ကိုယ့်ကိုယ်ကိုယ်ပြောတဲ့ ကိုယ့်အကြောင်း (၁)

ကျွန်တော် ပရိုဖက်ရှင်နယ် စာရေးသူတစ်ဦးဖြစ်လာနိုင်သလား..??
ဒီမေးခွန်းဟာ ကျွန်တော့်ကိုယ် ကျွန်တော် မကြာခဏ မေးမိတဲ့ မေးခွန်းတစ်ခု ဖြစ်ပါတယ်.။ မေးမိတိုင်းလည်း အဖြေဟာ တစ်ခုပဲ ထွက်လာပါတယ်..။ ဟုတ်ကဲ့.. မဖြစ်နိုင်ဘူးဆိုတဲ့ အဖြေပါ..။ ဘာဖြစ်လို့လဲ စဉ်းစားကြည့်ရင် ကျွန်တော့်မှာ အလွန်အားနည်းတဲ့ ကိုယ်ပိုင်မူဟန်တစ်ခုပဲရှိပြီး ကျွန်တော် များများဖတ်လေ့ရှိတဲ့(သို့) လတ်တလော ဖတ်လေ့ရှိတဲ့ စာရေးသူတွေရဲ့ အာဘော်တွေ၊ ရေးဟန်တွေက ရေးလက်စ စာထဲမှာ စိမ့်သွားတတ်တာကြောင့်ပဲ ဖြစ်ပါတယ်..။ ကျွန်တော် PC မှာရေးခဲ့တဲ့ "ကျွန်တော်မှတ်မိသမျှ ပြန်ပြောပြပါ့မည်" ဆိုတာ ဆရာမင်းလူရေးတဲ့ အသောပုံစံနဲ့ တူနေတယ်လို့ သူငယ်ချင်း တစ်ဦးက ပြောဖူးပါတယ်.။ ထို့အတူပဲ ဘလော့မှာရေးဖူးတဲ့ ဆောင်ပါးအချို့ "သဘောလောက်ပြောရရင်" "ပေါက်ကရဘလော့ဒေး" စတဲ့ ဆောင်းပါးတွေမှာ ကျွန်တော့်ရဲ့လက်က အသော့ အထေ့နဲ့ ခပ်မြူးမြူးစာတွေ ရေးနေတာကိုတွေ့မှာပါ..။ တကယ်တော့ ကျွန်တော့်မူပိုင်ရေးဟန်က အဲဒီလိုမျိုးမဟုတ်ဘူး..။ ကျွန်တော့်စာရေးတဲ့ပုံစံဟာ ရင်ဖွင့်တဲ့ ပုံစံ၊ ခံစားချက်ကိုဦးစားပေးတဲ့ပုံစံ၊ အဆွေးဇာတ်ပုံစံရေးတာမျိုးပါ..။ တကယ်တော့ ကိုယ်ပိုင်ရေးဟန်ဆိုတာလည်း ကိုယ်ဖတ်ဖူးခဲ့တဲ့/ အဖတ်များခဲ့တဲ့ဆရာ့ဆရာကြီးတွေရဲ့ အာဘော်တွေပေါင်းစပ် လာရာကနေ ထွက်လာတာပဲမဟုတ်လား..။ ကျွန်တော့်ရဲ့ ငမိုး ဆိုတဲ့ ကိုယ့်နာမည်ကိုယ် ထည့်ရေးတဲ့ပုံစံက ဆရာကြီး မောင်ထင်ရဲ့ ငဘကို အလွတ်နီးနီးရတဲ့ ငယ်ဘဝကတည်းက စိတ်ထဲမှာ သူ့ရဲ့ရေးဟန်က အလိုအလျောက် ပုံပေါ်နေမယ်လို့ ထင်မိပါတယ်..။
ပထမဆုံး စာစရေးမယ်လို့ ဆုံးဖြတ်မိပြီး စရေးတဲ့ ဝတ္တုတိုကနေ စာမျက်နှာ ၃၀၀ ကျော်တဲ့ ဝတ္တုရှည်တစ်ပုဒ် ဖြစ်သွားပါတယ်...။ ကျွန်တော့်လက်က ဝတ္တုတိုရေးဖို့ အင်မတန်ခက်ပါတယ်.။ ဘာဖြစ်လို့လဲ လို့ မေးရရင် အစပိုင်းမှာ ကျွန်တော်က စာကိုရေးတာဖြစ်ပြီး နောက်ပိုင်းမှာ ကျွန်တော်ဟာ စာကရေးတဲ့ ဝတ္တုနောက်ကို လိုက်ပါခံစားသူ ဖြစ်သွားတတ်လို့ပါ..။ ဝတ္ထုထဲမှာ ချစ်ရေးဆိုတဲ့အခါ ရေးနေတဲ့ ကျွန်တော် ချွေးတွေပြန်ပြီး ရင်ခုန်နှုန်းတွေ မြန်နေတတ်တယ်.။ ဝတ္တုထဲမှာ ဒေါသထွက်စရာကြုံတဲ့အခါ ကျွန်တော် အပြင်မှာ အသက်ရှုတွေကြမ်းနေတတ်တယ်..။ ကျွန်တော်ရေးတဲ့ဝတ္တုတိုင်းကို ကြိုတင် Frame ချထားလေ့မရှိသလို၊ အကြမ်းလည်း ရေးလေ့မရှိပါဘူး..။ တစ်ခါတည်း လက်တန်းရေးပါတယ်.။ အဲ ရေးတဲ့အခါလည်း ငါ့ဇာတ်လမ်းက ဘယ်လို သိမ်းမယ်ဆိုတာကိုယ်တိုင်ဆုံးဖြတ် ထားခြင်းမရှိပဲ.. ဇာတ်သိမ်းပိုင်းရေးတဲ့အချိန် ဖြစ်ပေါ်နေတဲ့ စိတ်ခံစားချက်ပေါ်မှာ မူတည်ပြီး ဇာတ်သိမ်းသွားတတ်တာမျိုးပေါ့..။ Psycho စစ်တဲ့ အရာရှိက ကျွန်တော့်ကို အပြင်စွဲများသူ လို့ မှတ်ချက်ပေးဖူးပါတယ်.။
နောက်ထပ် ကျွန်တော် ပရိုစာရေးသူတစ်ဦး ဖြစ်မလာနိုင်တဲ့ အခြားအကြောင်းတစ်ချက်က ကျွန်တော်က ဘယ်တော့မှ ဖိအားတစ်ခုကြောင့်စာရေးတတ်လေ့မရှိပါဘူး..။ ဘယ်နေ့ဘယ်နေ့မှာ စာမူအပြီးရေးထားပေးပါ ဆိုတဲ့ ဖိအားတစ်ခုကြောင့် ညှစ်ထုတ်ရတဲ့ စာကို လန်ပြန်ထွက်ပြီး လူတိုင်းက သဘောကျလောက်အောင် ကျွန်တော်ပါရမီမပါခဲ့ပါဘူး..။ ပြီးခဲ့တဲ့နှစ်က ထွက်ခဲ့တဲ့ ကိုကိုးအိမ်(မန္တလေး) စီစဉ်တဲ့ "စကားဝါပန်းတို့ရဲ့ ဒိုင်ယာရီစာမျက်နှာများ" စာအုပ်မှာ ကျွန်တော့်စာမူ တစ်ပုဒ်ပါပါတယ်..။ ခံစားချက်နဲ့ ဝေးတော့ ပရိသတ်မပြောနဲ့ ကိုယ်ကိုယ်တိုင်တောင် မကြိုက်ခဲ့တဲ့ စာတစ်ပုဒ်ပေါ့.။ (ကိုကိုးအိမ်ကလည်း စာအုပ်ပို့ခိုင်းရင်သာ ဟိုရွှေ့သည်ရွှေ့လုပ်မယ် ..။ စာမူတောင်းတုန်းက နေ့ဂျီ၊ ညဂျီ နဲ့ပါ...။) ကျွန်တော် စာမရေးချင်တဲ့အခါ ဘယ်လိုဖိအားပေးပေး စာကောင်းကောင်းရေးလို့ မရနိုင်သလို၊ ကျွန်တော်စာရေးချင်စိတ်ရှိတဲ့အခါမှာလည်း မနက်ဖြန် စာမေးပွဲကြီးရှိတယ် ဆိုရင်တောင် စာအုပ်ပိတ်ပြီး ထရေးချင်ရေးတာမျိုးပါ..။
မင်းရေးတဲ့ စာတွေကို သိမ်းထား၊ ဥထားလေ လို့ တစ်ချို့က အကြံပေးပါတယ်..။ ဟင့်အင်း.. ကျွန်တော်က ကျွန်တော် စာတစ်ပုဒ်ရေးပြီးရင် သိမ်းထားတာမျိုးလုံးဝ မလုပ်တတ်ပါဘူး..။ ကျွန်တော်ဟာ Blogger လေ..။ Online ကစခဲ့တဲ့ စာရေးသူလေ..။ Online က ပရိသတ်အတွက် ဦးစားပေးပါတယ်..။ ကျွန်တော် စာရေးပြီးတာနဲ့ စာလုံးပေါင်း၊ သတ်ပုံ၊ စာစီထားတာ ဘာညာ စစ်ပြီးတဲ့အခါ အွန်လိုင်းပေါ် တန်းတင်တာပါပဲ..။ ဒီစာလေးကတော့ ကောင်းလို့ ဘယ်အတွက်ချန်ထားလိုက်မယ်၊ ဥထားလိုက်မယ် ဆိုတာမျိုး မလုပ်တတ်ပါဘူး..။ ကျွန်တော် ဘယ်နေရာပဲ ရောက်ရောက် မေမြို့မိုး ဆိုတဲ့ ဘလော့လေးကနေ၊ နွေမိုး၊ မိုးသက်ဦးလွင် ဘလော့ ပြောင်းလဲပြီးတဲ့ အထိ၊ လက်တွဲခေါ်ခဲ့ကြတဲ့ စီနီယာ ဘလော့ဂါ ညီအစ်ကိုမောင်နှမတွေကို ကျေးဇူးတင်နေမိမှာပါ.။ ပရင့်ဖက်ကိုကျွန်တော် ကူးကောင်းကူးမိပါလိမ့်မယ်..။ ဒါပေမယ့် ပရိုမဆန်တဲ့ စိတ်ဓါတ်တွေနဲ့ပဲ အပျော်တမ်းစာရေးသူတစ်ဦးဘဝနဲ့ပဲပျော်မွေ့နေဦးမယ်ဆိုတာ ဘယ်သူမှ မမေးခင် ကိုယ့်ကိုယ်ကိုယ် အရင်ဝန်ခံထားလိုက်ပါတယ်...။

~မိုးသက်ဦးလွင်~