရပ်သည်နှင့် ကားပေါ်တက်ပြီး အသိအိမ်ဖက်ပြန်မောင်းခိုင်းလိုက်သည်။ အရက်၊ ယမကာ မသောက်သုံးသည်မှာ ကြာမြင့်လှပြီဖြစ်သော် လည်း သူမနှုတ်ခမ်းက ခပ်သင်းသင်းရနေသော ရနံ့က Spy Wine ရနံ့ကလေးဆိုတာကိုတော့ သတိရဖြစ်အောင် ရလိုက်သေးသည်။ သူက ဘာကြောင့်သောက်သလဲ၊ ဘယ်သူနဲ့သောက်သလဲဆိုတာ မစဉ်းစားမိ..။ ကျန်ရစ်ခဲ့သော ကန်ဘောင်ဖက်ကို ပြန်ငေးကြည့်တော့ အရိပ်အယောင်ပင်မမြင်ရတော့…။ ခုဆို သူမ စီနီယာတွေနဲ့ ပြန်တွေ့နေမှာပဲ..။
            ကျွန်တော်သူမကို အမှန်တကယ်ပင် ယုံကြည်ခဲ့ပါသည်။
------------------------------------------------------------
            ဒီတစ်ခါရန်ကုန်ခရီးစဉ်ကတော့ ကျွန်တော့်အတွက် အတော်စိတ်ကျေနပ်စရာကောင်းသည်။ အလုပ်ကို ဖိဖိစီးစီး လုပ်လျှင် လေးငါးရက်ဖြင့် ပြတ်နိုင်သောအလုပ်ကို ၁၁ ရက်အချိန်ပေး၍ ကျွန်တော့်ကို အခွင့်အရေးပေးခဲ့ခြင်းဖြစ်သည်။ တကယ့်တကယ်လည်း လေးရက်မြောက်နေ့တွင် အလုပ်ပြီးစီးလုနီးပါးဖြစ်သွားသည်။ သူမနှင့်တော့ တစ်ရက်မှ မတွေ့ရသေး။ နောက်ဆုံးအလုပ်ဖြတ်ဖို့ သီလဝါကို ရန်ကုန်ရုံးက အုပ်ချုပ်သူနှင့်လိုက်သွားရမည့်အချိန်တွင် သူမက ကျွန်တော့်ကို ချိန်းဆိုသည်။ ကျွန်တော်က အခြေအနေအကြောင်းစုံကိုပြောပြ၍ နောက်ရက်မှ တွေ့ဆုံရန်ချိန်းဆိုတော့ သူမက မအားလပ်ကြောင်းဆိုသည်။
            သူမစိတ်ကောက်သွားကြောင်း ကျွန်တော်သိလိုက်ပါသည်။
            နောက်ရက်တွေမှာ ကျွန်တော်ဖုန်းဆက်တော့ သူမက အကြောင်းမျိုးစုံပြကာ အတွေ့မခံ။ သည်လိုနှင့်ပင် ၁ဝ ရက်မြောက်နေ့မှာ ကျွန်တော်သူ့ဆီအကြောင်းဆိုရတော့သည်။
            “ချစ်ရေ.. မနက်ဖြန် Off day ဆိုရင် မောင်နဲ့တွေ့ရအောင်…”
            “ငါမအားဘူး.။ မနက်ဖြန် စီနီယာတွေနဲ့ ရုပ်ရှင်ကြည့်ဖို့ ချိန်းထားတယ်…”
            ရင်ထဲမှာ နင့်ကနဲ ဖြစ်သွားသည်။ သူမစိတ်ဆိုးလျှင် နင်နဲ့ငါနဲ့ ပြောတတ်သည်ကမထူးဆန်း။ ထူးဆန်းသည်က ရုပ်ရှင်က ကျွန်တော့်ထက် အရေးကြီးပါသလား..။ သူ့ရုံးကစီနီယာများကရော ချစ်သူရည်းစားမရှိကြဘူးလား.။ ဒီလောက် ကလေးတောင် ပြောခွင့်မရဘူးလား..။
            “ချစ်ရာ မောင်က မနက်ဖြန်ဆို ပြန်တော့မှာလေ..။ ချစ်နဲ့ တစ်ခါမှ မတွေ့ရသေးဘူး..”
            “ငါချိန်းသားပဲ.. နင်မအားတာလေ..။ အေး.. ဒီမှာ ငါအလုပ်ရှုပ်နေတယ်.. နောက်မှ ပြန်ဆက်လိုက်မယ်…”
            ပြန်မဆက်မှာမှန်းသိပါလျက်နှင့် ကျွန်တော် မည်သို့မျှမဆိုသာခဲ့။ သူမ ဟိုတစ်နေ့က ကိစ္စအတွက် ကျွန်တော့်ကို စိတ်ဆိုး နေသည်မှာသေချာသည်။ ထိုမျှလောက်စိတ်မဆိုးသင့်ဘူးဟုတော့ ထင်မိသည်။
            ညရောက်တော့ ကျွန်တော်သူမကို ဖုန်းဆက်၍ တောင်းပန်ရသည်။ အချိန်တော်တော်ကြာကြာ တောင်းပန်မှ သူမက မနက်ဖြန်နေ့ခင်းပိုင်းတွေ့ရန်သဘောတူလိုက်သည်..။
            ၈ မိုင်က YKKO မှာ ကျွန်တော်တို့ နေ့လည်စာစားကြသည်။ နေ့လည်စာစားရင်းပင် ကျွန်တော့်ထံဖုန်းဝင်လာ သည်။ ရန်ကုန်ရုံးမှာ အစ်ကိုတစ်ဦးမို့ ကျွန်တော်ဖုန်းကိုင်လိုက်သည်။ စားပွဲမှထ၍ ဖုန်းခဏထပြောပြီး ပြန်ထိုင်သည်။
            “ဘယ်ကဖုန်းလဲ…”
            “ကိုမြတ်ယုဆီကပါ..။ မောင်တို့ ရုံးက..။ ရန်ကုန်ကလူကြီးက ညနေ ၇ နာရီ Meeting တက်ဖို့ လှမ်းပြောခိုင်းလို့ တဲ့…”
            “ငါ့ကို ဖုန်းပေး..”
            သူမက ကျွန်တော့်ဖုန်းကို လှမ်းယူလိုက်ပြီး Call Log တွေထဲ ဝင်ရှာသည်။ ဖုန်း Call list ထဲမှာ သူမသဘောမကျ သောအမျိုးသမီးတစ်ဦး၏ အမည်ကိုတွေ့သွားသည်။ သူမပြုံးလိုက်သည်။
            ကျွန်တော့်မှာ မိတ်ဆွေရင်းကဲ့သို့ခင်မင်ရင်းနှီးသော အနုပညာနယ်ပယ်မှ အမျိုးသမီးများ၊ မောင်နှမကဲ့သို့ချစ်ခင် သောမိန်းကလေးများရှိသည်။ အချို့သူများကို သူမက မနှစ်သက်။ ကျွန်တော်ကလည်း အကြောင်းမရှိဘဲ.. ထိုသူများနှင့် အဆက်အသွယ်ဖြတ်ဖို့ မစဉ်းစားထား။ သူမကိုလိမ်သည်မဟုတ်သော်လည်း ဖုံးကွယ်ထားခဲ့သည်။ ရန်ကုန်ရောက်တိုင်း လည်း ထိုသူများနှင့်သွားမတွေ့ဖြစ်.။ မိမိအလုပ်ကိစ္စဖြင့်ရောက်နေကြောင်းသာ လှမ်းအသိပေးပြီး သွားမတွေ့ဖြစ်သည်က များသည်။ ထိုသို့အသိပေးထားသော ဖုန်းတစ်လုံးကို သူမတွေ့သွားခြင်းဖြစ်သည်။ သေချာသည်က သူမ၏ အပြုံးက ရင်ခုန်ညွတ်နူးဖွယ်ချစ်သူတစ်ယောက်၏ အပြုံးမဟုတ်သည်ကားသေချာလှသည်…။ ထိုအပြုံးကား အောင်နိုင်သူတို့၏ အပြုံး၊ ကျေနပ်သူတို့၏ ခပ်ထေ့ထေ့အပြုံးမျိုးပင်ဖြစ်သည်..။
            ထို့နေက အဲဒီကိစ္စအပြီး သူမကျွန်တော့်ကို စကားမပြောတော့..။ လမ်းခွဲပြီးပြန်သွားသည်..။ ကျွန်တော် နေပြည်တော်ပြန် ရောက်ပြီး ၂ လလောက်အကြာမှာ သူမ နေပြည်တော်ရောက်လာသည်..။ မည်သူနှင့် တွေ့ဆုံသည်၊ မည်သည့်ကိစ္စနှင့်တွေ့ဆုံသည် ဆိုသည်ကိုကား ကျွန်တော်မသိရ.။ ကျွန်တော့်ကိုလည်း အသိမပေး.။ သူမနှင့်လည်း ရန်ကုန်မှာနောက်ဆုံးတွေ့ပြီးကတည်းက သူမဘက်မှ တစ်ဖက်သတ် အဆက်အသွယ်ဖြတ်နေခဲ့သည်.။ ကျွန်တော့် ကိုလည်း ဖုန်းမဆက်..။ ကျွန်တော့်ဖုန်းကိုလည်း မကိုင်တော့.။ အသိတစ်ယောက်၏ သတင်းပေးချက်အရ သူမ ရန်ကုန် ပြန်မည့် ညနေစောင်းက ကျွန်တော်သူမနှင့်တွေ့ဆုံရန် ရန်ကုန်-မန္တလေးကားလမ်းဘေးတွင် သူမတို့ကားကို စောင့်နေခဲ့သည်…။ သို့သော် သူမပေါ်မလာခဲ့..။ စင်စစ်သူမသည် ကျွန်တော့်အား လှည့်စား၍ နောက်ရက်မနက်မှသာ ရန်ကုန်သို့ ပြန်သွားခြင်းဖြစ်ကြောင်း ကျွန်တော်နောက်မှ သိခဲ့ရသည်။
            ထိုအချိန်များက ကျွန်တော် ရူးမတတ်ဖြစ်ခဲ့သည်..။ ရူးခဲ့သည်ပေါ့…။ ထပ်မံဆက်သွယ်ဖို့ ကြိုးစားတော့လည်း အဆက်အသွယ်မရတော့..။ နှစ်ဦးစလုံးနှင့်ခင်မင်သည့် မိတ်ဆွေများက ကျွန်တော့်ကိုတားလာကြသည်..။
            “ဆက်မကြိုးစားနဲ့တော့အစ်ကို.. သူက အစ်ကိုနဲ့ ပြတ်ပြီးကတည်းက များလှပြီ…။ ကျွန်တော် အများကြီး မပြောချင်ဘူး…”
            “များလှပြီ” ဆိုသော အဓိပ္ပာယ်ကို ကျွန်တော်ပြည့်ပြည့်ဝဝပင်နားလည်လိုက်ပါသည်…။ ကျွန်တော်ကတော့ ကျွန်တော်နှင့် တက္ကသိုလ်ကျောင်းသားဘဝက အတူတူတက်ခဲ့သည့် ညီငယ်တစ်ဦးနှင့် သူမတို့၏ ဇာတ်လမ်းကို တိတိကျကျ သိရသည့်အချိန်မတိုင်ခင်အထိ..သူမကို စိတ်ရောကိုယ်ပါ နှစ်မြုပ်၍ ယုံကြည်ကိုးစားခဲ့ပါသည်…။ သို့သော်…။
----------------------------------------------------------------------------------
ကျွန်တော် အခန်းသော့ကို ဖွင့်လိုက်သည်..။ ချောက်ကနဲ မြည်ကာ ပွင့်သွားသည်..။ ကျွန်တော် ပြုံးလိုက်သည်.။ ကျွန်တော် ကံကောင်းသည်ဟု တွေးလိုက်မိခြင်းမဟုတ်..။ သည်သော့ခလောက်လေးဟာ သော့နှစ်ချောင်းစလုံးနှင့် ပွင့်နေတာ တစ်လလောက်ရှိပြီဖြစ်သည်။ သည်သော့ခလောက်လေးဟာ ဤသော့နှစ်ချောင်းသာမက သည်သော့တံပုံစံမျိုးစုံနှင့် ဖွင့်တိုင်းပွင့် နေသည်ကိုလည်း ကျွန်တော်သိသည်..။ သို့သော် ကျွန်တော်ဖွင့်မကြည့်..။ သည်သော့ကလေး ပျက်နေသည် ဆိုသည် ကတော့ ပြောရန်မလိုတော့..။ သည်သော့ကိုလဲပစ်ရမည်ဟုတော့ တွေးထားသည်။ သို့သော် အကောင်အထည် မဖော် ဖြစ်သေး။ ထုံးစံအတိုင်း အလုပ်ရှုပ်နေတတ်သူမို့ အခြားအရေးကြီးကိစ္စများကရှိနေသေးသည်.။ သော့ခလောက် ကလေး ပွင့်သွားသည့် ချောက်ကနဲ အသံကလေးကို ကြားတိုင်း ကျွန်တော့်နားထဲမှာ မကြားခဲ့ရသည်မှာ တစ်နှစ်ကျော် နေပြီဖြစ်သော  "မောင်" ဟုသာ ကြား နေမိတော့သည်။

~မိုးသက်ဦးလွင်~
(၂၀၁၆ခုနှစ်၊ ဖေဖော်ဝါရီလ၊ Closer မဂ္ဂဇင်း)




Wednesday, January 13, 2016

အဖြူ...


ချောင်းဟန့်လိုက်ရုံနဲ့ ထွက်ကျမသွားပါဘူး…
အဖြူဟာ တစ်သီးတစ်သန့်
ကျစ်ကျစ်ပါအောင်ဆုပ်ထားတဲ့ လက်ကိုင်ရိုးတစ်ခု
အဲဒီသင်္ခါရထဲမှာ ကိုယ်ငြိတွယ်ကောင်းပါရဲ့လား
အဖြူဟာ ငြိမ်းချမ်းရေးနဲ့ ဗလာနယ်ဖြစ်တယ်
အဖြူဟာ ညီမလေးနဲ့ ခန်းဂျိစာလုံးများဖြစ်တယ်
အဖြူဟာ ဒဂုံစင်တာမှာစပြီး ၁၉ လမ်းမှာဆုံးတဲ့ ရွက်ဆုတ်ပြက္ခဒိန်တစ်စောင်ဖြစ်တယ်
အဖြူသက်သက်…။

အဖြူဟာ သူ့ချည်းသက်သက်လည်း ဖြူနိုင်လွန်းရဲ့
အဖြူဟာ ညီမလေးမွှေလိုက်တဲ့ Choco milk-shake လေးထဲပျော်ဝင်သွားတယ်...
သူပေးတဲ့စာအုပ်လေးထဲ ညှပ်ညှပ်သိမ်းထားတဲ့အလွမ်းများ
သူ့နှုတ်ခမ်းပါးလေးက တည်တည်ငြိမ်ငြိမ် အချစ်မဲ့စကားများ
သူ့ဆံပင်ရှည်လေးများကြားက အပြစ်မဲ့ ရနံ့ဖြူဖြူလေးများ
အဲ့သလို ဝိုးတဝါးပညတ်ချက်အချို့နဲ့ပဲ ကိုယ်ဟာ ကျေနပ်တတ်ဖူးပြီ
အဖြူဟာ အဖြူသက်သက်နဲ့တင်လှိုက်လှိုက်လဲလဲ ရက်စက်တတ်ရဲ့
ကိုယ့်ဖက်ကို လှည့်မကြည့်ပုံများ
မနက်မနက်ကျတဲ့ နှင်းမှုန်ကတောင် ခပ်ဖျော့ဖျော့သာ ဖြူသတဲ့..
ညီမလေးရယ်...
(ဖြစ်ပုံများကတော့)
ဘယ်လောက်ပူပူ
အဲဒီသောကဖြူဖြူလေးတွေပဲ မလွတ်တမ်းဖက်တွယ်ထားဆဲ
အဲဒီရက်စွဲကလေး ကိုယ့်ရင်ကို နောက်တစ်ကြိမ်အားပြင်းပြင်းဝင်ဆောင့်တဲ့အထိ...

နာမကျန်းနှစ်သစ်ကူးရင်ခုန်သံဟာ အဖြူကိုငတ်မွတ်တယ်
ငါ့ရင်ဟာ ပူလောင်ခြင်းကို စည်သွယ်ဘူးလိုဖိသိပ်ထိုးထည့်လို့
အဖြူရဲ့မုန်းတီးမှုလေးကိုပဲ နာနာကျင်ကျင်ချစ်ဖူးခဲ့
ပျဉ်ဖိုးသိသိနဲ့အခါခါသေဖူးခဲ့
အတိတ်ကိုနဖူးမှာတင်းတင်းစည်းလို့အိပ်ရာဝင်ဖူးခဲ့
အဖြူရဲ့အပြုံးဖြူဖြူလေးအကြောင်း စာရွက်ဖြူဖြူပေါ်မှာ အကိုးအကားမဲ့ အခါခါချရေးဖူးခဲ့…
ဝမ်း...နည်း...ပက်…လက်…။

~မိုးသက်ဦးလွင်~



Sunday, December 27, 2015

ကိုယ့်အာရုံဟာ မြို့ကြီးပြကြီးမဆန်ဘူး၊ ရွက်ကြွေကလေးရဲ့ ခိုးခိုးခစ်ခစ်ရယ်သံနဲ့အတူ


လွင့်ပါးတာချင်းအတူတူ
ငါ့မှာသာ လူလူသူသူ အကျမတော်ခဲ့..
ရွက်ကြွေကလေးရယ်...
လေတိုက်တဲ့အခိုက်မှာတောင်
ကိုယ့်မှာ အဆန်ခရီးကို ဖြစ်လို့...
အရာရာတိုင်းကို ညည်းတွားခဲ့ရလေတယ်..။

ဂယောင်ခြောက်ခြားညနက်တွေမှာ
ကိုယ်ဟာ ကိုယ့်အရိပ်ကိုယ် ခေါင်းအုံးအိပ်လို့...
အိပ်မှုံစုံမွှားမနက်တွေမှာ
ကိုယ်ဟာ ကိုယ့်မျက်ရည်နဲ့ကိုယ် မျက်နှာသစ်လို့..
ဘာရယ်ညာရယ်မဟုတ်...
ဖြစ်မှုပျက်မှုတွေကို
ဖြစ်တတ်ကြောင်းပျက်တတ်ကြောင်း နားလည်ခဲ့ရုံပါပဲ...။

သန်းခေါင်သန်းလွဲအိပ်မက်ဟာ ကိုယ့်ခေါင်းပေါ်တည့်တည့်ကျတယ်...
အဲဒီဇာတ်လမ်းမှာ မအိမ်ကံမရှိဘူး၊ မင်းလူမရှိဘူး၊ နွေဦးကံ့ကော်မရှိဘူး...
သူက သီချင်းကြိုက်ပေမယ့် ဂစ်တာသံမခံနိုင်တဲ့သူ...
ကိုယ်က ဝတ္ထုဖတ်ပေမယ့် ဇာတ်ပေါင်းခန်းမကြိုက်သူ...
တူတာချင်းစပ်ဆက်ရင်တော့
လွဲနေတာချင်းတော့ ကိုယ်တို့တူခဲ့ကြပါတယ်...။

ရွက်ကြွေကလေးရေ...
မင်းဟာအကြွေလှသလို အကျလည်းတော်သကွယ့်...
ငါကတော့ အကြွေပြင်းသလို အဆင်းလည်းချာသကွယ့်...
သံသရာဟာလည်ရိုးမှန်ရင်...
ရွက်ကြွေကလေးရဲ့ အနားတစ်လျှောက်
ပွတ်တိုက်လွင့်ပါးမယ့် သဲကလေးတစ်ပွင့်လောက်
ဖြစ်စေဖို့ဆုတောင်းမိပါရဲ့...။
ဆောင်းဦးမို့ကြွေရင်လည်း
မင်းပျော်ပါစေ...
နွေဦးမို့ကြွေရင်လည်း
မင်းပျော်ပါစေ...
မင်းသာ ပျော်ပါစေလေ...။

~မိုးသက်ဦးလွင်~

 ၂၇-၁၂-၂၀၁၅



Wednesday, October 28, 2015

ဟိုတုန်းက တို့တွေအလွန်ချစ်သည်..


ညွှန်း==> ဘလော့ဂါများအားလုံး ဖဘမှာ အကြောင်းအမျိုးမျိုးကြောင့် ငြင်းကြခုန်ကြရင်း မခေါ်နိုင် မပြောနိုင်ဖြစ်ကုန်တဲ့ မိတ်ဆွေတွေ တွေ့ရတိုင်း အရင်တစ်ချိန်က ဘဝတွေကို ပြန်သတိရမိတယ်။ မခေါ်နိုင်မပြောနိုင် ဖြစ်တဲ့ထဲမယ် ကိုယ်တို့မပါပေမယ့် ခုနောက်ပိုင်း အဲဒီလိုတွေ များလာကြတယ်။ ကျနော်ကိုယ့်ကိုယ်ကို စာရေးသူတစ်ယောက်လို့ မသတ်မှတ်ပါ။ ဒါပေမယ့် Blogger တစ်ယောက်လို့တော့ သတ်မှတ်ထားမိတယ်။ ဘလော့တောင် ခေတ်သုန်းခါနီး ၂၀၁၀ လောက်မှ ရေးခဲ့တာဆိုတော့ ကိုယ့်စီနီယာတွေက အများစုပါ။ ကိုယ့်ထက် နောက်မှ ရေးတဲ့သူ တော်တော်နည်းသွားပြီ။
အဲဒီတုန်းက အွန်လိုင်းဟာ တော်တော်ပျော်စရာကောင်းခဲ့တယ်။ ဘလော့လုပ်ဖို့ အကြံပေးတာက မဂျက်(စံပယ်ချိုဘလော့) နဲ့ ချောကလက်ကျူးပစ်လေးဘလော့က ညီလေးရဲကိုပါ။ စရေးဖြစ်တဲ့အချိန်ကတည်းက ရသဘလော့ဂါတွေ သိပ်စည်းလုံးကြတယ်။ တစ်ယောက်နဲ့ တစ်ယောက်လည်း အရမ်းချစ်ကြတယ်။ Facebook ဆိုတာ သုံးတော့ သုံးနေကြပေမယ့် တွင်တွင်ကျယ်ကျယ် အခုလို Multipurpose ရည်ရွယ်ချက် ပေါင်းစုံနဲ့ သုံးနေကြတဲ့ခေတ်မဟုတ်ဘူးလေ။ အဲဒီတုန်းက မကန်ဒီ၊ မမိစံ၊ မပစ်၊ သူကြီးမင်း၊ နွေလ၊ အစ်မမဒမ်ကိုးတို့လင်မယား၊ မဂျက်နဲ့ ကိုလွင်ပြင်တို့လင်မယား၊ မကျူတီ၊ အန်တီတင့်၊ ကိုမောင်တစ်လုံး၊ ကိုမောင်နှစ်လုံး။ ဦးအိကု၊ ဘုန်းဘုန်းတောက်၊ မခင်ဦးမေ၊ မချော(အစိမ်းရောင်လွင်ပြင်)၊ ကိုအလင်းသစ်၊ သူငယ်ချင်း နေမင်းဇွဲမာန်၊ ကိုရင်ဆူး၊ အစ်မ မြတ်ကြည်၊ အစ်မစနိုး၊ မမိုးငွေ့၊ ကိုမိုးဇက်၊ လက်ဝဲ၊ မချစ်စံအိမ်၊ သူငယ်ချင်း ဇင်လေး တို့ အုပ်စုကြီးတော်တော်တောင့်ခဲ့တယ်။ တစ်ယောက်နဲ့ တစ်ယောက်လည်း သံယောဇဉ်တော်တော်ရှိခဲ့ကြတယ်..။
ကျနော်နေမကောင်းရင်လည်း မကျူတီတို့၊ အစ်မမဒမ်ကိုးတို့ ၊ မပစ်တို့ တကူးတက ဖုန်းတွေဆက်ပြီး အားပေးခဲ့ကြတယ်..။ ရုရှားမှာတုန်းက အစ်မကျူတီ မုန့်ဟင်းခါးထုပ်တွေရယ်၊ အကြော်ထုပ်တွေရယ် ပို့ပေးတုန်းက မျက်ရည်ကျတဲ့အထိ ဝမ်းသာ ကြည်နူးဖူးတယ်။ အဲဒီလိုပဲ အစ်မကျူတီ ပျောက်သွားတုန်းကလည်း နီးစပ်ရာတွေနဲ့ ရအောင်ဆက်သွယ်ပြီး တကူးတက အိုဗာဆီ ကောလ်တွေ ခေါ် မရရအောင် ဆက်သွယ်ပြီး အားပေးခဲ့ကြရဖူးတယ်..။
အဲဒီတုန်းက အတုအယောင်ခံစားချက်တွေမရှိဘူး.။ စိတ်ထဲမှာ တကယ်ကို ကိုယ့်ဆွေမျိုးတွေ၊ ကိုယ့်မောင်နှမ အရင်းတွေလိုပဲ ထင်နေခဲ့မိတာ။ အစ်မမဒမ်ကိုး နဲ့ စတွေ့တော့ မန်းလေးမှာ အစ်မတို့လင်မယားလာလည်တယ်။ စတွေ့တွေ့ချင်းကတည်းက အကြာကြီး အပြင်မှာ ရင်းနှီးလာသလို ကိုယ့်အစ်မလို၊ ကိုယ့်အစ်ကိုလို ခံစားရပြီး ပျော်ခဲ့တယ်။ ရန်ကုန်မှာ ကိုရင်ဆူးတို့ လင်မယားနဲ့တွေ့တော့လည်း အဲဒီလိုပဲ။ ဇင်လေးနဲ့ အန်တီတင့်ကို သွားတွေ့တော့လည်း ကိုယ့်အမေကို ပြန်တွေ့ရသလို ဝမ်းသာမိတယ်။ အစ်မမဒမ်ကိုးဆိုင်မှာ အစ်မမြတ်ကြည်နဲ့ တွေ့တော့ အိပ်ရာက နိုးလာခါစ အပြင်မှာ တစ်ခါမှ မတွေ့ဖူးပဲနဲ့.. အစ်မကို မြင်တော့ "ဟာ အစ်မမြတ်ကြည် ကြီး " ဆိုပြီး တော်တော် ပျော်သွားတာ။
ကျနော်၂၀၁၄ မှာပဲ ပြန်လာတယ်။ ခေတ်ပြောင်းစနစ်ပြောင်းမှာ ဘလော့ဂါ မောင်နှမတွေ တော်တော်များများ ပြည်တော်ပြန်ဝင်လာကြတယ်။ အပြင်မှာလည်း တော်တော် များများနဲ့ ဆုံဖြစ်လိုက်တယ်။
ခေတ်ကလည်းပြောင်းသွားတယ်။ ဘလော့ဂါတွေလည်း Blogging သိပ်မလုပ်ကြတော့ဘူး။ အင်တာနက်လိုင်းမကောင်းတာ နောက် မြန်မာပြည်မှာ Stress ပိုများတာ၊ နောက်တစ်ခုက ဒီ Facebook ကြီး အရမ်းတွင်ကျယ်လာတာကြောင့်လည်း ပါတယ်။ ဘလော့ကို သစ္စာရှိတာ မကန်ဒီတို့၊ တီတင့်တို့ပဲရှိတော့တယ်။
တကယ်ကြီး ရင်ထဲက ပြောရရင် အားလုံးနဲ့ ဆုံချင်မိတယ်။ မကန်ဒီတို့ မိစံ တို့ မပစ်တို့ မကျူတီ တို့နဲ့ မဆုံဖြစ်သေးဘူး.။ မကန်ဒီဆို ခဏခဏဆူတယ်။ မိစံက စကားတတ်တယ်။ သွားယှဉ်ပြောလို့မရဘူး..။ မပစ်ကတော့ သူစိတ်ညစ်တိုင်း သူ့အကြောင်းတွေ ရင်ဖွင့်တတ်တယ်။ မကျူတီကတော့ စိတ်ညစ်လည်း တိတ်တိတ်ညစ်တယ်။ သူကတော့ ကြောက်ရတယ်။ ရင်ဖွင့်လေ့မရှိတော့ ပိုဆိုးတယ်။ ခဏခဏ စိတ်ပူရတယ်..။
ခေါင်းစဉ်ကိုတော့ ဟိုတုန်းက တို့တွေ အလွန်ချစ်သည် လို့ ရေးထားတယ်။ ဒါပေမယ့် ခုထိလည်း ချစ်နေတုန်းပါပဲ။ နေရာတွေ ဝေးနေပေမယ့် စိတ်ချင်း ရင်ဘတ်ချင်းတော့ နီးနေတုန်းပါပဲ လို့..။

အားလုံးကို လွမ်းနေတဲ့...
မောင်ငယ်
ငမိုး



Tuesday, October 27, 2015

ခုတလော (၇)

(၁)
လောလောလတ်လတ် စိတ်ထဲမှာ Stress နည်းနည်းများနေတယ်လို့ထင်တယ်။ သူငယ်ချင်းတွေနဲ့ စာအုပ်တစ်အုပ်စီစဉ်ထားသေးတယ်။ အဲဒါက အကြွေးတစ်ပုဒ်ကျန်သေးတယ်။ လကခမဂ္ဂဇင်းကို ဗျာ ၁၊ ထု ၁ ၊ ဆောင်း ၁၊ စာမူပို့ထားသေးတယ်။ အရင်ကလောက် စိတ်ညစ်စရာ သိပ်မရှိဘူး။ သူ့ Flow လေးနဲ့သူ သွားနေတုန်းပဲ။ သီချင်းလည်း မဆိုချင်ဘူး.။ စာရေးဖို့လည်း အတွေးမပေါက်ဘူး။ "ငြိမ်း" ဆက်ဆွဲမလို့ဟာကို စိတ်ပေါက်စရာတွေ မြင်မြင်လာတော့ အီမိုးရှင်းနောက် စာရေးချင်စိတ်က ညပ်ပါသွားတာတွေများတယ်။ ခုတလော ဘာသာရေးရော၊ နိုင်ငံရေးရော အရင်က မရေးဖြစ်တာတွေပါ ရေးဖြစ်နေတယ်။ မထင်မှတ်ဘဲ ဒီနေ့ တရားတစ်ပုဒ် နာရတယ်။ တစ်ခုခုဆီကို အပြေးနှင်တော့မယ် ကိုယ့်စိတ်ကိုယ် ဘရိတ်အုပ်လိုက်သလိုခံစားရတယ်။ ကိုးကွယ်ရာ ဘာသာနဲ့ ပတ်သတ်လို့ ကိုယ့်ကိုယ်ကို ပြန်ဆန်းစစ်ရပါဦးမယ်။
(၂)
ဟိုးတစ်နေ့က နေပြည်တော် Junction မှာ "ကောင်းကျိုးကိုယ်၌တည်စေမင်း" သွားကြည့်တယ်။ လူတော်တော်ပါးတယ်။ အယောက် နှစ်ဆယ် အစိတ် အလွန်ဆုံးပဲ။ ရုပ်ရှင်မစခင် နိုင်ငံတော်သီချင်းဖွင့်တော့ တစ်ရုံလုံးမတ်တတ်ရပ်ကြပေမယ့် တတိယတန်း မှာ အဖော်မပါ ဘာမပါ တစ်ယောက်တည်း ဒူးထောင်ပေါင်ကားထိုင်နေတဲ့ ဆံပင်အညိုနဲ့ မမလေးတစ်ယောက်က ခပ်တည်တည်ပဲ။ မတ်တတ်ရပ်တဲ့သူတွေကိုတောင် လှည့်ကြည့် လိုက်သေးတယ်။ ပြီးတော့ ဆက်ထိုင်နေတယ်။ အတူပါလာတဲ့ သူငယ်ချင်းက "ငါကွာ ရေသန့်ဘူးနဲ့ ထုချင်တာ လက်ကိုယားနေတာပဲ" တဲ့။ အဲဒီလို မြင်ရတော့ စိတ်ထဲမယ် မကောင်းဘူး.။ လက်ရှိအစိုးရကို ဆန့်ကျင်နေရင်တောင် နိုင်ငံတော်သီချင်းကိုတော့ အလေးထားသင့်တယ်၊ ရိုသေသင့်တယ်လို့ ထင်တာပဲ။ မရှိတာထက် မသိတာခက် ဆိုတာမျိုးဖြစ်နေတယ်။ နောက် ရုပ်ရှင်က ကြည့်နေရင်း တစ်ဝက်လောက်မှာ ဆလိုက်ထိုးထားတာ ရပ်သွားပြီး ပိတ်ကားမှာ ဘာမှ မပေါ်တော့ဘူး။ ဘယ်သူမှလည်း ထ မပြောကြဘူး။ ဘာဖြစ်တာလဲ ဘာညာ ပွစိပွစိနဲ့ အမှောင်ထဲမှာ မဆိုင်သလိုထိုင်နေကြတယ်။ ကိုယ်ကပဲ မနေနိုင်တာနဲ့ ငပွလုပ်ပြီး ရုံရှေ့က ကောင်မလေး သွားခေါ်မှ ပြာယီးပြာယာ လူခေါ်ပြီးလုပ်ပေးမှ ပြန်ကောင်းသွားတယ်။ မှတ်မှတ်ရရ အဲဒီနေ့ကတော့ စံပဲ။ ခုံက ၅၊၆၊၇၊၈ လေးခုံ။ လူမလာခင်က ၄၊၅၊၆၊၇ မှာထိုင်နေတာ။ ကျနော်က ၅ မှာ။ လူလာတော့ ၄ က သူငယ်ချင်းက ၈ ကိုရွှေ့ပေးတယ်။ စောစောက သူ့ပေါင်ပေါ်မှာ အမှိုက်ထုပ်တင်ထားပြီး နေကြာစေ့အမှိုက်တွေ ကျနော်က သူ့အိတ်ထဲ ထည့်နေတာ။ နောက် သူပြောင်းသွားတာကို သတိမထားမိလိုက်ပဲ။ ဘေးနားက အတွဲနဲ့လာတဲ့ အစ်ကိုတစ်ယောက်ရဲ့ ပေါင်ပေါ်က အထုပ်ထဲကို စားထားတဲ့ နေကြာစေ့အခွံတွေ ထည့်ထည့်နေတာ။(အမှိုက်ထုပ်ရောဟုတ်ရဲ့လားမသိဘူး)။ ဟိုလူကလည်းကျနော့်ကို အားနာလို့လားမသိဘူး။ ဘာမှ မပြောဘူး။ နောက် ရေငတ်လာလို့ ရေဘူး လှမ်းတောင်းမှ ကိုယ့်လူမဟုတ်မှန်းသိတယ်။ အဲဒီကျမှ အားနာလိုက်ရသေးတယ်။
(၃)
တလောက အင်းလေးသွားတယ်။ ပထမဆုံးအကြိမ်ရောက်ဖူးတာပါ။ ဗင်းနစ်လို လှေတွေနဲ့ သွားတာ သိပ်သဘောကျနေတာ။ ရေလမ်းတွေခွဲထားတာ ဘာဘာညာညာပေါ့။ တော်တော်လေးသဘောကျနေပေမယ့် တစ်ခုပဲ။ ဖောင်တော်ဦး ဘုရားမှာ ခိုစာရောင်းတဲ့ အမယ်အိုကြီးတွေ တော်တော်လေးကို ရုပ်ပျက်တယ်။ အကျီင်္ကို ဆွဲတယ်။ သွားမယ့်လမ်းကို ပိတ်တယ်။ ငိုမတတ်၊ ခြေထောက်ဖက်မတတ် တောင်းပန်ပြီးတော့ ကိုရောင်းတယ်။ ကိုယ်ချင်းစာပါတယ်။ ဒါပေမယ့် သိပ်တရားလွန်လာတော့ ဘာဆက်လုပ်ရမလဲမသိဘူး။ အော်လည်း မအော်ရက်ဘူး။ ပါလာတဲ့ သူငယ်ချင်း ငြိမ်းဇော်ဦးက "ခင်ဗျားတို့ တော်တော်လွန်နေပြီ" ဘာညာ နဲ့ အော်လိုက်မှ ထွက်သွားကြတယ်။ ဘာပဲပြောပြောတော်တော်လေးသင်ခန်းစာ ရလိုက်တယ်။ အဲဒီနေ့မှာပဲ ကြောင်လေးတွေ ခုန်တဲ့ ငါးဖယ်ချောင် ဘုန်းကြီးကျောင်းမှာ ဖုန်းမေ့ကျန်ခဲ့တယ်။ ဘုန်းကြီးက နောက်က စက်လှေနဲ့ လိုက်ပေးတယ်။ အဖြူတွေနဲ့တွေ့ တော့ ပြင်သစ်က ကောင်မလေးရော၊ စပိန်က ချာတိတ်ရောက ကျနော့်ကို "မင်းကရော ဘယ်နိုင်ငံကလာတာလဲ" လို့ မေးတယ်။ ကိုယ့်ကိုယ်ကိုတော့ နိုင်ငံခြားသားရုပ်ပေါက်တယ်လို့ မထင်မိပါဘူး။ သွားလေရာပါတဲ့ ကျောပိုးအိတ်နဲ့ DSLR လွယ်ထားလို့ဖြစ်မယ်လို့ တွေးမိတယ်။
(၄)
ရွေးကောက်ပွဲလည်းနီးလာပြီ။ အစက ပယ်မဲ လုပ်မယ်စိတ်ကူးထားသေးတယ်။ နောက်တော့ ကိုယ်စိတ်ချရမယ်ထင်တဲ့ ပါတီတစ်ခုခုကို မဲပေးလိုက်မယ်လို့ပဲ စိတ်ကူးထားလိုက်တယ်။ နိုင်ငံရေးနဲ့ ပတ်သတ်ရင် လူကိုပဲ ရွေးမယ်လို့ ဆုံးဖြတ်ထားတယ်။ မြင်ရတွေ့ရတာတွေကတော့ စိတ်မချမ်းသာစရာတွေများတယ်။ ပုဂ္ဂိုလ်ရေးတိုက်ခိုက်တဲ့သူလည်း အစိုးရနဲ့ ဆန့်ကျင်ရင် သူရဲကောင်းဖြစ်သွားတာပဲ။ မြှောက်ပေးတော့ အုံလိုက်ကျင်းလိုက်၊ ဟိုက အဲဒါတွေသာယာပြီး စွတ်လွှတ်တော့ အရေးယူခံရတော့ ဘယ်သူမှ မကောင်းဘူး။ တစ်ခါတစ်ခါ(ကိုယ်အပါအဝင်) နိုင်ငံရေးဆိုတဲ့ စာလုံးအကြီးကြီးအောက်မှာ လုပ်နေတဲ့အကွက်တွေက နှစ်ဖက်စလုံး ကလေးသိပ်ဆန်တာပဲ လို့ မြင်မိတယ်။
(၅)
စားပွဲပေါ်က ရှန်ပိန်ခွက်နှုတ်ခမ်းမှာ
အပြုံးတုတွေပေကျံခဲ့တယ်...
ခွက်ချင်းတိုက်တဲ့အသံနဲ့
ကားလမ်းမပေါ်က ဂျိုင်းထောက်သံ
"ဂွပ်" ကနဲ အတူတူကျတယ်...
ဘဝဟာ ခါးသထက်ခါးလို့...
ဘဝဟာ မှောင်သထက်မှောင်လို့
ဘဝဟာ နိမ့်သထက်နိမ့်လို့...
စံပယ်ပန်းလေးအားပေးပါဦးလားအစ်ကို...
ကားတံခါးခပ်ဟဟထဲက ခြေဆုံးခေါင်းဆုံးကြည့်လိုက်သလား...
မပူပါနဲ့ ကျနော့်မှာ ခင်ဗျားကြည့်စရာ ခြေဆုံးခေါင်းဆုံးအပြည့်မရှိပါဘူး...
ကျနော်မနေ့က သူရဲကောင်း...
ကျနော်ဒီနေ့ ဒုက္ခိတဒုက္ခသည်
ကျနော်မနေ့က စစ်ပွဲရဲ့ နတ်ဘုရား..
ကျနော်ဒီနေ့ ဘဝစစ်ပွဲမှာ မြုပ်လုလု ပုလင်းလွတ်တစ်လုံး..
ကျနော်မနေ့က တောင်ကြီးဖဝါးအောက်လို့ ကြွေးကျော်ခဲ့တယ်...
ကျနော်ဒီနေ့ အဲဒီတောင်ကြီးတစ်နေရာမှာ ဖဝါးတစ်ခုလုံး မြှုပ်နှံခဲ့ရ...
ခံယူချက်အတွက် သေနတ်ကိုင်ခဲ့တဲ့လက်တွေဟာ...
စားဝတ်နေရေးအတွက် လက်ထဲအခြားပစ္စည်းတွေနဲ့ အစားထိုးခံခဲ့ရ...
စံပယ်ပန်းကုံး၊ ဘုရားစာအုပ်၊ ဂျိုင်းထောက်၊ ဒန်ဖလားအစုတ်....နောက်ပြီး.. နောက်ပြီး...
စစ်ပွဲအချို့ပြီးသွားတယ်...
စစ်ပြန်နှစ်ဦး လမ်းပေါ်မှာငြိမ်းချမ်းစွာ ပြန်လည်တွေ့ဆုံကြတယ်...
တစ်ဦးက ငြိမ်းချမ်းရေးလို့ စာကပ်ထားတဲ့ ကားအနက်ကြီးနဲ့...
တစ်ဦးက ငြိမ်းချမ်းရေးလို့ စာကပ်မထားတဲ့ ခြေတုအဟောင်းကြီးနဲ့...
ဘဝဟာ ခါးသထက်ခါးလို့...
ဘဝဟာ မှောင်သထက်မှောင်လို့
ဘဝဟာ နိမ့်သထက်နိမ့်လို့...
ကျနော်တို့ဟာ ညီအစ်ကိုတွေပါပဲ...
ခြောက်ကပ်ကပ်ရယ်မောသံတွေနဲ့အတူ ခွက်တွေမြှောက်လိုက်ကြတယ်...
သူတို့ခွက်ထဲမှာ သွေးတွေ...
ကချင်သွေး၊ ဗမာသွေး၊ ရှမ်းသွေး၊ ပလောင်သွေး၊ ကရင်သွေး သွေးပေါင်းစုံရောထားတဲ့ သွေးတွေ..
ခွက်ချင်းတိုက်သံတွေ စိပ် စိပ် လာတဲ့အခါ...
ပလက်ဖောင်းပေါ်က စံပယ်ပန်းရောင်းတဲ့...
ရပ်ကွက်တွေထဲ ဘုရားစာအုပ်ရောင်းတဲ့...
လူစည်ကားရာ ခွက်တစ်လုံးနဲ့ တောင်းတဲ့...
နိုင်ငံကိုအလင်းပေးခဲ့တဲ့ ကြွေလွင့်ပြီးသော ကြယ် အဟောင်းတွေ များများလာခဲ့တယ်...။
(၆)
ဟိုးတစ်နေ့က မော်လမြိုင်သွားချင်တယ်တင်လို့ သူငယ်ချင်းဇင်လေး Mya Yeik Zin က ဗိုက်ဘာကနေ လာအစ်နေတယ်။ ဘယ်မော်လမြိုင်သူမှ မတွေ့ဘူး။ အလိုလိုနေရင်းကို သွားချင်နေတာ။ ကိုယ်ကတောင်ပေါ်သားလေ။ ကမ်းရိုးတန်းနဲ့ အောက်ပြည်အောက်ရွာ က တော်တော်လှတဲ့ဒေသရဲ့ ပတ်ဝန်းကျင်၊ ဓလေ့၊ အစားအသောက်၊ ယဉ်ကျေးမှုတွေကို မြည်းစမ်းချင်တာ သဘာဝပဲ မဟုတ်လား။ အခန်းထဲမှာလည်း မြန်မာပြည် သိန်းတန် သီချင်းကို ကေကေတီ ပြန်ဆိုတဲ့ ရွှေမြိုင်မှာပဲ နေတော့မယ် ကို အမြဲဖွင့်နေမိတယ်။
(၇)
သီချင်းတစ်ပုဒ်ကို အစအဆုံး ကိုယ့်ဖာသာ ကာဗာလုပ်ကြည့်တာ ပါရမီနည်းတာရော၊ ရမ်း လုပ်ရတာရောကြောင့် တော်တော်ကြာသွားတယ်။ အထူးသဖြင့် Bass တီးတာ တော်တော် ဒုက္ခရောက်တယ်။ ဟော်လိုဂစ်တာနဲ့ကြောင့်လည်း ဟုတ်တယ်။ နောက် ကိုယ့်မှာလည်း အလေ့အကျင့်မရှိဘူးလေ။ တစ်လွှာချင်းစီသွင်းလိုက်တယ်။ အဲဒီ အသက်၄၀ တစ်ပုဒ်လုံးကို Audacity မှာ အစအဆုံးလုပ်ထားတာ။
(၈)
လိုင်းတွေကျတယ်။ ခုတလော လိုင်းတွေသိပ်သိပ်ကျတယ်...
(၉)
နှောင်
=-=-=-=-=
သံတိုင်တံခါး
ပိတ်နှောင်ထားလည်း
ရင်အားခတ်နှိပ်
တော်လှန်စိတ်ကို
ဖိသိပ်မချုပ်နိုင်ပါတကား။
ဤကား ဓမ္မ
အဓမ္မဟု
ခွဲပြညွှန်းဆို
ဖော်ထုတ်လိုလည်း
ထိုထိုလောက
အဓမ္မကွယ်
ဓမ္မပယ်၍
ရှောင်ဖယ်သိမြင်
အမှန်ထင်၏။
စင်စစ်ငါ့အား
အကြားကိုပိတ်
နှုတ်ဆိတ်နေစေ
ဖယ်သွေမျက်ကွင်း
နှောင်ကြိုးတင်းလည်း
တစ်စင်းအာရုံ
စိတ်အစုံသည်
ဘယ်ပုံဓမ္မ
အဓမ္မဟု
ခွဲပြလင်းစင်
အမှန်မြင်သည်
ငါလျှင်ရှင်ကျိုးနပ်ပြီတည်း..။
MTOL®
27-10-2015
11:30 PM.



 

My Blog List

  • ဝေးသွားလည်း..... - ကျားပေါက်ရဲ့ မူပိုင်သံစဉ်လေးအတိုင်း ဒီသီချင်းလေးကို သိပ်ကြိုက်တယ် ခပ်အေးအေး လွမ်းလွမ်းဆွေးဆွေးလေလေလွင့်လွင့်လေး...။ “အင်းလျားလမ်းကပန်းဆိုင်”....“.နွေဦး”...
  • လက်ကိုင်ဖုန်းထဲက မင်းသမီး - ကျွန်မ အိပ်ရာကနိုးလာတော့ အတော်နေမြင့်နေပြီ။ နေမြင့်ပြီသာ ပြောတာ နေလုံးဟာ ဘယ်နားရောက်လို့ ဘယ်လောက်အမြင့်ဆီ ရောက်နေတယ်ဆိုတာ ဘယ်သူကများ သေသေချာချာ သိမှာလဲ။ ဒီ...
  • သောင်းပြောင်းထွေလာ အတွေးဝေဟင်မှာ- - ပို့စ်တစ်ပုဒ် မဆိုထားနဲ့ စာတစ်ကြောင်းရေးဘို့တောင် ကျမအတွက် ပေလွှာပေါ်မှာ မှင်စက်မကျခင် အတွေးဘ၀င်မှာ အရင်ဆုံးရေးတင်ရပါသေးတယ်။ စိတ်ကူးထဲမှာ ‘စာရေးတာလေးများ ဘာ...
  • 26th June 2016 - ခပ် ချေ ချေ ဘဲ Ooredo 5.5 Gb ဝယ် တယ် 5.5 gb အပို ရတယ် ပြီး ခဲ့ တဲ့ တစ် ခေါ်က် က နှစ် ပါတ် နဲ့ ကုန် သွား လို့ telenor ပြောင်းသုံး တယ် 10gb နဲ့ ဖဘ ဖ ရီး ...
  • 3 Days in Yangon: Sister's Wedding - ကန်ဒီပျောက်ချက်သားကောင်းဆို ရန်ကုန်ပြန်တာနဲ့... စာမေးပွဲဖြေတာနဲ့... အလုပ်နေရာပြောင်းဖို့ ပြင်ဆင်တာနဲ့ အဲ့လိုအဲ့လိုတွေ ရှုပ်နေလို့ပါ။ စာမေးပွဲဆိုတာက အလုပ်မှာ...
  • မနှင်ဘဲနောက်လှည့်ပြန်ခဲ့သည် - *မနှင်ဘဲ နောက်လှည့်ပြန်ခဲ့သည်...* မိုးသက်ဦးလွင် Marshell အမှတ်တံဆိပ် နားကြပ်ကို နားမှာတပ်လိုက်သည်..။ ဒီလိုအချိန်ဆိုရင် မိုးလွင် လုပ်ငန်း စပြီ...
  • ရင်ပျိုးသစ်ပင် - ရင်မှပျိုးသည့် ချစ်ခြင်းသည်ပင် အနမ်းဖူးဖူး အလွမ်းပွင့်ပွင့် မြတ်နိုးဝေေ၀ ဝေဒနာနွမ်း ရော်ရင့်ခြောက်လဲ ရင်ကပျိုးလို့ မြတ်နိုးမိသည် ထာဝရတည် ရင်ကပျိုးသည့် အချစ်သ...
  • စာအန်ခြင်း (၂) - " စာအန်ခြင်း (၂) " မျိုသိပ်ရလွန်းလို့ " အ " သွားတဲ့ လူတစ်ယောက်ပါ။ ချစ်ရေးချစ်ရာ ဆိုတာ အပြစ်ရေး ၊ အပြစ်ရှာလောက် မလွယ်ကြောင်း လူတချို့ကို မ . . .ရှင်း . . . ...
  • Optimistic, Love and Life - ဒီရက်ပိုင်း ကျနော်က ကိုယ့်ကိုကိုယ်မြေမျြပ်သင်္ဂြိုလ်ထားတဲ့သူလို.။ဘ၀ရဲ့ အဓိပါယ်တွေ၊အတွေးအခေါ်တွေ တမျှော်ကြီး ပုံဖော်ကြည့်ဖို့လည်းမရှိတော့ပါဘူး။ပစ္စုပန်ကိုတည့်တည...
  • ရေမရသော တောင်စဉ်များ... - နာရီသံတချက်ချက်ကြားမှာဘဝတွေဟာ မိန်းမောနေကြတယ်။ ယောင်ယမ်းပြီးတော့များ ကိုယ့်ကိုယ်ကို သတိမရလိုက်နဲ့။ ပိုင်ဆိုင်မှုတွေ အကြောင်းပြောကြမယ်။ အနာဂတ်တွေအကြောင်း ခ...
  • ||| အိမ်မက်ကလေးရေ ငါ့ဆီအမြန်လာပါ ||| - ဒုက္ခတရားကြီးကို ဖုရားပန်းအမှတ်နှင့် ငါခေါင်းမှာ ပန်ခဲ့ဖူးပြီ အိမ်မက်ကလေးရေ ငါ့ဆီအမြန်လာပါ ။ ။ ဟောဒီပင်လယ်ပြင်ကျယ်ကြီးရဲ့ ကမ်းစပ်ဝေဝါးနေမှုဟာ ငါ့အသ...
  • Untitle - ဘာရယ်မဟုတ်… အမှတ်တမဲ့နဲ့ လက်ဆော့ ဖန်တီးရာကနေ ဘဝရဲ့ မှတ်တိုင်တစ်ခုအနေနဲ့ အမြဲတမ်း တန်ဖိုးထား အမှတ်ရနေမယ့် နေရာလေးတစ်ခု ဖြစ်သွားခဲ့တာ... ^_^
  • နှုတ်ဆက်ထွက်ခွာခြင်း - သိပ်မကြာခင်ရက်ပိုင်းမှာ အခု နေတဲ့အိမ်လေးကနေ နောက်အိမ် တခုကို ပြောင်းရပါတော့မည်။ အလုပ်ပိတ်ရက်သုံးရက် ရတုန်းလေး ရှိသမျှ ပစည်းတွေ သိမ်းဆည်းထုပ်ပိုး နဲ့ တနေကုန...
  • HO-OH Mobile (ဟိုအို မိုဘိုင်း) - HO-OH Mobile (ဟိုအို မိုဘိုင်း) မှ တာဝန်ယူဖြေရှင်းပေးနေသော Mobile Phone နှင့်သက်ဆိုင်သည့် Error များ ............... *Software For Android Error* (Samsun...
  • "အထူးအောင်ပန်းဆင်" တေးထပ် - ပွဲသင်္ကြန် နွှဲပြန်ကြ ဇွဲသန်ပြ ခါခါ။ ကဲသံက ဆူဆူညံတယ် တူတူကြံ ပျော်ပွဲ။ နိုင်ငံသစ် တည်လစ်စဉ်လျှင် ပြည်ရှစ်ခွင် မြူးလို့ဆင်နွှဲ။ ပိတောက်ခက်နဲ့ ရေပက်ပါကွယ် ဆွေသက...
  • Spring is coming ~~~ - ရာသီတွေ တပတ်လည်လာလိုက်တာ အခုတော့ နွေဦးကို ပြန်ရောက်လို့ လာပြန်ပါပြီ ....။ ရာသီအလိုက် ပွင့်လေ့ရှိတဲ့ပန်းတွေကို မှတ်တမ်းတင်လေ့ရှိတဲ့ကိုယ့်အတွက်တော့ နွေဦးဟာ ...
  • အားငယ်နေတဲ့သူရဲကောင်း - credit : google.com *အားငယ်နေတဲ့သူရဲကောင်း* ဘဝရဲ့စွန့်စားခန်းတွေထဲ ငါဟာ သူရဲကောင်းအလား လက်ခုပ်တီး အားပေးမယ့်သူမရှိ နောက်လိုက်ဗိုလ်ပါမရှိ ဟန်ပန်တွေအပြည့်...
  • - ယခုလို ဇန်နဝါရီလလိုမျိုးမှာ ပြင်ဦးလွင်မှာဆိုရင် ချယ်ရီတွေလှလှပပ ပွင့်ဝေလို့ နေကြပြီ။ ရှမ်းတောင်တန်း တွေပေါ်မှာလည်း ချယ်ရီတွေ ဝေဝေဆာဆာ ဖူးပွင့်လို့ နေပါပြီ...
  • ကမ္ဘာပျက်စေတဲ့ ဝိုင် - Normal 0 false false false EN-US X-NONE X-NONE ...
  • မေတ္တာဖြင့် ချည်နှောင်ခြင်းနှင့် ရှင်ဘုရင်တစ်ပါးရဲ့ ချစ်ပုံပြင် - ဒီနေ့ ကိုသုတ ရဲ့ Synergy Publication ကနေထုတ်တဲ့ မနိုင်းနိုင်းစနေနဲ့ ပူးတွဲ ရေးသားထားတဲ့ မေတ္တာဖြင့် ချည်နှောင်ခြင်းနှင့် ရှင်ဘုရင်တစ်ပါးရဲ့ ချစ်ပုံပြင်ဆိုတ...
  • "အလွမ်းခပ်တဲ့ မှတ်စုများ (၅)" - ကိုယ့်အတွက် ဘယ်ဘက်ရင်အုံဟာ သူ့အတွက်တော့ ညာဘက်ပါးပေါ့ အခုတော့လည်းလေ ... သနပ်ခါးရနံ့လေး မပျယ့်တပျယ်နဲ့ ကိုယ့်ရဲ့ညနေတွေက သံသရာလည်တာကို ငေးကြည့်နေကြရတယ်။ သူကလေ...
  • ဆောင်းသက်လေမှီ (ကဗျာဟောင်း) - နေခြည်နွေးနု၊ ဆောင်းရတုမှာ လွမ်းလှကြာခြည်၊ ဘယ်ဆီမျှော်မှန်း စိတ်ဝယ်တမ်းခဲ့။ မှိုင်းပျဝေမှုန်၊ ချစ်ခြင်းသုန်သည် ကုန်မငြီးဖွယ်၊ လွမ်းသက်လှယ်မှာ တမ်းခွင့်သာခ...
  • အသားအရည်လှပဖို့ နည်းလမ်းရှာဖွေထိန်းသိမ်းစို့ - ပုံအားGoogle မှအသုံးပြုပါသည်။ ခုတလော နိုင်ငံရေးစာတွေကလွဲလို့စိတ်ဝင်စားမိတဲ့ကျန်းမာရေးနဲ့ပတ်သတ်တဲ့စာတွေပိုပြီးဖတ်မိနေသလိုသိလာရသမျှလေးတွေကိုပြန်ပြီးတတ်သလေ...
  • ဇီဇဝါပင်လေး ပြောပြတဲ့ မောင့်အကြောင်း ပုံပြင် - ထာဝရပါ မောင်။ မောင်ဟာ ဖြူ့ရဲ့ ထာဝရပါ။ ဖြူဟာ မောင်တန်ဖိုးထားရတဲ့ မောင် မြတ်နိုးရတဲ့ မောင်ချစ်ရတဲ့ အရာတွေ စုပြုံရှိနေတဲ့ လူသားမိန်းမတစ်ယောက် ဖြစ်ခွင့်ရတာ ဖြူ...
  • လက်ရှိ ဆုတောင်း - သဘောထားမတိုက်ဆိုင်တိုင်း မကောင်းဘူးလို့ ပြောရမယ်ဆိုရင် ကိုယ့်စိတ်နဲ့ ကိုယ့် ခန္ဓာတောင် မတိုင်ဆိုင်မှုတွေအများသား ။ ထက်ချပ်မခွါ ပါလာတဲ့ ခြေလှမ်းတူတူ ငါတို့ ရပ်...
  • တေးဖွဲ့မသီရာ - တိုလီမိုလီတွေထည့်သော ဘီရိုအသေးလေးကို ရှင်းတော့ ဂါဝန်ဝတ်ရုပ်မလေးနှင့် ဖန်ပုလင်းလေး ထွက် လာသည်။ ဇာတ်လမ်းပမာတွေထဲကလို ငိုင်တွေငြိမ်သက်လျက် အဝေးသို့ငေးရီေ...
  • ဆယ့်ကိုးဂျူလိုင် - မျက်ဝန်းကိုမှိတ် အေး အရိပ်၌ ချွေးသိပ်ပါဦး ပန်းကုံးပန်းဆိုင် အခိုင်ခိုင်နှင့် သွန်းဖြိုင်ကာဖြိုး ထီးဖြူမိုး၍ တိမ်ခိုးဦးခိုက် သူလည်းရှိုက်၏ မှောင်မိုက်လှသည့်...
  • မောင်(စွယ်စုံကျမ်း) ၀က်ဆိုဒ် - Mssk.apk ကို Play Store Market မှာယူရပြီ - mssk လို့ ရေးပြီးရှာနိုင်ပါတယ် မထည့်ရသေးသူများ ဖုန်းထဲကနေ သုံးချင်ရင် အောက်ကလင့်မှာ Playstore link ရော Zippyshare Link ရော ဒေါင်းကြည့် https://play.goog...
  • မောင် - မောင် မသိပဲ မောင်လို့ နာမ်စားလေး ခေါ်မိတဲ့အတွက် စိတ်ဆိုးချင်လဲ စိတ်ဆိုးတော့ မောင် မောင့်ကို မောင်လို့ ခေါ်ခွင့်ရတဲ့ အခိုက်အတန့်ဟာ ကျွန်မဘ၀မှာ အပျော်ရွှင်မ...
  • ငါးမှုန့် ပန်ကိတ် - ချစ်သော မိတ်ဆွေများအားလုံး မင်္ဂလာပါရှင်။ ဒီနေ့ ပုံမှန်ကြော်စားနေကျ ပန်ကိတ်ကို ငါးမှုန့် နှင့် ကြော်စားလျှင် ပိုမိုစားကောင်းတာကြောင့် အရင်ခဏခ...
  • မြေဇာပင် တမ်းချင်း - ဆီးရီးယားအပါအဝင် စစ်ဒဏ်ရဲ့ ဆိုးကျိုးသက်ရောက်မှုတွေ ခံရတဲ့ ကလေးသူငယ်တွေဘဝကို အိုင်ဒီယာကောင်းကောင်းနဲ့ ရေးဆွဲထားတဲ့ စာမဲ့ကာတွန်း ဖြစ်ပါတယ် ပုံကို အင်တာနက်မှ ...
  • နိုဝင်ဘာကျိန်စာ - *စိတ္တဇဆန်ဆန်ပြုမူတတ်သလို* *ကြောင်တောင်တောင်တွေးခေါ်တတ်တယ်* *ငယ်ငယ်ကတည်းက စိတ်ဒဏ်ရာအတိုင်း ဆက်ဆံတတ်လို့* *နားလည်ဖြေသိမ့်ပေးမဲ့သူမရှိတဲ့ဘ၀မှာ * *နေသားမကျတကျနဲ...
  • မုန့်ဟင်းခါး - blog မှာ ပိုစ့် မတင်ဖြစ်တာ ကြာနေပြီမို့ ... ဘလော့လည်း အသက်သွင်းရင်း ... ဘာရေးရမှန်းလည်း မသိဖြစ်ရင်း ... ထုံးစံ အတိုင်း ဓာတ်ပုံပဲ တင်လိုက်ပါတယ်။ ... ဓါတ်ပုံ...
  • ကဆစ်သီးထောင်း - အညာဒေသမှာကြိုက်နှစ်သက်တဲ့ ကဆစ်သီးထောင်းလေးပါ။ ဖရဲသီး သေးသေးလေးတွေလိုပုံမျိုးရှိပြီး အရသာကတော့ ကင်းပုံသီးများလိုပဲ ဆင်တူပါတယ်။ ကင်းပုံသီးလိုပဲ အချိုအခါး အရ...
  • ကျွန်ုပ်နင့်အသက်ငါ့ပေး ဆရာကြီးညိမ်းနိုင် နှင့် ဒေါ်လာ၁၁ဘီလျံပျောက်ဆုံးမှုကြီး - တစ်နေ့သ၌ကျွန်ုပ် နင့်အသက်ငါ့ပေးဆရာကြီးညိမ်းနိုင်သည် မနက်မိုးလင်း၍မှ တစ်ထွာသော ဝမ်းအတွင်း သို့ ဖြည့်တင်းစရာ တစ်စုံးတစ်ရာလည်းမရှိသည့်အပြင် ကျွန်ုပ်အား ပုံမ...
  • အိမ်လွမ်းစိတ် - "" အိမ်လွမ်းစိတ် "" အိမ်လွမ်းစိတ်နဲ့  တိုက်စားခဲ့တဲ့ အချိန်တွေလည်း နှစ်ချို့ ခဲ့ပြီး။ အမေ........ ပျော်ရွှင်မှုတွေ ပျောက်ရှနေတဲ့ တိုင်းတစ်ပါးမှာ အလွမ်းတွေ ချ...
  • ဝဋ်ကောင် - မှောင်…တယ်… အလင်းရောင်ရယ်… ဆိုလို့ မင်းကို ပြုဖို့ ရှိစုမဲ့စု စုထားတဲ့ ဥပက္ခာနုနုလေးပဲ… ခပ်လဲ့လဲ့ ရှိလေရဲ့… ကွယ်… ဒီလိုနဲ့ မျက်စိစုံမှိတ် အားတင်းအ...